لحوح....حلى رمضاني شهي

السلام عليكم ورحمة الله وبركاته

كل عام وانتم بخير ورمضان كريم

حبيت أشارككم بطبق حلو بسيط اسمه لحوح وهو من الأطباق المشهورة في المنطقة الغربية في السعودية....

المقادير:

1 كاسة كبيرة دقيق
نصف ملعقة شاهي بيكنج باودر
ملعقة شاهي خميرة فورية
4 ملاعق طعام ممسوحة سكر
2 بيضة
2 ملعقة طعام زيت
من نصف كاسة كبيرة الى ثلاثة أرباع حليب سائل
نصف ملعقة شاهي فانيليا

الطريقة:

في زبدية..حطي الدقيق وفوقه بقية المقادير الجافة..واخلطيهم..ثم حطي البيض والزيت والحليب وقلبي بمضرب السلك العجينة لازم تصير سائلة زي عجينة البانكيك والكيك..اذا شفتي انه يحتاج حليب زيدي الى ان تحصلي على عجينة سائلة (مو خفيفة زي الموية)

غطيها بنايلون وخليها ساعة

الآن جيبي طاوة اللي تسوي فيها البيض..استخدمي بخاخ زيت وهذا شكله:



عشان تبخي فيه الطاوة قبل ماتحطي اللحوح..واذا ما عندك بنفس قالب الزبدة من فوق امسحي على وجه الطاوة قبل كل مرة تحطي لحوح

بكبشة الشوربة ملي نصفها تقريبا وصبيه على الطاوة وهي حارة..(النار تكون وسط) وبظهر ملعقة الشوربة ساوي سطح اللحوح عشان يصير طبقة خفيفة..انتبهي عليه لأنه بسرعة يستوي وأول ما تشوفيه صار لونه ذهبي من تحت اقلبيه على الوجه الثاني:



أول ما يخلص الوجه الثاني تكوني مجهزة زبدية فيها سمنة حارة..وزبدية ثانية فيها سكر بودرة وزبدية ثالثة فيها هيل مطحون....

حطي اللحوح على الصحن..ادهني وجهها بالسمنة ورشي السكر وفوقه الهيل ولفيه:



لازم تسوي وحدة وحدة قبل لا تبدأي بالثانية..وهكذا الى أن تنتهي وقدميه فورا ولا تغطيه بقصدير عشان لا يعجن..

ممكن تدهنيها بنوتيلا..من دون سمن..ولفيها..حشوة أخرى: لوز بجلي مقلي مطحون خشن..تدهني اللحوح سمنة وبعدين اللوز ورشي عليه شوية هيل..ممكن عسل لوحده

وبألف صحة وعافية

الشكل النهائي




ان شاء الله يعجبكم

بشاير

17 تعليق 4,657 مشاهدة

شاركي في النقاش

سجلي الدخول لإضافة تعليق.

التعليقات

16
  1. الللللللللللله لحوح :23:

    تسلم الايادي يارب من يد مانعدمها غاليتي **بشايـــــــر**

    لنا جيران من اهل الهدا دايم يرسلونها لنا تهبل بس الحين عرفت طريقتها..

    يعطيك العافيه تقبل الله طاعتك..

    لاعدمناك..
  2. @hms_2

    السلام عليكم

    الله يسلم إيدينك

    على فكرة بنااااات ممكن تجربون لحوح مالح

    نفس طريقة العجينة ، لكن الحشوة تكون مالح ( خضار أو لحم مفروم )

    تدخلونها الفرن ، وتحطون عليها صلصة طماطم (بصل+ ثوم + طماطم مطحونه )

    وشوي جبن موزريلا على الوجه ، وغطيها بالقصدير وخليها لحد ماتتسبك الصلصة

    وبالعافية على قلوبكم

    :)

تابعي تجارب أخرى من هذا القسم.