[رابطة] أصحاب العمليات الجراحية للتنحيف

السلام عليكم بنات .. يعطيكم العافيه جميعا ..

انا ناويه ان شاء الله اسوي تحزيم للمعده .. وخلاص خلصت كل الفحوصات والتحاليل اللازمه للعمليه بس باقي يحدد لي الكتور موعد العمليه ..

المشكله يابنات ان رمضان على الابواب مابقى شي عنه ( اقل من 20 يوم ) اخاف اسوي العمليه واتعب وافطر برمضان ..

وبنفس الوقت ابي اسوي العمليه بأسرع وقت ممكن ..

مادري اخواتي شرايكم ..

اتوكل على الله واسويها .. ولا شلوووووووووووووووون ..

اللي سووا العمليه شلون تعبها بعد العمليه؟؟ .. متعبه وايد ولا ممكن تعدي عادي ؟؟؟

الصيام برمضااان بيريحني ولا بيتعبني ؟؟

مادري بنات .. انصحوني .. تكفووووووووووون .. والله محتااااره

حبيبتي مس فيفا
ارجوك التزمي لاتكوني زيي في البدايه كنت اخبص

ترا تتوسع المعده الجديده
انتبهيييييييييييييييي

هذي اهم فتره عشان تتقلص معدتك

miss viva
حبيبتي اللي انت فيه ده حاجة نفسية واجهي نفسك بشدة وقوليلها اللي قدرت تاخد قرار العملية وتعملها تقدر برضة تمسك نفسها عن الاكل باي طريقة ( والطرق كتير وانت ست العارفين ) وبعدين انت لسة ماضوقتيش اعتقد لما تضوقي الامور هتختلف بس برضه لازم الحزم مع النفس اما موضوع الميزان - دي حاجات متركزيش فيها دلوقتي هتنزلي هتنزلي ان شاء الله .
الفراشة
بصي انا معرفش زيك في رمضان هعمل ايه ( أم عتريسة ردي علينا عملتي ايه في رمضان)

مس فيفا

صديقك من صدقك .. هقولك بكل بلاده وباقل قدر من الاحساس وبدون اي تلطيف في الكلام .. لو فضلتي على الحال ده صدقيني مش هتنفع معاكي العملية نهائيا خسارة التعب والفلوس الي راحت فيها ..


بصي امامك انك تاكلي بشراهة زي قبل العملية بالظبط او اقل شويه وفي الحاله دي وزنك هيزيد مش هينقص ومتستغربيش الوزن بيزيد حتى وانتي مركبه الحزام عادي جدا ..

(انا الشهر ده قعدت اسبوعين اكل بشكل طبيعي مش اخضر ويابس ولا شيء بس باكل الاكل الي الناس العاديه بتاكله وكانت النتيجه زدت من اربعه لخمسة كيلو في الاسبوعين دول فمابالك لو كلت بجد بقى كنت هزيد كام عشرين ؟ الله اعلم .. )

لو قللتي اكلك وكلتي زي الناس العاديه مابتاكل او اقل شويه برضه مش هتستفيدي لان صحيح وزنك مش هيزيد بس مش هينقص هيبقى ثابت او بيقل حاجه بسيطه جدا لاتساوي المجهود الي عملتيه عشان تعملي العملية وتنزلي وزنك ولا يقارن بالي عليك انك تنزليه ..

يبقى مفيش قدامك غير انك تقللي اكلك جدا وفي نفس الوقت تاكلي اكل رجيم مش اكل عادي وياريت كمان لو تعملي رياضه ولا حركه في الحاله دي ايوه اقولك وزنك باذن الله هينزل ويبقى العملية جابت نتيجه ..

هتقولي امال ايه فايده العملية طالما الرجيم ورايا ورايا .. هقولك محدش قالك اعمليها .. هي عامل مساعد والباقي عليكي انتي

طالما انك صحيتي من بنج العملية ومحصلش التهابات في الجرح وحجم معدتك اقل من السابق ولسه عايشه الحمد لله يبقى خلاص عمليتك نجحت .. دورها انتهى لغايه كده .. اما لو وزنك منزلش او حتى زاد يبقى انتي الي منجحتيش للاسف .. حطي الحكايه دي في بالك وقدامك اربعه وعشرين ساعه .. لازم انزل وزني لاني لو معملتش كده فانا فشلت مش العملية الي مجابتش نتيجه .. واظن عيب اوي لما نقول فشلنا نقفل بقنا .. اذا احنا ياطخان فاهمينها الناس العاديه مش هتفهم ومش هتعذر وهيبقى منظرنا وحش اوي قدامهم لو حصلنا كده ..

اول حاجه تعمليها دلوقت انك تمنعي اكل السكريات نهائيا .. السكريات فوق عن انها بتدي سعرات عاليه فهي بتفتح النفس وتجيب شعور رهيب بالجوع .. يبقى امنعيها نهائيا في المرحلة دي طالما مش قادره تمسكي نفسك .. اشربي الشاي بدون سكر وطبعا ممنوع المشروبات الغازيه نهائيا ولك في اليوم كله ثمرتين فاكهة بس اي نوع ماعدا المانجو والعنب والموز والتمر .. وفيما عدا الفاكهة دي اياك تاكلي اي حاجه فيها سكر ولو ملعقة صغيره ..

