الموظفة .. كيف علمتي ابنك أو بنتك على الحمام؟؟؟

يا بنات رجاء ساعدوني، أنا بنتي عمرها سنة وثمان شهور ونفسي أعلمها على الحمام بس مش عارفة كيف وأنا موظفة، يعني ما بنفع أعلمها نص نهار والنص التاني بحفاضة، والحضانة رافضين يساعدوني، طب شو أعمل، وأنا ما بقدر آخد إجازة علشان أعلمها، ونفسي تتعلم قبل ما يدخل الشتاء لإنه ما راح ينفع تتعلم بالشتاء وللصيف الجاي بتكون البنت كبرت كتير!!

يا ريت اللي مرت بنفس تجربتي تساعدني.

13 تعليق 1,915 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_mon_o_aamor

    مو عارفه حبيت اساعدك بس ..

    انا مثلك موظفة بس وقت ما نظفت ابني اخذت اجازة عشرة أيام ووقتها ما طلعت من البيت ابدا لأي زيارات
    وهو كمان كتير ساعدني ماشاء الله عليه بسرعة تعلم بأقل من أسبوع بعدها ما استعملت الفوطة ابدا لا بالليل ولا النهار

    طيب أختي اذا امك موجودة وتقدر تساعدك وديها عندها وهي تحاول معها ( او ام زوجك)

    والأفضل انك تحاولي تاخذي اجازة

    الله يعينك
  2. صاحبة الموضوع
    شكرا أختي.. بس أمي وأم زوجي الثنتين عندهم محلات وبشتغلوا ولا كان انحلت المشكلة.. بس شكلة ما في غير أحاول آخد إجازة
  3. صاحبة الموضوع
    بديت مع بنتي من امبارح وجننتني، طول النهار بتسويها في ملابسها، اليوم ضلت مع جدتها أم زوجي في البيت وعم تحاول تعلمها وأنا بكره في البيت راح أكمل معها وناوية آخد إجازة كمان الاثنين والثلاثاء ويا رب تتعلم في هالكام يوم لإني عن جد تعبت، ميت مرة أبدأ أعلمها وأوقف خلص زهقت لازم تتعلم، ادعولي تتعلم بسرعة!

تابعي تجارب أخرى من هذا القسم.