شاركي في النقاش

سجلي الدخول لإضافة تعليق.

التعليقات

1,360
  1. @3aroos_elneel

    عملت غدا كشك اسكندرانى
    وكان عندى سمك فيليه قطعته شرائح وشوحته مع بصل
    وتوم وفلفل اخضر وسلفت بطاطس وهرستها ناعم
    وف صينيه نصف البطاطس والسمك وباقى البطاطس ورشة زيت على وش الصينيه
    وعلى الفرن واكلناها بخبز لو عايزه طريقة الكشك اكتبها
    شيماء
    انتى فين طمنينا عليكى وحشتينا ووحشنا تعليقاتك الجميله
  2. @3aroos_elneel

    رانيا
    انا حا اكمل الموضوع انا رديت عليكى سريعا
    لكن حبيت انى اتكلم عليه مستقل عشان افكارنا تمشى بنظام وتسلسل
    طبعا من بداية سن ثلاث سنوات يفضل ان البنت يكون عندها لبس صلاه
    وحجاب صغير مش عشان تلبسه للتحبيب فيه والبنات بتحب التقليد
    وخصوصا للام
    موضوع الرياضه طبعا نفسيا وجسديا مهم تلبس لبس حجاب عادى وهى بتلعب رياضه
    وبالنسبه للبسين فى حاليا فى مصر بسين نساء فقط او ايام معينه للنساء
    الكلام عن البلوغ فى اى سن على حسب عقلية البنت وطبيعة جسمها
    أول ما تبدأى تلاحظى تغيرات فى جسمها تبدأى تمهدى وتشرحى التغيرات دى ليه
    والغرض منها انك على وشك انك تكونى آنسه وتبدأى تدريجى
    تغيرات بسيطه فى طبيعة اللبس وتفهميها لانك كبرتى
    التغيرات فى العلاقه مع الاقارب خصوصا الجنس الاخر
    أنا بحب التمهيد قبل لبس الحجاب عشان نفسيا
    ما يكونش عندها عقده ان الحجاب السبب وانه كبتها
    والتمهيد للبلوغ نفسيا مهم جدا لانه بيكون سبب لعقد كثيره واحراج وممكن يسبب انطواء
    وكمان الجيل ده غيرنا لانه سابق سنه جدا
    النقطه دى كده وفنيها ولو لسه انا معاكى فى اى استفسار
    بعد لبس الحجاب رسخت عند البنت قاعده مهمه ان الحجاب هو قمة الحريه
    مش كبت كما يدعى البعض قمة الحريه أنك تلبسى كل ال يعجبك فى السوق
    فى البيت وتهتمى بشعركوتحطى مكياج لكن معنوياتك ونفسيتك حا تكون غير
    المتبرجه لانها الملائكه بتلعنها لانها متبرجه وانت بتاخدى حسنات
    تخيلى المكياج واحد لكن الفرق كبير فى الثواب والعقاب
    الاسلوب ده حا يحبب البنت فى الحجاب انك توصلى لها
    مفهوم الحجاب انك جوهره ثمينه دينك بيحافظ عليكى
    وف نفس الوقت دينا مش ضد الجمال والاناقه
    انتى انثى وكل انثى بتحب اللبس والمكياج لكن نوظفه صح وبالحلال
    الموضوع ده حا يخلى البنت حابه الحجاب جدا وبالعكس حا يديها ثقه
    انها فعلا لو اتقال لها اى كلام او تعليق على الحجاب مش حا يأثر فيها
    لانها داخليا مش حاسه باى نقص وان الحجاب هو قمة الحريه
    امس بنتى سالتنى سؤال ليه لو البنت هى ال قالت للولد انها بتحبه تبقى كارثه
    قلت لها لو جه بائع على الباب بيعرض سلعه غاليه جدا
    اما حا تخافى تاخديها لانها لو فعلا غليه وثمينه مش حا يحتاج انه يلف يعرضها
    او حا تاخديها وانتى مستهتره بيها جدا
    كذلك البنت هى حاجه غاليه قوى وقيمتها كبيره فلازم الناس هى ال تتهافت عليها
    عشان تعرف قيمتها وتحافظ عليها ودينا بيحافظ عليكى بيغلفك بالحجاب والاخلاق الجميله
    لانك قيمتك كبيره لو روحتى تشترى سلعه واحده مغلفه وواحده معروضه خارج المحل ومكشوفه
    بدون تفكير حا تاخدى المغلفه لانك ضامنه نظافتها ونقاءها
    حا اكمل غدا طبيعة اللبس بعد الحجاب عشان نوفى الموضوع حقه
    بالنسبه للمجتمع الخارجى فى فساد كبير وفى خير كبير
    بدليل تجمعنا اننا عايزين نربى صح ونقرب ولادنا للدين
    وربنا ان شاء الله حا يكون معانا ويرزق أولادنا الهدايه والصحبه الصالحه
    لو ركزنا على السلبيات فعلا ممكن ننهار ونحس اننا مهما عملنا ما فيش فايده
    لكن الاستعانه بالله اهم حاجه اننا نسعى ونجتهد فى التربيه وربنا ان شاء الله مش حا يضيع تعبنا
  3. @roshana

    spanishflower
    يارشا و الله العظيم اكتءابات لاني فعلا مش عايزه ارحع و عماله اقنع في جوزي في الموضوع ده الاهل علي عيني و علي راسي و ننزل اجازات بس صعب كده اللي بتقوليه ده لا اله الا الله :(
    اكتأبتى!!!!!! هو انا قولت حاجة يا بنتى ده انا بقولكوا حاجات بسيطة كده انا لو احكى عن معاناتى واللى بشوفة فى الشارع المصرى العريق هاكتب مجلدات
    طب التلفزيون ومابقناش نفتح الا قنوات معبنة ورمينا الباقى فى الزبالة (انسب مكان ليها) طب الشارع والبنى ادمين اللى فيه نتجاهلهم ازاى


    ربنا يعملك اللى فيه الخير يا رانيا بس فعلا البلد بقت من سيئ الى اسوء وربنا يستر علينا ويحفظ اولادنا ويهديهم
  4. @roshana

    كنزى
    الدراسة عندنا هاتبدأ 20 -9 بعنى العشرة الاواخر من رمضان

    افرسكم شوية بقى

    بيقولوا للوزير المحترم طب خليها بعد العيد عشان الاطفال والمصاريف يقولهم فى جريدة رسمية لو عملت كده يبقى بدى صورة سيئة عن الاسلام

    يعنى كل حاجة بتحصل فى بلدنا وبلاد المسلمين يتدى صورة فل عن الاسلام وجت على المدارس هى اللى هاتبوظ الصورة الوردية
    :angry2:
    ااقول ايه بس
    حسبي الله ونعم الوكيل فيه وفى حكامنا اللى ما بيتقوش ربنا فينا
  5. @roshana

    زئردة

    انا عمالة ااقول ااسم ده مش غريب عليا

    انا افتكرتك لسة حالا حمدلله على سلامتك ايه يا بنتى كنت فين وسايبانا
    وازى بنوتك الجميلة جبتلها اخ ولا اخت تانى ولا لسة :)

تابعي تجارب أخرى من هذا القسم.