ثاني حاجه امنعي دخول الحاجات الشهية للبيت من اساسه .. قدر ماتقدري . . اطلبي من الي في البيت يراعوا الحكايه دي ولو في معجنات او اشياء مشهية ومصرين ياكلوها يبقى ياكلوها بعيد عنك وميخلوكيش تشوفيها .. بصي لو انتي فشلتي في انقاص وزنك الناس مش هتقول جوزها السبب هو الي جاب لها اكل( شو بيشهي ).. هيقولوا جوزها الله يعينه متجوز وحده ( هاااالكبر ) ..

بالنسبة للاكل في شهر السوائل والمهروس ..

بصي لو عندك شجره جذعها كبير ومتين وجيتي عاوزه تقطعيها بتعملي ايه .. بتضربيها بالفاس ضربة وحده مش هيحصل لها حاجه طبعا ولا هتتاثر شعره .. هتفضلي تضربي .. ضربه ورا الثانية ورا الثالثه . . الي شايف قمه الشجره شايفها ثابته في السماء زي ماهي ولا بتتطوح ولا بتروح يمين او شمال .. كان مفيش شيء رغم الضرب .. هتفضلي تضربي وفجأه .. هتبدأ الشجره تترنح وفي ثواني هتكون في الارض ..

اهو معدتك بيحصل لها نفس الشيء . . في شهر المهروس عماله تاكلي صلب عادي مش هيحصل لك حاجة ظاهريا لكن معدتك عماله تتأثر ومش مبينه .. عماله ( تهري ) فيها وهي تعبانه وتحطي لها اكل يهلكها ويحتاج منها مجهود عشان تهضمه لانه صلب ومش حاسه انها بتتهاوى من الداخل .. مش هيبان دلوقت ولا من اول اكله ان الضرر حصل لكن لو فضلتي على كده ضربه ورا ضربه هتبصي تلاقي معدتك انهارت مره وحده ونزلت في الارض ..

ايه ممكن يحصل لمعدتك على المدى البعيد لو اكلتي في فترة السوائل او لو كترتي اكل . . حاجات كتير ..

ممكن لاقدر الله الحزام يتحرك من مكانه وميثبتش وبكده متستفيديش اوي من العملية .. ممكن ترجعي كتير وده يعمل لك قرح لاقدر الله في المريء او يجيب لك نزيف يحتاج تدخل جراحي .. ممكن لاقدر الله المعده الي فوق تتوسع وينقلب الجيب الصغير وفي الحاله دي لازم تشيلي الحزام ده اذا ربنا اكرمك ومحصلش من الانقلاب ده اضرار تانية .. ممكن لاقدر الله الجيب مع كتر الاكل واعتيادك على كده يبدأ يتوسع يتوسع لغايه ماييبقى جداره رقيق جدا ولاقدر الله ينفجر .. عندك استعداد تغامري بتفجير معدتك ؟

ماسبق على قولة اخوانا المثقفين ( غيض من فيض) والقائمة تطول ..

شفتي المعجنات كانت شو بتشهي .. وعلى شو بتشهي ؟

فوقي لنفسك وحطي هدفك واضح قدامك انا قررت انزل وزني يبقى انسى متعه الاكل او العكس .. قررت امتع نفسي بالاكل يبقى انسى بقى اني انزل وزني واعيش حياتي راضيه بالوزن الي انا فيه ..

وبمناسبة الوزن اوزني نفسك على نفس الميزان دائما .. يعني مينفعش توزني نفسك قبل العملية على ميزان وترجعي توزني نفسك بعدها على ميزان تاني وتحسبي الفرق لان غالبا بيكون في فرق بين الموازين يعني ممكن توزني نفسك دلوقت على ميزان وتروحي بعد دقيقة توزني على ميزان تاني وتلاقي فرق ممكن يوصل كذا كيلو .. انا جربت الحكايه دي مرة .. وزنت نفسي في صيدلية وطلعت وزنت في صيدلية الي جنبها لقيت الفرق اربعه كيلو .. في نفس اليوم واللحظه .. فانتي اعتمدي الميزان الي وزنتي عليه قبل العملية واوزني عليه تاني دلوقت وبرضه اوزني نفسك دلوقت على اي ميزان عندك واعتمديه انك تتوزني عليه دائما من هنا ولغايه ماتوصلي للوزن الي نفسك فيه ..

بالنسبة للعملية في رمضان ..

كنت خايفه جدا على مااذكر من دخول رمضان والصوم مع العملية لكن سبحان الله اكتشفت ان الصوم بيريح المعده جدا جدا ولم اشتكي منها نهائيا طول رمضان الماضي .. بس لاحظت برضه ان وزني منزلش في رمضان اظن يمكن نزل كيلو او منزلش خالص .. السبب كنت بشرب شوربه وعصائر قبل الافطار واثناءه دي كانت بتسهل علي الاكل جدا فبقيت باكل كمية اكتر شويه من الي كنت باكلها قبل كده فثبت وزني ..

معليش متزعليش مني كلامي ممكن يكون قاسي بس التجارب الي مريت بيها خاصه مؤخرا اثبتت لي ان التطمين مش حلو خاصه لو هو مبني على غير اساس وان لما الواحد يواجهك بالواقع فتستعدي او تلحقي نفسك افضل بكتير من انك تنامي في العسل لغايه مايبقى مينفعش تعملي شيء ..

وخذيها مني حكمه .. انفعي نفسك لأن محدش هينفعك ..