[رابطة] أصحاب العمليات الجراحية للتنحيف

انا بخير حبيبتي يارب تخسي بسرعة وانتي بألف صحة,,,,,اعتقد انك لازم تتحركي روحي النادي او اي مشوار مشي مش بالعربية ,,,,امشي حوالين البيت روحي ستي ستار وتمشي وفضلي طالعة نازلة بالسلم مش بالاسنسيلر , ويوم نضفي البيت جامد ,,,انا احاول اعمل كدا علشان بكره الرياضة موت

وكمان لو تشوفي ريجيم حلو ياسلام من اللي موجود في الارشيف الريجيم المركب حلو وريجيم 12في 12 ينحت الجسم نحت بس قاسي عليك,,,,دا لو انتي مستعجلة

عمليتك ناجحة مع الناجح وفاشلة مع الفاشل انتي بيدك تنجحيها وانتي بيدك تفشيليها يعني لو استغليتي الفرصة دي اللي كتير يحلمو بيها حتكون العملية ناجحة ولو اتكلتي على العملية وانك مابتكليش حلويات عليه العوض السر عندك مش بالعملية

شوفي انا طول الوقت بدور بالارشيف عن الانظمة الغذائية وتعليق البنات عليها وياريت بطبقها بس وضعي ماتغير لا قبل العملية ولا بعدها كل تفكيري بالريجيم ,,,خليني ساكتة بس لا تشكيلي ابكيلك,,,تحياتي

صباح الخير على كل البنوتات ... الرشيقات .... اللي مش دبدوبات
إيه يابنات كلكم مش راضيين عن عملياتكم ليه ...؟ معروف جدا ان كل عملية من عمليات تصغير المعدة لها مميزاتها ولها عيوبها لكن كلهم عايزيين التزام وحسم مع النفس .... فيها ايه يعني لو اتاخر النزول شويه ... فيها ايه يعني لو ثبت الوزن شويه ... ياجماعة ما فيش حاجة بتيجي بالسهل .. طالما انتم بتجتهدوا وملتزمين وماشين بنصائح الدكتور يبقى ان شاء الله نازلين نازلين في الوزن . لكن أقول العملية الفلانية فاشلة لأ هذا كلام غير صحيح لان انا اللي افشل العملية وانا اللي بنجح العملية ( العملية عامل مساعد فقط) وبعدين تعالوا هنا زعلانين قوي انكم مبتزلوش او ثابتين في الوزن أوكي ... بس ممكن كان يبقى في سناريو تاني لو انتم مش عاملين العملية كان زمانكم بتزيدوا صح ولا غلط ... اشكروا ربنا على اللي انتم فيه " ولئن شكرتم لازيدنكم" يابنات الاهداف العظيمة بتحتاج لتضحيات عظيمة .
كنزي وحشاني - فيفا انتي فين وحشاني جدا ... جدا ... جدا ؟ - الفراشة عملتي العملية ولا لسة ؟ - زليخة مبروك النزول - نازك هانم ست العاقلين والله ساعات وساعات تانية مش عارفة بيحصلك إيه !!!!!!!!! ربنا يحققلنا كل اللي بنتمناه يارب ..قولوا آمييين

صباح الخير فيتفيت انتى وحشانى اكتر ... اخبارك ايه وعامله ايه ؟ انا مش ناقنة على العملية ولا حاجة بس خايفة انى مش انزل في الوزن ويروح كل تعبي خاصة انى نفسي انزل بسرعة لان مسافرة مع جوزى بعد رمضان ان شاء الله وكنت معتقدة انى لو عملت العملية قبل رمضان بشهرين انى ممكن افقد 20 كيلو على الاقل في الشهرين دول .. عموما الحمد لله وانتى يا فيتفيت عندك حق اننا لو مش عملنا العمليه كان زمانا بنزيد .. انا بسمش عارفه امشي على نظام ايه الدكتور قالى انى اكل كل حاجة ما عدا الحلويات لان طبعا الكمية اللى باكلها قليلة جدا لكن انا عاوزه امشي على ريجيم .. ايه رأيك يافيتفيت ؟

نازك هانم ميرسي حبيبتى على ردك واهتمامك.. اخبارك ايه ؟ ... وانا فعلا كنت بفكر اعمل زى ماقلتى وامشي على دايت بس الرياضة والمشي لسا مش عارفه لانى مع انه مرفترة على عمليتى الا انى لسا تعبانة ومكان الجرح بيألمنى اذا عملت اى مجهود وكمان حاسه انى على طول مرهقة جدا وحاسه بهبوط ودوخة لكن ان شاء الله اتحسن واحاول امشي شويه واتحرك اكتر .. وانتى نازك مالك ؟ ليه بتقولى انك ما تغير شئ قبل العملية ولا بعدها ؟ انتى ما خسرتى وزن بعد العملية ؟

اشوفكم على خير جميعا ..

يوم الجمعة بعد بكرا باذن الله مسافرة الرياض ( اتريض ) شويه عند اهلي ومنها آخذ لي عمرة على السريع .. الحمد لله الواحد خذ كفايته من الايام الي فاتت كانت صعبه صعوبه الله لايوريكم ومحتاج عملية تنظيف مخ وقلب فقلت مفيش غير العمرة ان شاء الله يكون فيها الشفا وانظف المخ والقلب والفشة والكلاوي وجزء من الممبار كمان ..

اشوفكم بخير ومتنسونيش من دعائكم في الفترة الجايه .. نسيت اقولكم .. يمكن اغيب من شهرين الى ثلاثه فمحدش يستغرب بس دعواتكم ارجع انحف من مارحت وبرضه كله بصحة وعافية يارب ..

اشوفكم بخير ولا اقولكم يارب ارجع مشوفكمش من كتر مانحفتوا يارب ..

وكل سنة وانتم طيبين قبل الزحمة ..