تطبيقي لتاوة مرة الدب المملوح و سينابون سوسو... بالصوووور

والله مااملك الا اني اقول ماشاء الله لاقوه الا بالله
تطبيق رااااائع الله لايضرك

حلووووووو

الله لا يضرك

ماشالله عليك ضبطتيهم مره

انا سويت تاوة مرة الدب المملوح بس ماطلعت مثلك

بسالك كم سؤال

كيف كانت العجينه متماسكه والاشوي رخوه؟

يوم فردتيها كم كان سمكها؟

بعد ماقطعتيها تركتيها تختمر؟

انا يوم سويتها بعضها انتفش وبعضها لا

ماشاء الله تبارك الله شكله روعه

سميـــا
على وجه السينابون انا حطيت حليب مركز محلى و زيادة على كذا حطيت سائل الكاراميل .. يجي زي الهيرشي بالسوبرماركت بس كاراميل.. مرررة لذيذ طعمه..

دعــوده
حياك الله .. وش اخبارك يالغلا؟ ان شاء الله طيبة؟ و كيف ولدك؟
بالنسبة للعجينة كانت متماسكة.. بس كانت تبي شوووي موية لانها كانت ثقيلة نوعا ما..
لما فردتها لازم يكون سمكها نحيف مرررة عشان لما تنتفش ما يصير عجين.. لانه اذا كانت العجينة متينة تصير من جوا عجين.
بعد ما قطعتها ما خمرتها علطول قليتها يمكن ما قعدت ولا خمس دقايق
انتي اول ما تحطينها بالزيت بتصير غرقانه تحت بعدين تقعد شوي و ترتفع... لما ترتفع علطول ارشقيها من الزيت من فوق علشان تنتفش
طيب يمكن انتي لما عجنتي العجينة ما تخمرت.؟ انا بعد ما عجنتها تركتها ساعه كااملة تتخمر..