:26:مرحبا بنات....:26:
ودي اطرح عليكم مشكلتي بعد ماشفت مساعدة وردود ومواضع كثير من الاخوات اللي تنم عن ثقافه وسعة إدراك..
ماادري هل اللي راح اتكلم عنه يعتبر مشكله ... مع اني اعتبرها مشكله راح تأثر في حياتي وبالأخص حياتي الزوجيه تأثير سلبي اذا ماعالجتها........
راح ابدا علطول بطرح موضوعي:
انا اعاني باختصار من المزاجيه+ عدم القنااااااااااااعه
وهالصفتين اعاني منهم من قبل الزواج ... وانا الان لي تقريبا عشر شهور متزوجه وبرضو هالصفتين ملازميني:44:
بالنسبه للمزاجيه:ساعات اصير مثلا مرحه وفرفوشه مع زوجي وفجأه ينقلب مزاجي واصير معصبه او ضايق خلقي سواء لسبب تاااااااافه او لغير سبب.
لدرجة اني ساعات ازعل على زوجي من غير سبب:icon33: بس لأن مزاجي متعكر...
ونجي لصفة عدم القنااااعه:09: تجيني حالات احس اني مو مقتنعه بحياتي واقارن نفسي بغيري من البنات واقارن زوجي بأزواجهم ويبدا الشيطان يلعب فيني لعببببب لحد مااحس اني مو سعيده بحياتي وناقمه كمان:mad:
لكن هالشعور بعدم القناعه يتلاشى بعد فتره لكن بعد ايش؟ بعد مااضايق زوجي بكلام يقهره وينرفزه....ومن بعد كذا اتندم عاللي سويته واجلس ابكي :icon33:واعتذر له...
والله العظيم يابنات اني اليوم قلت لزوجي ابغى اروح اخصائيه اجتماعيه تعلمني كيف اتخلص من عيوبي عشان اريحك....
بنات تتوقعو مزاجيتي هذي وعدم قناعتي بعيشتي تحتاج روحه لاخصائيه؟؟؟او اقدر احلها بنفسي؟؟؟
والله ماكتبت موضوعي وطرحت مشكلتي الا لأني متعشمه فيكم خير انكم بتعينوني وتوجهوني وياليت اللي ماعندها تعليق او رد تدعيلي بان ربي يهديني ويسخرني لزوجي ويسخره لي...
بانتظار ردودكم ياحلوات:26:
شاركي في النقاش
سجلي الدخول لإضافة تعليق.
التعليقات
26- بختصار لاتناضرين الي ارفع منك شوفي الي اقل منك وحاولي تشغلين نفسك لا تعطين الشيطان فرصه
الله يسخرك زوجك - هلا اختي جود...
قولي امين الله يعطينا حتى نقنع
عموما البني ادم طماع تلقينه احيانا يملك كل شي
ويبي المزيد...بس النقطه المهمه كيف تروضين نفسك
بعطيك نبذه بسيطه عن اشياء حولي
انا بنت من عائله ثريه
وزوجي من عائله مو ثريه الا اثرى من الثريه
اخواني حارميني ورثي
وابو زوجي حارمه من كل شي من العطايا والهدايا
الي قاعد يعطيها بالهبل لعياله
بي ام لكل واحد الا زوجي بيوت بأسمائهم الا زوجي
رواتب شهريه تمشي للجميع الا زوجي تقريبا عشره الالف لكل واحد من العيال
والصيف كله سفريات هم وعيالهم هالسنه ماخذين طائره خاصه وضافين كل العائله
الا انا وزوجي وعيالي..قلبي يتقطع على السفر محتاجه اغير جو لو يومين ما اقدر
فلوسي طارت مليون ريال طار بالاسهم قدام عيني الحمد لله
الي ثبت عقلي وقلبي ولا كان شفتيني بشهار
وزوجي طارت منه ست ملايين ريال قدام عينه ولو ستر الله عليه ولا كان صار مهبول زي كثير
ولو لاحظتي اني ابيع سمبوسه وانا ورب الكعبه اني كنت زي الملكه بفلوسي والحين
تخيلي اكرف النهار كله والله عشان اطلع لي ربح .......... الحمد لله على كل شيء
قولي لي الحين مقتنعه بحياتك...احمدي الله واستغفري كثير
وترى الوحده اذا تقربت من رالعالمين والله ينزل على قلبها السكينه
وتزهدين بالدنيا بس ما اقصد تكرهينها بس تعرفين ان الدنيا هذي
امتحان واختبار لنا كلنا من فينا يحمد الله ومن فينا يجزع..
اسأل الله العلي العظيم ان يهدي بالك ويعطيك حتى ترضين
ويسخر لك زوجك ويهديك يارب ويبعد عنك العصبيه الي ماتجي الا من الشيطان الي ينفخ فيك ويقول
لعل وعسى يطلقك من زوجك..
لكن تعوذي منه.. ولا تعطين الشيطان مراده..
لانه اكثر شي يفرحه الطلاق
دعواتك اختي..وسامحيني اذا طولت عليك بس احيانا الواحد يبيله يشوف بلاوي غيره
عشان يقول الحمد لله - اهم شي انك عارفة عيوبك ومعترفة فيهم وتحاولي تطوري من نفسك احيك على هالشي ...وطالما انك حاطتة هدف بحياتك انك تتغيري ان شاء الله وبحولة وقوتة راح تنتصري على عيوبك ..بس اتخذي قرارات جذرية وسريعة واقري في تطوير الذات ومارسي تمارينة اما زيارة طبيبة نفسية فمااشجعك لاني عتقد ان بيدك انتي بس عزمي وانطلقي..
- يالله
كنك تتكلمين عني
انا مزاجيه زيك بقوووووه بعد
لدرجه فضيعه وزوجي يقول انتي يوم اسود ويوم ابيض ويوم رمادي واحيانا بنفس اليوم تطلعين كل هالالوان
يالله يارب انك تهدينا وتصلحنا
بالنسبه للقناعه انا اول الزواج كذا بس خلاص البنات هدوني والحمدلله ماشي وضعي يارب لك الحمد
طبعا اتحسن كثيييير لما استغفر كل يوم واحافظ عالاذكار - حاولي تكثرين من الاستغفار عسى الله يهدي سرك ويريح بالك
مواضيع مشابهة
تابعي تجارب أخرى من هذا القسم.