انا رجعت لكم تانى بس يارب اكون خفيفة ظل لكن يعلم الله انا بحبكم كلكم
وبات اتخيل شكل كل واحده وارسم لها صوره فى خيالى احنا ممكن ما نتقابلش فى الدنيا
لكن ممكن ان شاء الله نعرف بعض فى الاخره لان انا قريت ان فى شدة اهوال يوم القيامه
لنا ان شاء الله مكانه مختلفه وهى الاخلاء ال كانو على صلاح فى الدنيا بياخدو بايد بعض
وبيطمنو بعض ان كل خير فى الدنيا عملوه مع بعض حا ينفع ان شاء الله فى هذه الشده
والمكانه الا عظم فى شدة هول هذا اليوم وقرب الشمس بحرارتها وهى ظل الرحمن
لان حبنا لبعض حب فى الله نجتمع ونفترق على ما يرضى الله
داليا السعيد شكرا على دعواتك الجميله وربنا يعينك ولازم تتعلمى الصبر والهدوء نصيحه
سما انت مغتربه اكيد شايفه الصوره بوضوح لان تقريبا كل الدول العربيه فكرها واحد
وبالنسبه للنوذجين ال حكيتى عنهم فعلا هما متكررين كتير لكن انا مش معاكى انك تخافى على ابنك
انه يحتك بالناس ويخرج لانه لازم تحك ويشوف نماذج ويتعلم ما ينفعش نعيش اولادنا فى صندوق
لاننا خايفين عليهم وللاسف الغربه بتخلينا قافلين على ولادنا عشان كده لما بينزلو مصر
بيكونو زى القروى الساذج مذهول من كل حاجه ويتخبط وحياته تتلخبط لكن بيرجع لاصله
زى ما حصل ما النموذج ال حكتيه فتقريبا كل المغتربين مشتركين فى مشاكل وظروف واحده
عطر خلاص نعوض السهره الليله ان شاء الله وبلاش عصبيه وانت سايقه بس فعلا انت معزوره
الناس بقة صعبه وخصوصا سائقى التاكسى
ماما زوزو انت امنا لكن مقاما وليس سنا وكلنا فعلا محتاجين تجاربك ونصايحك
إن ما تزعليش اننا ما سالناش واحنا فى انتظار مشركتك وتفاعلك معانا
مدام وائل انت فين - ياريت ما تتاخريش لاننا فعلا بنشتاق لك
على فكره انا جربت حاجه بسيط فى الكيك وفعلا فرق جدا فى الهشاشه
انا بستعمل بيكربونات بيعطى نتيجه افضل من البيكن بودر بس انا كنت
بحطه على الدقيق خوفا اننى انساه ثم اضرب المقادير
لكن اليوم وضعته على الدقيق لكن كان آخر حاجه فعلا طلع الكيك هش جدا
لان كان مكتوب فى المنتدى انه لما بيكون اخر شىء بيعطى نتيجه افضل
تقريبا عطر هى ال قالت معلش سامحونى انا مش متذكره مين ال قال
لكن جزاها الله خيرا فعلا النتيجه كده افضل بكثير
انا حا اصلى وارجع اكمل
التجمع الجديد لستات البيوت الشاطرين جداااااااا
متابعة النقاش، صفحة 126