السلام عليكم ورحمة الله وبركاته
معرفش ايه الي حصل فجأه بدون مقدمات ولدت يوم الاربع الماضي
قيصري في اقل من سبع شهور
للآن مش مستوعبه الي حصل .. الحمد والشكر لله على كل حال
جبت يوسف بس دخل الحضانة لانه اقل بكتير من الوزن والسن الي كان يفترض ينولد فيه
حاسه بذنب قاتل واني مسؤوله عن الي حصل .. خايفه العملية يكون لها علاقه بولادته المبكره خاصه وآخر شهرين مكنتش باكل تقريبا
كل زياره لي للدكتور كنت بنوزن كل عشر ايام .. آخر ثلاث مرات ميزان كان وزني بيبقى نازل كيلو عن المرة الي قبلها .. كنت ببقى فرحانه ان وزني بينزل رغم الحمل .. انوزنت يوم الولاده عند الدكتور فاكتشفت اني زايده من اول الحمل لآخره في خلال السبع شهور الماضية اثنين كيلو بس .. كان المفروض اكون زايده على الاقل ثمانية او عشره كيلو
وانا في المستشفى طول الليل ابكي وادعي له ربنا ينجيه خاصه والدكتور قالي احتمال نجاته خمسين في المية ومش عاوزه افكر ابدا في الخمسين التانية
جالي احساس قاتل فجأه برغبه في الانتقام من نفسي واني اؤذي نفسي باي شيء .. حاسه بشعور بشع اني السبب وان لو كنت اكلت او اتغذيت مكانش انولد بدري
عارفه ان ده قدر ربنا والاهم اني ممكن اكون واهمه في مسألة علاقه عدم التغذية بالولاده المبكره بس مش قادره اسامح نفسي
من يومين جات لي شراهة غير عاديه عاوزه اكل اي شيء عاوزه ابطل رجيم عاوزه اطخن تاني بعدين فكرت اني عاوزه اجرح نفسي او اخبط راسي في الحيط .. حسيت برغبه قاتله في الانتقام من نفسي مع اني والله مكنتش بقدر اكل غصب عني وللآن مش قادره اكل زي الآدميين وعايشه على العصير كما العاده
كرهت الرجيم وكرهت النزول وتحسرت على ايام كنت طخينة وبنتي في حضني ولا اني انفزع عليها زي ماانا مفزوعه الآن على ابني الي معرفش حتى شكله ايه . .
الحمد لله على كل حال
ارجوكم متنسوش يوسف من دعائكم وربنا يرده لي سليم معافى ولا يأثر عليه وجوده في الحضانة باي شيء وحش
ارجوكم متنسوهوش
[رابطة] أصحاب العمليات الجراحية للتنحيف
متابعة النقاش، صفحة 304