انا قريت قبل كم يااخوات
معلش حبيباتي السلام عليكم ورحمة الله وبركاته خشيت بالموضوع دغري انا
من زمان مادخلت المغتربين اشلونكم عساكم طيبين؟
:39:
انا بخير عساكم بخير
المهم
قريت قبل كم يااخوات موضوع لعابد خزندار يحتسي عن شكاوى مبتعثين امريكا وبريطانيا من رواتبهم وانها ماتكفي
وان فيه طالبات يرسلون له يقولون انهم يضطرون يشتغلون في غسل الاطباق في مطعم الجامعة عشان يوفرون شوي من تكاليف الدراسة ...وحكي انا اشوفه من وجهة نظري الخاصة والخاصة جدا انه ماله داعي
طبعا اشيك على تعليقات القراء واللي يكتب::09:
انا اخوكم عبد الله من بريطانيا وراتبي لايكاد يكفي لتسديد تكاليف السيارة ومصاريف الاكل والفواتير والذي منه
يكتب الاخ صنيتان : انا اخوكم من امريكا واقسم اني احدثكم وانا اراقب آلات الطباعة في الجامعة ومااقول ان الشغل عيب لكن ابي اتفرغ للدراسة ياناس الراتب مايكفي مايكفففففففي
:44:
الاخت دلال : انا متأكدة ان والدنا خادم الحرمين لن يرضى ان تعمل بناته في غسل الاطباق
:angry:
انا ميير الاخيرة هذي جتني حالة اغماء يوم قريتها
طبعامايمنع ان فيه تعليقات جيدة ...وعقلانية
كان هذا هو الموجز واليكم تفصيل الانباء...
طبعا من تجربتي في بريطانيا حوالي السنتين ورغم اني ماكنت مبتعثة في البداية ولكن الحقت اخيرا ولله الحمد والمنة يعني الحين رواتبنا انا وزوجي وحدة...
اللي ابغى اقوله بإيجاز وراح آتي على التفصيل فيما بعد: إن الرواتب اللي نحصل عليها تعتبر موب بس كافية انما كفاية وزيادة للي بيعرف يصرف راتبه ويدبّر معيشته على قد الفلوس اللي تجيه
لو جينا يااخوات للصراحة : لوجدنا ان فيه طلاب يجون على حسابهم الخاص يعني يدفعون تكاليف الدراسة اللي تزيد احيانا عن الثمانين الف ريال (خصوصا لطلاب ماوراء البحار على قولتهم) حيث يبلغ كورس المسترز لوحدة 8 الاف باوند يعني لو ضربتيه بسبعة بيطلع بالخمسين الف ريال سعودي، فكيف عاد تكاليف البكالورويوس
وسبحان الله هذولا ماقد شفتهم اشتكوا من المعيشة او من قلة الرواتب ....طبعا عوائلهم ماهي غنية زي مابتقولون ...لا...بس يدفعون لهم تكاليف الدراسة وعقبها أنت مش حالك ...
تشتغل تشحد تسوي اي شي ماعلينا منك...انا قابلت اثنين (طالب وطالبة سعوديين ) وكانوا يدرسون على حسابهم الخاص...الولد كان يشتغل بارت تايم وعايش احسن عيشة لأنه يعرف كيف يصرف اموره ويمد رجوله على قد لحافه
الطالبة كان ابوها يصرف عليها الحق يقال لكن برضه كانت دايم تحتاج ومع ذلك ماقد اشتكت او قالت انها بتحول دراستها على حساب الحكومة رغم ان من حقها كذا
المسألة بكل بساطة : مو لازم نعيش في بريطانيا او الغربة بشكل عام بنفس مستوى المعيشة للي احنا متعودين عليه في السعودية
بكل بساطة انت _انتِ في غربة، يعني الرفاهية ماهي شي اساسي زي الأمان..والأمان لايمكن انك تحصل عليه وانت في ضائقة مادية !!!
ودعونا نحسب ببساطة وبهدوء العوائد المادية التي تصرفها الدولة لنا وتكاليف المعيشة في بريطانيا (انا الان اقيم في لندن اغلى وافظع من برايتون اللي كنت ساكنة فيها العام الفايت ومع ذلك امورنا فيها ماشية ولله الحمد...طب اشلون؟ انا اقولكم
العام الفايت استاجرنا شقة بقيمة 650 باوند شهريا +تأمين ألف باوند يدفع في اول السكن ويعاد بعد الطلوع من الشقة
فواتير الكهرباء في الشتاء كانت بقيمة 100-200 باوند (العام الفايت كانت دفاياتنا غاز والسخانة فيها وصلة غاز وصلة كهرب ومادرينا عن وصلة الغاز الا لما نبهنا راعي الشقة فلما صرنا نستخدم التسخين بالغاز نقصت فاتورتنا النصف بلامبالغة وهنا يجي دور تواصلكم مع راعي البيت واسألوه عن كل صغيرة وكبيرة عشان ماتضيع فلوسكم ان شالله)
فاتورة الموية اشتراك قيمته 300 باوند اظن لمدة ست شهور، يعني بمعدل 50 باوند في الشهر الواحد
فاتورة الانترنت والهاتف اشتراك مع شركة انتل (في برايتون) كان 18 باوند في الشهر ومكالمات اخر الاسبوع مجانا وكنا نكلم السعودية من بطاقة مدفوعة الثمن 5 باوند تكلمين
هذولي الأشياء الأساسية كم بيطلعون عليكم شهريا؟
650 أجار +200 كهرب +50 موية +20 انترنت وهاتف =920 باوند
راتب الزوج والزوجة (اللي موب مبتعثة ) يطلع بالحسبة كله 1470 باوند
يعني الفارق الشهري بيكون خمسمية وزيادة باوند!!!!
