[رابطة] أصحاب العمليات الجراحية للتنحيف

صباح الامل في بكرة الجميل
امبارح كنت معزومة عند اختي في حفل نجاح ابنها ، مش هقولكم الاكل كان مغري قد ايه طبعا اكلت بس مش كتير والكل لاحظ اني نحفت هو مش كتير لكن الحمد لله اول الغيث قطرة احنا كنا فين.
مشغووولة
متشكرة على امنياتك الجميلة ليا . على فكرة الزن لوحده مع جوزك على العملية مش كافي اولا واخيرا الدعاء ليل ونهار لله علشان يحنن قلبه عليكي ، بصي ياستي عمليتي جديدة ولسة بتتجرب هي عبارة عن حزام فقط على اول المرئ ولا بيتوسع ولا بيتضييق هو محطوط بتقنية ظبته اثناء العملية ( العملية بالمنظار) ومعنديش خزان لاني مش محتاجة اضيق او اوسع العملية ديه بتصلح للاوزانهم مش عالية فانا كان وزني قبل العملية 90 وطولي 154 والان بعد ثلاث شهور ونصف أصبح 80 نعمة وبركة من عند ربنا . طبعا جوزي بيقوللي انت جريئة ( ومجنونة ) لانك بتجربي حاجة جديدة لسة محدش يعرفها لكن انا املي في الله كبير . وادعولي
مس ميوزك ومس فيفا
انا حاسة بيكم عارفة نفسكم في الاولاد في حاجات ميقدرش عليها غير القادر سبحانة ماعليكم الا الدعاء ثم الدعاء ياولاد ده ربنا حنين علينا قوي هو مخلقناش علشان يعذبنا خليكم حسنات الظن بالله ( انا عند حسن ظن عبدي بي )

السلام عليكم



ماشاء الله انتو هوون توني ادري



حبيت اسئلكم

البالون كويس ولا لا


وكم تكلفته هنا بالرياض

وافضل مستشفى بالرياض


ويعطيكم العافيه

مس ميوزيك ..

جزاك الله خيرا .. فعلا الي يشوف بلوة غيره تهون عليه بلوته .. بس قولي لي فعلا هل مع الوقت ممكن الواحد ينسى او بمعنى ادق الايام السوده هتخلص امتى ؟ يعني امتى اطلع من حالة الاكتآب الي دخلت فيها دي وتفتكري في امل ؟

مس فيفا ..

سبحان الله ساعات بيكون لله حكمة في الابتلاء وبيكون الي احنا نفسنا فيه بلاء اكبر .. يعني انا قعدت اعاني من تأخر الحمل اكثر من ثلاث سنين وزعلانه عشان بنتي بتكبر وملهاش اخوه او اخوات واخيرا بعد تعب حملت وشفت الويل الي ماحد شافه في الحمل لدرجه اني الآن ورغم حاجتي الشديده لانجاب طفل بعد كل الي حصل لما بفتكر الي شفته في حملي بصاب بفزع شديد من مجرد التفكير في الحمل مرة تانية خاصة واني مضمنش لاقدر الله بعد مااتعب وانتظر يتكرر الموقف مرة تانية .. ده اذا حملت من اساسه . .

زمان كان عندي امل اني احمل في اي وقت النهرده مجبره اني اؤجل حملي عشان القيصري مينفعش احمل على طول .. كنت زعلانه ان سني بيكبر وان بنتي كبرت اهو لو حتى حصل حمل بعد كده هكون كبيرة اكتر بكتير وبنتي اكبر بكتير كمان الحمد والشكر لله على كل حال ..

بقولك الي فات ده كله عشان تعرفي ان يمكن كان خير لي لو اني محملتش في الطفل ده من الاساس .. سبحان الله كان هيبقى عندي امل وممكن احمل في اي وقت ومكنتش هبقى فيا لحاله الي انا فيها دلوقت .. على فكره بدأت تتكرر عندي فكره اني اموت عشان اروح عنده .. للاسف الفكره دي بتيجي لي كتير وبدأت تسيطر علي على مايبدوا .. حتى بنتي الي كانت حياتي كلها بتدور حواليها بقيت بحس اني بكرها معرفش ليه .. مش عاوزه اشوفها ولا حتى اسمع صوتها وطول النهار بتجنبها تماما ..

ربما ده اكتآب مابعد الولاده وهيروح لحاله وربما اكون بموت وبحتضر الله اعلم خاصه واني مباكلش نهائيا وسبحان الله وزني الي عمال ينزل وكان ممكن يفرحني زمان بدأت اندم عليه دلوقت واقول ولا شيء في الدنيا مستاهل ..

وبرغم كل ماحدث وكل مااشعر بيه بقولك ان يمكن بل اكيد ماانا فيه خير وبلاء اخف من بلاء يعني الي مش عاجبني دلوقت اكيد افضل مليون مرة من حاجات تانية كان ممكن تحصل وربنا اختار لي الاخف ..

متزعليش ابدا انك مخلفتيش لغايه دلوقت وصدقيني شعور الحمل والجنين الي بيتحرك ده ابشع شعور ممكن تتذكريه لو لاقدر الله حصل للجنين شيء .. ربنا رحمك من انك تحملي وتفقدي الطفل لاقدر الله فاحمدي ربنا على كده ومين عارف يمكن كلها ايام وتحملي .. صدقيني شيء اكتر من رائع ان يكون في امل وصدقيني برضه القرايب الي بيخبوا ومبيقولوش للاسف حتى لو عندك عشر عيال مش هيقولوا برضه الندل ندل من نفسه مش عشان انتي فيك شيء ..

السلام عليكم ياحلوين

انا بعد ابي اعرف البالون زين ولا لا

ياريت تردون علي بسرعة لاني بغرق بوزني
طولي 161
ووزني 95