والله أختي أحياناً كثيرة اللي بناتهم كبار شوية 10 سنوات مثلاً
ممكن يسيبوهم لوحدهم في البيت<< بعد التدريب
يعني مش بتسيبيهم لوحدهم من أول مرة، لأ تقولي لهم مثلاً انتوا كبرتم وأنا اقدر أعتمد عليكم، أنا هنزل مشوار ساعة وراجعة
وتشوفي بيتصرفوا ازاي
ويتعلموا انهم لا يفتحوا الباب لأحد أياً كان ... إلخ هذه الأمور
عندي خالتي أخت أمي مطلقة ربنا يعينها وبتشتغل، ولادها من زمان بيكونوا في البيت لوحدهم لحد ما ترجع من الشغل، حتى عندها ولد وبنتين
والله من والبنات في ابتدائي يعرفوا ياخدوا بالهم من البيت لوحدهم ويحضروا الغدا
ممكن يصعبوا عليكي وتقولي يا حرام صعب، لكن صدقيني في النهاية متدلعين وبيخرجوا ويتفسحوا عادي وفي مدارس غالية زيهم زي أقرانهم عادي
ولي صديقة أخرى عندها نفس الظروف، هي تعمل مدرسة ومطلقة وبنتها 7 سنوات وابنها 3 سنوات، ساعات تضطر تنزل وتسيبهم في البيت ساعة أو اتنين بس دربتهم على كيفية التصرف
الأطفال ما شاء الله عليهم أذكياء ويتعلموا بسرعة
بس برضه الطريقة دي ليه عيوبها
لأنهم ممكن يضروا نفسهم لو مفيش إشراف مستمر عليهم
فالأمر مرهون ببناتك عاملين ازاي ومدى قابليتهم للتعليم، وطبعاً يعتمد على عدد ساعات عملك
فيه فكرة تانية الأجانب بيعملوها
لو ليكي أخوات أو بنات أخ أكبر في السن ممكن تتفقي معاها تقعد بهم ساعات الدوام في مقابل أجر معين
البنت ممكن تنبسط بالنقود الزيادة وده عمل مجهوده قليل إن شاء الله، وبيعلم في نفس الوقت تحمل المسؤولية<< هي مش هتعمل حاجة في البيت، بس تشرف على البنات وتطعمهم لو وقت أكل.
أنا الصراحة لم أجرب هذه الطريقة من قبل وإن كنت أراها جيدة جداً
لو هذه الطرق لا تناسبك أعلميني وأفكر معك بحل بديل إن شاء الله.
نقاش مفتوح (الخادمات مشاكلهن وكيفية التعامل معهن )
متابعة النقاش، صفحة 41