جايتكم طبعا بالمصاريف الجانبية الأكل وماالأكل...
لما تدخلين محلات السوبر ماركت تقدرين تلاحظين فروق الاسعار بشكل وااااااااااااااااضح من ماركت لماركت
فآزدا مثلا ارخص شركة تموين على الاطلاق
تليها تيسكو وتليها سينز بري اللي كنت اتقضى منهم العام الفايت
طبعا ويتروز على هارودز على ماركس وسبنسر محلات الطخاطيخ لاتقربكم هذي لأن اسعارها فلكية
إنما السؤال : كيف تقتصدين حتتتتتتتتى في ازدا وسينزبري وتيسكو؟
ببساطة اشتري الأطعمة اللي تعبئتها تعبئة أزدا نفسها او سينزبري نفسها!!!!تطلع ارخص عليك بنصف السعر بلامبالغة والطعم ولااحلى منه:39:
الزبدة حقت الدهن حقتهم علبه الف غرام زبدة تكفين للطبخ والدهن وتكبين منها كببببببب وتكفي شهر وزيادة كم سعرها؟ 45 بنس!!!!
بينما نفس العلبة من شركة ثانية تلقينها على نفس الرف (زي نستله مثلا او هارفيس ) بتلقينها بباوند ونص!!!!
:mad:
الحليب نفس الشي تلقين حليب سكيمد ميلك نفس مواصفات وجودة حليب أزدا بس انه تعبئة شركة ثانية يطلع عليك باوندين بينما حق ازدا ب60 بنس!!!
القهوة النسكافية حقتهم ب 40 بنس بينما النسكافي العادية ب3 باوند:27:
وقيسي عليها ماشئتي
فالحاصل انك لما تحرصين انك تشترين ارخص المنتجات اللي هي منتجات نفس الشركة بتطلع عليك فاتورة الحساب في كل مرة ماتزيد عن 5- 10 باوند في كل مرة ....ولاحظي انك ماراح تتقضين كل يوم ولكن كل اسبوع مرة مرتين
وتقدرين كمان تطنشين بعض الأشياء يعني موب لازم الثلاجة دايم تكون فيها بيض وجبن وطماط ووووووو الأشياء المهمة زي الخبز والحليب والرز
الرز كمان رغم انه ارتفع سعره بشكل مرعب بعد ازمة الغذاء العالمية الا انك تقدرين تشترين تعبئة ازدا او سينزبري ويطلع لك تخيلي 4 او 5 كيلو ب3 باوند ارخص من السعودية يعني!!!!!!!!!!!!!تخيلوا:arb:
بهالطريقة بتلقين نفسك ان شالله وفرتي الكثير والكثير وماراح تعانين من معاناة الطلاب اللي مايعرفون يوفرون او يمدون رجولهم على قد لحافهم
لأنهم باختصار ياأما مايعرفون يدبرون فلوسهم ويشتركون في ارخص الخدمات
او انهم عايشين نفس عيشتهم بالسعودية !!!!
تلقين الواحد منهم طالب براسه لحاله مكافأته ماتتجاوز ال800 باوند وعايش في شقة لوحده؟ شقة ليه يابوي استاجر لك غرفة في الكامبس حق الجامعة اريح لك واوفر لك ماتتجاوز اجارها اظن 250 او اقل بعد وخدمة الانترنت مجانا هناك وتنظيف اسبوعي ونشاطات ووناسة وهدوء وتاكل اكل ولااطيب منه في مطعم الجامعة بمالايتجاوز 2 باوند او 3 باوند !!!
لكن لا....زميل لرجلي مبتعث على حساب الدولة كل يوم داق على اهله ابي فلوس
يابوي ليه؟سأله زوجي
لقاه الأخ يوميا يتغدى ب15 باوند ويتعشي ب10
ويوميا رايح جاي رحلات على القطار بالشي الفلاني!!!
والاهم من ذلك مستاجر شقة زي شقتنا وماخذ خدمة انترنت من شركة بقيمة 80 باوند شهريا!!!!!!!!!!!!!!!!!!!!!!!!
احنا الشركة اللي اشتركنا فيها قيمتها 19 باوند شهريا
يعني بالله مين نلوم في هالحالة؟الطالب ولا مين؟
لاوماخذ جوال اشتراك شهري قيمته عشرين باوند مايشمل المكالمات الدولية !!!!
اش هالأسراف ؟
والأخ طبعا يشتكي من قلة الراتب ويقول الراتب مايكفي والله اننا متلحطين:44:
يتبع سالفة السيارة شكلي طولت عليكم
الموضوع مغلق