السلام عليكم ورحمة الله وبركاته
هلا وغلا بالجميع حياكم الله اخباركم جميعا
ماعليش اعذروني انقطعت كم يوم كنت مسافرة سفرة مفاجئة
وقبلها حالة وفاة عندنا والله يعين وانتم عارفين الاجازة واشغالها
هلا بك اختي frites حياك الله بيننا واحنا نتشرف بتواجدك معانا وماراح نقصر معاك باذن الله
والشوربة سبق ونزلت في المنيو رقم 3
شوربة الذرة الصينيه
قطعتين من صدور الدجاج مسلوقه ومنتفه صغار – مرق الدجاج اللي سبق سلقه وممكن زيادة القليل
من الماء المغلي – علبة ذرة كريم مهروسه – ملعقة ملح – نصف ملعقة ماجي ابيض – نصف ملعقه
فلفل اسود حسب الرغبه – ملعقتين سكر – 4 ملاعق نشا محلوله في ماء – بياض بيضه واحده
الطريقه توضع جميع المقادير في قدر ما عدا النشا وبياض البيضه ويترك يغلي على النار تقريبا
عشر دقائق ثم نضيف النشا ويقلب بسرعه حتى تصبح الشوربه كثيفه ثم ترفع عن النار ويضاف
بياض البيضه وبسرعه تحرك حتى يصبح مثل الخيوط وتقدم وبالعافيه
والشوربات مو كلها فيها كريمه حسب النوع لكن الكريمه اللي اعرفها تستخدم في بعض انواع
الشوربة هي قشطة الخفق المعروفه للصياني والحلويات
واحيانا يضاف لها النشاء علشان يثقلها
والمعجنات ماعليك انتي جربي وحده من العجاين اللي نصحناك بها وماراح تندمين باذن الله
لان المعجنات ضرورية في رمضان الله يبلغنا صيامه وقيامه
هلا وغلا كوكيز وعليكم السلام ورحمة الله وبركاته ماشاء الله تبارك الله سنعه والله
الحمد لله رجعتي وطبقتي الكيك لانك ماشاء الله فنانه فيه من جد والله تطبيقاتك في الكيك
والمعجنات روووعه ويبين اتقانك لها حتى بقية تطبيقاتك كلها مضبوطه ماشاء الله
الله يحفظك ويزيدك ويبارك فيك ومكن الكيكه ماتماسكت ان كمية السوائل زايده شويه فيها
مع ان الصوره تشهي بصراحه شكلها لذيذه تسلمين
اهلين سجاوي وينك متى بتقولين الحاجة اللي عندك يلا قولي انا اسمعك بسرررعه
ننتظرك لا تتاخرين علينا الله يسعدك ويوفقك ويبارك فيك وييسر لك امورك
هلا وغلا اختي شذى الرياض حياك الله وين الغيبة اعتقد انتي من قبل انضميتي لنا وانقطعتي صح والا انا غلطانة
وماشاء الله عليك تسلمين على التطبيق الله يعطيك العافيه واهم حاجه انها اعجبتك بالعافيه عليكم
والبسبوسة اللي تبين اوضح طريقتها ي اي منيو احس اني مضيعه شوي عجزت احصلها علشان اوضح لك
الاخوات اللي حابين يتعلمون الطبخ يتفضلون معانا واي استفسار انا وزاهية الالوان معاكم
متابعة النقاش، صفحة 294