[رابطة] أصحاب العمليات الجراحية للتنحيف

السلام عليكم ورحمه الله وبركاته ************ كيفكم بنات جميعا بدون أستثناء

صباح الخير عليكم جميعا وحشتوني والله كلكم بلا اسثناء
كل البنات اللي ازواجهم رافضة موضوع العمليات هقولهم تجربتي انا قعدت سنتين ونصف اتحايل واترجى جوزي يوافق وهو رافض رفض تام وكنت كل يوم اشكي له ان نفسيتي مدمرة من السمنة ملابسي كلها مش بتدخل فيا ، الاحذية ، الملابس الداخلية ، اوجاع ظهري والام ركبي بموت منها ، مبعرفش اخد نفسي ساعات وانا نايمة ، ده غير كلام الاصدقاء وغير الاصدقاء عن زيادة وزني الملحوظة. على فكرة جوزي دكتور ومع ذلك كان متطرف جدا في رفضة لدرجة ان وصل به الحال انه هددني بالانفصال لو عملتها طبعا كان الدعاء لله هو سلاحي الوحيد الى حين مرة شافني ببكي بشدة وانا لوحدي في البيت وقالي لو عايزة تعمليها متقوليش هتعمليها امتى ولا فين مش عايز اعرف اي تفاصيل وانا مش مسئول عن اي حاجة ممكن تحصلك نتيجة العملية ديه وقعد يقوللي اثار جانبية مرعبة طبعا هو قصده اتراجع لكن انا كنت خلاص اخذت قراري بالعملية . روحت لصديق لنا دكتور متخصص في عمليات السمنة وعملي كل الاجراءات ودخلت غرفة العمليات وانا وحيدة تماما لا قولت لاهلي ولا جوزي حسب رغبته ( معي الله ولاحول ولا قوة الا بالله) وفقت من البنج واتصل بي زوجي كذا مرة مردتش لاني كنت متالمة جدا ومش عايزاه يعرف اني متالمة ، وبعدين رديت عليه وقولت له انا عملت العملية خلاص ، طبعا اتصدم وانفعل وقالي كلام فظيع طبعا فكرته بانه هو اللي مش عايز يعرف تفاصيل اي حاجة قالي لما انا اقولك كده ده معناه انك متعمليش العملية على العموم خلي العملية تنفعك انا مش قعدلك في البيت واختفى لمدة اسبوع وانا كنت في اشد الحاجة للمساعدة واخيرا اتصلت بصديق له زي اخوه بالظبط ووسطته بينا واتصالحنا وهو اليوم اسعد مني بنزولي واعترف لي انه كان قاسي معايا ، وادعولي انحف بصحة وربنا يتمم لي على خير . وعقبال الحبايب يارب