[رابطة] أصحاب العمليات الجراحية للتنحيف

خشف حمدلله على سلامتك اولا وان شاء الله تشوفي الوزن اللي تتمنيه
ثانيا اشكرك جزيل الشكر على اجابتك وان شاء الله رح اظل افكر واستخير بلكي ترجح كفة عملية ا لربط على كفة عملية الشد والشفط
خشف فهمت منك انه عندك ضغط انا كمان عندي ضغط وهالضغط صار عندي بالحمل وبعد ما ولدت استمر معي مع اني لي والدة تسع شهور ياترى لو عملت الربط بقدر ابلع الحبة تبعت الضغط لانه صاحبتي اللي عملت الربط ما بتقدر تبلع ادوية مثل حبة الفيتامينات

حبيبتي دبدوبه:04:

صدقيني افضل عمليه للك الربط اللي هو تحزيم المعده او يسموها الحلقه
عارفه ليه ؟؟

لانه هدي اسهل عمليه تقريبآ وراح تناسبك لانك صغيره والعمر لسى قدامك
لان الحلقه وقت ماتبي تضيقيها ووقت ما تبي توسعيها عن طريق بس ابره بالبطن
وبكره *****الله لما تتزوجي وتحملي راح تحتاجي توسعي
بس تصغير المعده ما راح تقدري تضيقي ولا توسعي
وصدقيني بمشية الرحمن راح تتغير حياتك 180درجه لاني شفت قريبتي كيف تغيرت حياتها

اهم شي ياقلبي انك تستخيري ربنا

من وين انتي؟
عشان اقدر افيدك اكتر:39:

السلام عليكم ورحمة الله وبركاته

قبل كل شيء الف شكر لكل الي عزوني يارب يسعدكم ولا تشوفوا شيء وحش في عزيز ابدا ..

عن نفسي الحمد لله متقبلة الوضع وخلاص نسيت الحمل بكل مافيه وكانه لم يكن الحمد والشكر لله .. حالتي النفسية احيانا في الطالع واحيانا في نازل النازل .. على كل حال دلوقت انا في الطالع الحمد لله الصبح كانت حضيض .. قلت استغل الفرصة واكتب لكم وانا معنوياتي مرتفعه معرفش نوبة الكآبة ممكن تيجي لي تاني امتى فالحق اكتب الكلمتين قبل ماتطب علي فجأة ..


عن اخباري ..

الحمد لله فكيت خياطة القيصري الخارجيه بس قالوا لي لازم شهر ونص بعد العملية عشان يلتأم الجرح الداخلي .. مش عارفه مين سأل عن الحرقان في الجرح اظن خشف .. ده طبيعي لان جرح القيصري عندي بيحرق لما يجي عليه عرق بس قالوا لي امسحي عليه ببيتادين مرة الصبح ومرة بليل لمده اسبوع بعد فك الخياطه وان شاء الله هيبقى كويس .. اظن جرح الربط هيكون بنفس المعاملة ..

بالنسبة للاكل قعدت اول ثلاث ايام بدون اكل او شرب لغايه مايروح التخدير من الامعاء .. بس الاسبوع التالي معرفش كلت ايه .. اظن كنت بشرب ماء او يمكن صحن شوربة في اليوم كله .. كانت ايام سوده .. الحمد والشكر لله .. يعني الخلاصه قعدت عشر ايام بدون اكل مع قليل جدا من الشرب .. سبحان الله قبل العملية كنت لما اكتأب آكل لاول مرة في حياتي احزن فتنسد نفسي عن الطعام نهائيا .. حاولت في تلك الايام آكل بكل السبل مقدرتش برغم اني عارفه ان عدم الاكل غلط بس سبحان الله كان انسداد في الشهية بطريقة اني لو كلت لقمه ارجعها والترجيع كان مؤلم لاقصى درجه ممكنه لانه بيشد جرح القيصري شده الله لايوريكم .. نصيحه الي تعمل عملية في معدتها متعملش بعدها اي عمليات لسنتين تلاته على الاقل .. الترجيع مع وجود شق جراحي قطعة من الجحيم ..

قبل الحمل آخر وزن وصلت له كان اما 91 أو 92 .. يوم الولاده كان وزني 93 .. بعد عشر ايام من القيصري وزنت نفسي فاتضح ان وزني وصل 86 كيلو .. في ظروف تانية كنت هطير من الفرح بالوزن ده واروح انتحر وارجع من السعاده .. بس في الظروف الحالية معرفش زعلت لما لقيت وزني نزل .. لمت نفسي اني مكنتش باكل في الحمل كويس خاصه الشهور الاخيره .. بس الحمد لله على كل حال .. حاليا الحمد والشكر لله بعد ماخفت الصدمه شويه بقول كويس انجاز برضه وياريت بس احافظ عليه وربنا يسهل احاول انزل وزني خلال الفترة الجايه شويه كمان .. نصيحه برضه للي عامله عملية في معدتها وناوية تحمل ياريت تأجل الحمل سنة على الاقل وياريت اكتر من كده انا حملت بعد تسع شهور من العملية وملاحظة ان حاليا باكل بشكل افضل من السنة الاولى فاكيد كل مايمر الوقت كل ماالاكل يتحسن .. طبعا مش ندمانة اني عملت العملية حتى لو كانت هي الي اثرت على الحمل لان اصلا بفضل الله لو معملتش العملية مكنتش حملت اساسا ..

بكده يكون اجمالي الوزن الي فقدته حوالي 40 كيلو منهم خمسة مجهود خاص والباقي بالعملية .. يعني نزلت 35 كيلو تقريبا في مده سنة وثلاث اشهر تقريبا . .

النهرده على عكس الايام السابقة انفجعت على الاكل بشكل رهيب .. معرفش ايه حصل .. كل شويه أكل لقمه وانتظر شويه لما تنهضم وآكل غيرها وهكذا طول ماانا صاحية .. الحسنة الوحيده في الموضوع اني مصحيتش كتير النهرده معظم الوقت نايمه بس في فترات الصحو المتقطعه مابين النومات هات يااكل ..

بالنسبة للي سأل عن اخذ الدواء مع عملية الربط وان حبة الدواء مش بتنبلع .. اظن هيا الهاشمي .. بصي ياستي خذي اي دواء انتي عوزاه بس مش بعد اكل كتير .. المشكلة في شويه الماء الي بنبلع بيهم الحبه هم دول الي بيخلونا نغص ونرجع الدواء .. فانتي خذي الدواء الي عوزاه بعصير او شاي او اي مشروب ده هيسهل عليك اخذه بس المهم متكونش بطنك مليانه اكل لو لسه واكله انتظري شويه لغايه ماتحسي ان الاكل انهضم شويه بعدين ابلعي الدواء باقل كمية ممكنه من الماء ..

مش فاكره كان في بالي كلام كتير اكتبه بس سبحان الله مع اني كنت فاكره نفسي مركزه طلعت في الباي باي نسيت الي كنت هقوله .. اشوفكم في رد قادم ان شاء الله وعسى يكون قريب ..