رضيعك ينام الليل بطوله؟؟ كيف علمتيه

السلام عليكم و رحمه الله و بركاته

اخواتي اللاتي ارتحن من النوم الليلي المتقطع .. بالله عليكم تساعدوني و تقولون لي كيف قدرتوا تعلموا الطفل الرضيع انه ينام الليل بطوله "او على القليله يصحى مره مرتين مش كل ساعتين"

انا قرأت كثير عن هالموضوع و الطريقه المضمونه هي ترك البيبي في سريره بعد ما تكوني بدلتي له و اكلتيه و هيأتي له جو النوم .. طبعا البيبي راح يصيح و يصارخ.. معليش نتركه 5 دقايق و نرجع نهديه و نتركه مره ثانيه و هالمره نتركه 10 دقايق و بعدها 15 دقيقه و هكذا الين البيبي يتعب وينام

ادري الطريقه تبان متوحشه و ما فيها رحمه بس فعاله و انتي و البيبي راح تستمتعوا بنوم طويل و مريح على المدى الطويل

ابي اعرف اللي جربت هالطريقه تعملنا عن تجربتها.. الله يجازيها الف خير

مشكورين

22 تعليق 61,890 مشاهدة

شاركي في النقاش

سجلي الدخول لإضافة تعليق.

التعليقات

19
  1. @am_noooony

    والله يالغاليه ما اادري هي تعويد والا لا انا عندي بنتين الكبيره كانت تصحى بالليل بس الصغيره الحين عمرها 4 شهور وهي من عمرها شهرين ونص تنام من الساعه 7 الى الساعه 5 طبعا اصحيها انا قبل انام اغير لها وارضعها وترجع تنام وتصحى كل ساعتين ترضع
    هي عودتني غصب بس نظامها ينقلب اذا رحت لأهلي عشان الصجه
    المهم انتي حاولي تعودينها يمكن ينفع
    اختي احساس سارا ياليت تشيلين صورة بنتك بسم الله عليها ترى عيون الناس ما ترحم لا تعرضين صورها قدام العالم ابدا ماراح تستفيدين شي من عرضعا بس بتخسرين كثير لاقدر الله لو حصل لبنتك شي بسم الله عليها الله يحرسها ويحفظها لك
  2. @tmr_o_rtb

    صاحبة الموضوع
    طيب يا امهات جاوبوني الله يخليكم

    انا نظاميه "بالذات لاني موظفه" و امشي ولدي على هالنظام بالنوم.. بس دايم يصحى
    سؤالي: هل انا مقصره بشي عشان هالشكل ولدي يصحى كثير باليل و الا الاطفال طبيعتهم هالشكل؟؟ يعني في اطفال طبيعتهم ينامون متواصل حتى لو الام ما تحاول تنظم نومه طفلها و اطفال طبيعتهم النوم المتقطع حتى لو حاولت الام كل شي؟؟؟
  3. @dloaa_aboha23

    يا قلبي تمر ورطب الاطفال مو مثل بعض
    انا اذكر بنتي كانت كل شوي تقوم تبغى حليب
    ونفس الشي ولدي كان كل 3 ساعات ووااااااااااااااااااااااااااااع
    والحين ثالث طفل الحمد لله ما يقوم غير مرة او مرتين بالليل يرضع وخلاص
    انتي جربي تصحين طفلك الصبح بدري لما تقومين تروحين الدوام يمكن يحس ان الدنيا صباح لازم يصحى
    وبالليل حاولي من يجي المغرب لا تنومينه واجلسي العبي معاه لحد وقت النوم
    وان شاء الله ينام طول الليل

تابعي تجارب أخرى من هذا القسم.