[رابطة] أصحاب العمليات الجراحية للتنحيف

الله يبارك فيج حياتي
نازله 40 كيلو (( ماشالله لاقوة الا بالله))
بس ترى الزياده لي زتدها قبل العمليه كانت مب طبيعيه انا حتى وانا فنهاية التاسع مااا اوصل 120 بسسس قبل العمليه وصلت 146 يعني وزن خيالي .. يمكن عشان جيه نزلت بسرعه >> الله يعلم

ااه ودي اشوف 99 عالميزان عشان تنفك العققققده ويبتدي الحماس يزيد
يالله فات الكثير مابقى غير القليل :27:

سلامات لكل البنات الحلوات

بنت زايد

ماشاء الله ممتاز جدا نزولك ولا تحاتين ال 99 قريب لا محاله ................ انا زيك كن نفسي اشوف الرقمين و بعدين نفسي اكسر التسعين و صار بتوفيق رب العالمين و كسرت الثمانين بعد نحمد الله و ربنا يتمم نزولنا على خير احنا و اياكم

ودي اسالكم بعض الاسئله وانا عارفه انكم ماانتم مقصرين معي
والله اني ارجف من الخوف من العمليه
تكفون طمنوني
شلون البنج انا اكثر شي خايفه منه البنج وهل حسيتو بالم بعد العمليه وتاقلمتم على الحزام بسرعه
اقدر اسافر بعد اسبوعين من العمليه اتمشى ولا صعبه
وهل جلستو سهر كامل على السوائل
ياكثر اسئلتي:mad: ادري بتقولون وش ذا الغثه
بس انا طمعانه بكرمكم وانكم ماتبخلون علي بتجاربكم

اختي العمليه ابسط بكثير مما تتخيلي يعني ابسط من عملية الزايده و المراره و لاتقارن بالولاده اقيصريه
و البنج وش فيه ايخوف
و ازيدك من الشعر بيت يوم تقومي من البنج بعد العمليه تقريبا بساعه او ساعتين بتكوني قادره تتحركي
و تمشي و الالم يكون جدا محتمل
انا عن نفسي طلعت من المستشفى بعد العمليه باربع ساعات و مشيت لحالي من غير مساعده لحد ما وصلت السياره حتى زوجي قالي بعد العمليه بكم يوم ما توقعت تكون بسيط لهالدرجه
توكلي على الله اختى و لا تفكري بلحظة العمليه ابدا فكري بما بعد العمليه
بالنسبه للسوائل هذه دكتورك بيفيدك فيها لانه كل حزام يختلف عن الثاني ترى في كذا نوع و السفر كمان لازم تسالي دكتورك.