شاركي في النقاش

سجلي الدخول لإضافة تعليق.

التعليقات

21
  1. @hash_hash

    صاحبة الموضوع
    شكر خاص لكل اللي تفضلوا بالرد أو إبداء رأيهم ..

    و عندي تعقيب على كلام الأخوات جزاهم الله خير..
    طبعا احنا ما ننكر ان المرأة لها كرامة وان المبدأ في الحياة الزوجية هو (إمساك بمعروف أو تسريح بإحسان)
    ولا ننكر أن الرسول عليه الصلاة والسلام وصى بالنساء خيرا و قال رفقا بالقوارير..

    لكن الكرامة مو معناها ان الوجدة عند أول مشكلة تروح بيت أهلها و تتطلق..
    ولا تسكت عن حقها لين يصير عندها كوم عيال و بعدين نقولها احقريه وروحي بيت أهلك ودوبها الكرامة تطلع فجأة وبقوة ..

    اللي أنا أقصده ان الحل يكون مبني على أسس منطقية و شرعية ..
    واحنا الحمد لله في عصر انتشر فيه العلم والكتب والكل في المنتدى يقرأ ويسمع والمفروض الوحدة تثقف نفسها في هذي الأمور عشان تعرف تتصرف وتنصح أخواتها المسلمات ..

    يعني أشوف ان الحياة في عصرنا الحالي بوجود كل هالفتن والمغريات والمشاكل لازم تبنى على أساس ثابت عشان تستمر وتدوم..
    ما قلنا الوحدة تصير خدامة لحمولتها ولا ملطشة لزوجها لكن تعرف كيف تتعامل مع اللي أمامها و تعرف كيف تتفاهم وتجرب كل الحلول قبل ما تفكر في الإنفصال عن زوجها أو إشعال النار مع اهله ..
    ومهم جدا اننا نعرف ان كل مشكلة تنتهي بالطلاق فاللوم يقع على عاتق الطرفين.. فالزوجة إما تسكت عن حقها سنين وتجي فجأة وبنصائح عشوائية تقلب الدنيا وتعفسها بدون حكمة ولا تفكير و تصير الضحية والجلاد..
    أو تقعد لزوجها عالحبة والعين بالعين و كل كلمة ترد عليها بزعم الكرامة وقوة الشخصية وهذا أيضا غلط ..
    والمصيبة إذا كان في الوسط أطفال ابرياء محتاجين لجو اسري صحي يتربون فيه ونجي نقول تطلقي وارتاحي وكأنها فعلا بترتاح إذا تطلقت وشتت أطفالها ..
    وأقصد هنا بشكل رئيسي المشاكل اللي ما توصل لدرجة الكفر والكبائر ..

    ياليت لو الوحدة تطرح لنا مشكلتها نعينها على تجاوزها بما يرضي الله ويريح ضميرها تجاه الحلول اللي تتبعها.. وأنا بنفسي والله كانت لي صديقة تحب زوجها وتموت فيه رغم عيوبه وشايفة انها اشياء عادية ..
    وطبعا كانت ساكنة مع حمولتها في شقة لوحدها وكان بينهم احتكاك وحزازيات لقيت اللي يكبرها وينفخ في راس البنت ويحرضها على أهل زوجها وعليه ..
    ومرة بسبب مشكلة انا أعتبرها تافهة لأن زوجها طلب منها تسوي غدا لأهله لأن امهم في المستشفى ويبغاها تطلع وتلقى الأكل قدامها ورفضت بدعوى الكرامة اللي الكل يرددها على مسامعها وكبرت راسها ودقت على أهلها اللي كانوا منقسمين في الرأي ,, وشكت لي البنت بنفسها ان اخواتها كانوا يقولون تطلقي منه ولمن جا وقت الجد وطلب الزوج حضانة البنت مقابل الطلاق الكل تخلى عنها وحتى اختها صارت تقول لو انا مكانك كان انطقيت في بيتي وربيت عيالي وما تطلقت ..
    النتيجة ان الزوجة والطفلة كانوا الضحية لأراء وأفكار مغلوطة عن حقيقة الحياة الزوجية ..وربي شاهد على كلامي لأنها كانت تشكي لي وفي الأخير صارت ما تقول شي يخصها لكل اللي نصحوها بالطلاق وصارت تجيني وتشكي لي وتطلب رأيي مع اننا مو ذيك العلاقة القوية لكن لأنها حست اني ما أنصحها بدون تفكير .. والحمد لله بعدها ربي وفقها وتزوجت وتفادت كل اخطائها السابقة ..

    يعني الخطأ وراد من الجميع , والباحث عن حل وايضا الناصح المفروض يبتعد عن الموضوع قليلا لينظر اليه بصورة حيادية ومنطقية واعية قبل الحكم وابداء الرأي أو التنفيذ..
    ومن غير المنطقي اننا نعطي حل لمشاكل متراكمة ناتجة عن أخطاء مشتركة بين الزوجين في سطرين وتقول روحي لأهلك .. عالأقل نبين لها اسباب اختيارنا لهذا الحل والجلنب الإيجابي فيه عشان نقنعها.. مو نرمي الكلمة من خلف الشاشة واحنا في بيوتنا ونطلع من الموضوع وهي بكيفها.

    لو كل مشكلة حليناها بالطلاق ما تزوجوا الناس ولا عاشوا ولا بقى وجود لجنس البشر, لأن المشاكل واختلاف البيئات والعادات واساليب التربية لكل من الزوجين ممكن تخلق فجوات و مشاكل ممكن بكل سهولة تفاديها وحلها بالطرق الصحيحة البعيدة عن المشاعر الشخصية والأنا , بالتضحية والصبر واللين نلقى الحل لمعظم المشاكل الأسرية,,
    و لا تنسوا حبيباتي ان الرفق ما كان في شيء إلا زانه ولا نزع من شيء إلا شانه ..

    ومرة أخرى سامحوني عالإطالة
  2. @hash_hash

    صاحبة الموضوع
    عاد تصدقون باقي عندي كلام كثير وانتبهت اني قرقر كتير..
    يمديكم صدعتوا وانتوا تقرون ..
    ان شاء الله افكرة اللي في بالي اطرحها في موضوع مستقل من زمان افكر فيها وما أشوفها انطرحت في المنتدى لأنها من كتب غير مترجمة بس ما فضيت..

تابعي تجارب أخرى من هذا القسم.