شوف يا عسل انت .... لا تخافي ولا شي
الحياة الزوجية مو فلم مرعب .... بالعكس حياة جديدة تعيشيها مع إنسان جديد ... حياة فيها عواطف جديدة وأحلام جديدة
صح هو حيكون غريب عليكي بس هادا شي لا بد منه .... وعشان كده حيكون عندك فرصة تتعرفي عليه أيام الملكة .... المهم إنك تكوني واضحة وصريحة وتكوني على طبيعتك بدون تغيير ولا تبديل عشان تشوفي هو كيف حيتعامل معاكي ..... أيام الملكة مو أيام للتافهم على نوع العفش ومكان الفرح أو لتبادل الكلام العاطفي فقط ... بالعكس خلي أيام الملكة فرصة لتتعرفي على طريقة تفكيره وآرائه في بعض الأمور .... تتعرفي على كيفية تعامله مع المشاكل اللي حتواجهوها في حياتكم بعد كده ..... خليها اختبار لنفسك ولتصرفاتك لو واجهتك مشكلة صغنوتة أيام الملكة ..
أما عن المسئولية .... فأنا بصراحة ماني شايفة المسئولية خطيرة لدي الدرجة .... خاصة إذا كنتي من البنات اللي تساعد أهلها قبل الزواج في الطبخ والغسيل والأمور دي ...... وإذا كنتي مو متعودة فعودي نفسك لأنه في مصلحتك ....... يعني المسئولية بمعنى آخر هي مجرد الاهتمام بالبيت بس وغير كده مافي شي ..... لأنه الاهتمام بالبيت داخل فيه الاهتمام بالزوج ... والاهتمام بالزوج هو مجرد طبخ الأكل وغسيل الملابس وإن شاء الله ربنا يرزقك بزوج متعاون ...
وياستي إذا انتي شايفة نفسك انك مو مستعدة للزواج فأجلي الموضوع لحد ما تكوني مستعدة وانتي لسة صغيرة والعمر قدامك إن شاء الله
ونصيحتي لا تحطي في بالك المشاكل اللي تشوفيها في المنتديات إنه هي هادي الحياة اللي بتعيشها كل المتزوجات ..... لأن السعيدات في حياتهم عادة ما يحبوا يتكلموا في دي الأمور خوفا من الحسد ..... فعشان كده معظم الي تشوفيه مشاكل ...
دعواتي لك بالتوفيق...
شلون قدرتوا تتزوجون ؟ اللي تتزوج هذي قويه !! انا ما اقدر .. اخاف .. ساعدوني :(
متابعة النقاش، صفحة 2