أستأمنتها بيتي و خانت الأمانه شورو علي وش اسوي معها

السلام عليكم ورحمة الله
شكرا لكل اللي ردو علي

بس اول شي حابه اقول كلمه او أعتذار بألاحرى

اعتذر للاخوات المصريات اللي اعزهم واحترمهم والله ما كان قصدي اجرحهم وانا غلطانه بذكر الجنسيه مع اني دايما انتقد اللي يذكر جنسيه معينه بالسوء بس مدرس شصار لي الله يهديني ووقعت في نفس الفخ

بالعكس انتم لكم الحشيمه والكرامه وانتم اخواه لنا وما راح ننسى وقفتكم معنا في بدايه تأسيس التعليم في السعوديه وكيف كان معظم المدرسين في ذالك الوقت من الجنسيه المصريه

اكرر اعتذاري و أؤكد على ان اللي حصل لي حاله فرديه وما نعمم
فيها وودي بعد أقول ان معنا هنا أخت سعوديه هداها الله لا يردعها رادع من أنها تمد يدها على اي شي في المحلات ممكن انها تسرقه وما احد يحس فيها وتفكر ان الناس ما يلاحظون عليها الله يهدي الجميع
مرض السرقه ليس قصر على جنسيه معينه والدليل أن فيه رساله وصلتني على الخاص تنصحني اني اروح لبيتها ووأخذ أغراضي منها بدون ما تدري أو أخذ ما يوازي ثمنه وهالرأي صراحه هو المضحك المبكي

لا تنهى عن خلقا وتأتي مثله.......... عار عليك أذا فعلت عظيما

نرجع لموضوعنا
عجبتني بعض الردود انا مواجهتي لها راح تكون عشان مصلحتها هي وراح اكلمها بالحسنى وراح اخوفها من الله

وترى انا ما دخلتها لبيتي من الباب للطاقه هي معروفه هنا ومعنا في النادي السعودي بس الله يهديها ووثقت فيها لأنها شكلها طيبه وبناتي يحبونها

وللي قالت كيف تخليها مع ولدك المراهق انا عندي بنات كبار وولد واحد صغير

وللي قالو كيف تخلين غرفتك مفتوحه هنا يا قلبي في بريطانيا ما فيه قفول على الباب وانا كنت أأكد عليه انها ما تطلع للدور العلوي بس شكلها ما همها كلامي

وللي قالو تأكدي قبل ما تتهمينها يأخواتي انا متأكده لأن بيتي محد يدخله غيرها ولنفرض ان عيالي لعبو في التعليقه او الجوال ورموها مثلا في الزباله
البلوزه والحجاب اللي سعره الف ريال وين راحو مو معقوله انهم أختفو كذا

وللي قالو كيف تخلين اولادك عندها اي والله كيف احيانا الواحد يتهور ويغلط والحمد لله اللي جت في الأغراض ولا في عيالي

وللي قالت يمكنها محتاجه اقول من متى الحاجه والفقر كان مبرر للسرقه وخيانة الأمانه

أنا يا بنات أكذب عليكم أذا قلت أغراضي ما همتني بس انا ودي بعد اعطيها درس ما تنساه في حياتها

اشكركم مره ثانيه واعتذر للمره الألف لأخواتي المصريات العزيزات علي
ودمتم لي

اذا شفتيها قوليلها بصراحه

قولي صراحه اخر شي افكر فيه انك تخونين ثقتي فيك

وبس كيفها اهم شي بينتي لها انك داريه عشان تتفشل

واهو على حسب البنت اذا كانت متربيه وبنت ناس بتستحي وترجع اما اذا ماهمها ماراح ترجع شي

انا اقول حسسيها انك فاقده اشياء وتدورين عليها الين تكره عمرها ..اما الاغراض لا تعطينها اياها ابداااااا ابدااااااا

لا حول و لا قوة إلا بالله
إتقوا الله في ردودكم :06:
والله إستحيت من بعض الردود :44:
أختي رأي زوجك هو أفضل مشورة لك إستري عليها يستر عليك الله و لك الأجر لا تلمحيلها و لا شيء عندها رب يحاسبها و ينتقم لك
سامحيها و إستغفري لها و مالك إلا كل خير

ملاحظة /أحيانا تضيع أشياء من دون سبب مهما تحرينا عنها ما دري يمكن جن و يمكن إختبار من الله و يمكن أولادنا أو حتى ذاكرتنا فمادام ما شافت عينك لا تصدقي وساوس الشيطان

لاتزيدين الطين بلة وتعطينها الأغراض الزايدة لأنها بتشوف إن فعلها هين
هي لازم تتربى وتعرف غلطها عشان ماتغلط مع غيرك وحااااااااولي تستردين أغراضك اللي عندها