طريقة تنظيمى لحجره ابنتى



انا بنتى حجرتها اكثر ما بها
من صنع يدى
ومع الزمن اتعودت هى تضيف لمساتها لحجرتها

وياريت كان عندى صور حجرتها وهى صغيره
لكن ما تخيلتش ان يوما ما هعرض طرق تنظيمنا لحجراتنا


المهم دى حجرتها الحين
وطبعا هى مش متسعه
جدا

لكن وظفنا معا كل المساحات
علشان تبقه مريحه وجميله

نشوف مع بعض
واسمع ارائكم





دى زاويه من الحجره



ودى وحدات من الادراج موجوده فى كل حجرات منزل
لانها بتلم كل الاشياء الصغيره وبنظمها





ودا سبت لعب الاحفاد اللى مسموح يقلبوه وبعدين يرجعوهم تانى


والسبت ده عباره عن سبت ورد طبيعى وتم تنظيفه وتزينه
بالدانتيل وبعض الاكسسوارات القديمه للتوك ودبابيس الشعر وبقه تحفه



ودا الكمود وعليه اباجوره
كان الشابو طراز قديم جدا وجددناها بالتل وباحدى توك الشعر




ودى علبه لتوك الشعر القماش وهى عباره عن علبة جبنه مزينه ببواقى التل




فاااااصل ونواصل

212 تعليق 22,741 مشاهدة

شاركي في النقاش

سجلي الدخول لإضافة تعليق.

التعليقات

210
  1. @mama_zozo

    صاحبة الموضوع
    ودى النجفه الخاصه بالحجره وكانت طبق حجره نوم ولما انكسر الزجاج منها
    ابنتى زينتها بالدانتيل الموف وبعض الورود وشرائط الحلويات
    وكانت النتيجه تجنن

    وعلى فكره هى نفذتها لما شافت الطريقه فى برنامج مارثا





    ودى السله الخاصه بالحجره

    ومزينه بنفس ادوات النجفه




    ودى لوحه لاستخدامه اتعليق الجدول واى ملاحظات
    وهى موجوده فوق المكتب
    وتم عملها منكرتونه نتيجه كبيره قديمه
    وتم تبطينها بباقى قماش موف
    والفراشه مقصوصه
    من جلابيه فيسكوز وملزق عليها بعض الترتر
    وبكده ما نستخدمش مسامير كتير فى الحائط



    ودا جزء من التسريخه وعليه علبه من الجينز لكليبسات الشعر

    وبصراحه مش عرفين نصور التسريحه
    علشان بنطلع فى المرايا


    هههههههههههههههه





    معلش يابناااات
    كمان فاصل
  2. @mama_zozo

    صاحبة الموضوع
    ودى مكتبه صغيره
    وفيها لعبها وذكرياتها
    يعنى ممكن نسميها حديث الذكريات






    واخيرا احلى فكره فى الغرفه
    وهى المكتب





    وطبعا تحت فيه مكتبه بها كتب الدراسه


    وده وهو مقفول




    اتمنى انها تعجبكم

تابعي تجارب أخرى من هذا القسم.