حبيبتي مس ميوزك :44:
لا تحزني... هدول باذن الله شفيعات لك يوم القيامة و ان شاء الله يكونوا سبب لك و لابوهم لدخولكم الجنة معهم... :icon33:
احكيلك قصة صاحبة الي قريبة لقلبي كتير... >>>>> اوووووف ما اكثر قصصي انا التانية :D
هاي صاحبتي تزوجت اول مرة و عانت الامرين مع زوجها و انتظروا مدة 7 سنوات بدون انجاب و لما عملوا فحوصات راحوا عند دكتور نسائية مشهور كتير كتير عنا في الاردن و اسمه اشهر من نار على علم... المهم الله يسامحه هذا الدكتور حكالهم انه حالة الحمل عندكم مستحيلة ... و قال لهم انتوا حالة نادرة جدا في العالم يعني نسبة ضئيلة من الازواج عندهم هاي النسبة... قال لهم: انتوا طبيعيين و ممكن تخلفوا عادي بس مو من بعض :eek: تخيلي... يعني لو زوجك تزوج ممكن يخلف من غيرك و لو انتي تزوجتي ممكن تخلفي من غيره... حالة غريبة صح؟؟؟؟ ( للمعلوماتية انا كنت بحضر مسلسل سوري اسمه اهل الغرام و من ضمن قصص الحب اللي عرضوها كانت قصة تشبه تماما قصة صاحبتي... زوجين بحبوا بعض بس مستحيل يخلفوا من بعض.. و لما كل واحد فيهم في المسلسل انفصل عن الثاني حملوا على طول بعد زواجهم الثاني..)
المهم نرجع لصاحبتي... لا تفكري كان زوجها طيب او بحبها... و هم في السيارة مروحين حكالها: انا بدي اتزوج... و حكتلك الساعة المباركة... الله معك و انا من حقي اتزوج غيرك.. و اتطلقوا من بعد كلام الدكتور :44:
و انتظرت سنين و بعدين تزوجت واحد عزابي سبحان الله ربنا عوضها بعد 7 سنين طلاق و كمان عانت من تأخر في الانجاب... و بعدين اخدت منشط كلوميد و حملت بتوأم :39: بنت و ولد... و في الشهر الخامس و هي نايمة في نص ليل اجاها نزيف مخيف لدرجة انها صحيت على نفسها فكرت حالها عملت شي ... انتي فاهمة... يعدين من شدة النزيف... و ركض فيها زوجها على المستشفى و مالحقت توصل إلا و هي والدة ولادة طبيعية و الم لا يوصف و شافتهم بعيونها و ماتوا بعد كم يوم و هم لا زالوا تحت الاجهزة... الله لا يفرجيكي الحالة اللي صابت.. دخلت في حالة صدمة نفسية و اكتئاب بعد الولادة شديد...
و بعدها مافكرت بالخلفة... ضل زوجها الطيب الحنون يحن و يزن عليها حتى عملوا طريقة تانية و هي الحقن الصناعي... و سبحان الله من اول مرة حملت...
لاحظي انه صار عمرها 40 و هي بعدها بتحاول... المهم هاي فرصتها الاخيرة و ماضل شي... و لما دخلت في الشهر الخامس... صار معها نفس الشي :icon33:... نزيف شديد... اكثر من المرة السابقة و الام مخاض... و قالت: اودعت اللي في بطني لك يارب العالمين... و ان كان لي فيه نصيب ستحميه يا الله... و فعلا راحت للمستشفى و اخدت ابر مثبتة و ولدت للشهر التاسع ولد بجنن ملى عليهم حياتهم...
ربنا عوضهم بدل التوأم... بتقول انا ما بنساهم... و بضل احسب عمرهم كل سنة لو عاشوا... بس ابني حبيبي ملا الدنيا عليي و الله يحفظه الها و يحفظ اولادكم و يرزقكم و اياني كل محرومة الذرية الصالحة يا رب العالمين
[رابطة] أصحاب العمليات الجراحية للتنحيف
متابعة النقاش، صفحة 365