مشكلة صديقتي مع زوجها



السلام عليكم

بنقل لكم مشكلة صديقتي

زوجها بأي مشكلة تحدث بينهم أو تكهرب بالجو يقولها روحي لأهلك وخلي أهلك يجون ياخذونك

وكم مره قالها وبكل مره بعد ما تضف عفشها يعتذر ويقولها خلاص ما اعيدها..

صار بينهم إشكال وقال الكلمة هذي .. قامت شالت عفشه وقالت له ودني اهلي طردتني للمره الثالثة ما عدت استحمل.. وهو ما قصر شال الأغراض وركبها السيارة

وآخر كلمة قالها بعد ما نزلها ... أشوفك على خير..

::

المشكلة هي توها متزوجه ماصار لها سنة وتبي تربي زوجها شوي وتخليه يحس على دمه شوي

راحت بيت اهله ولا كلمته ولا كلمها وابوها وامها دارين بالموضوع لأنها يوم دخلت دخلت تعباتة من البكي

::

الآن تمت يوم ولا كلمته ولا كلمها ولا رسالة ولا شيء

::

أهلها متضايقين من تصرفها ليه تجي كان صبرت ووووو

وهي موب طايقه تسمع هالكلام

هي تحبه بس تبي تعوده انه ما يكرر يسمعها نفس الكلام والموال..

وخصوصا وأنهم ما تمو سنة..

::



مشكلتها الآن أهلها وابوها بالأخص

يبونها ترجع او تكلمه عشان ترجع لبيت زوجها

طبعا موب مالين منها مايبغون الموضوع يتفاقم او ان الرجل يكابر ويتركها ببيت اهلها..



::



ماتدري هي ترضي أهلها و ترجع وتنهان مره ثانية برجوعها للبيت زوجها..

او تجلس عند أهلها عشان تحقق جزء من كرامتها كزوجة وعشان مايرخصها

::



ايش الحل..



أتمنى من الأخوات يحاوبون عن إستفسارها الأخير

البنت تبي حل وجزاكم الله خيرا

ملاحظة
البنات اللي يقولون ترجع بيت زوجها يعطونها حل أمثل بدون ما تنجرح كرامتها منه
يعطيكم العافية

37 تعليق 2,817 مشاهدة

شاركي في النقاش

سجلي الدخول لإضافة تعليق.

التعليقات

34
  1. @loooolooo666

    .
    .

    لازم تفهم أنه مافي بينهم كرامه وعزة نفس

    هذا زوجها جنتها ونارها

    أنا ماأقووول تشيل عفشها وتروح له ......!!!!

    بس تنتظر لين بكره أو بعد بكرا أذا ماحس على دمه ولا كلم وأرسل

    ترسله هي مسج أو ترسل كوووول مي <<< حركة أستهبال تشوف ردة فعله ,,

    وبعدها عاد هم يقررون ..

    أو ترسل

    ألى متى ؟؟

    أو

    ليه ؟؟



    هي كله بس لها ألف معنى ومعنى

    و***** الله يحس ويهديه ربي

    وماأقووول غير الله يصلح بينهم

    وهي مو كل مادق مسمار بحجر قالت ودني بيت أهلي

    هذا بيتها وتقعد فيه غصب عليه ..

    أذا لا لا لالا ااااااا سمح الله عادها تقوله هذا بيتي ماراح أطلع منه ..!!!
  2. @ndf_althlog

    تنتظر كم يوم .. وتخلي أبوها أو أخوها يكلموه بشكل ودي ويلمحو له أنها تعبانة

    ونفسيتها متدهورة .. وإذا اتصل أو جا ياخذها ترضى على طول ولاتكابر ..

    باين زوجها قلبه طيب وحنون ..
  3. @tkfyny_akhlaky_1

    حتى وهي جالسة في بيتها كانت تقدر تحل مشكلتها معه بدون ما تروح لبيت اهلها ..!!!

    المشكلة الوحدة منا لا وقعت بمشكلة تضيق عليها الدنيا واول حل يخطر في بالها بيت ابوها

    اول سنة لهم يعني لسه ما تاقلمو 100 % عل ىبعض ، لكل واحد منهم شخصية

    ما املك لها الا الدعاء

    الله يهدي زوجها ويسخره لها
  4. @sot_alklm_1

    نصيحه لوجه الله الاشكال هذي يبغالها تربيه يعني يحس انه متفضل عليها بالزواج لا ترجع حتى تمرمطه وتشهد اهلها واهله ان ماعاد يهددها واذا عادها فالابتعاد عن هذة الاشكال غنيمه واذا باقي ماجابت عيال تنفذ بجلدها بلا حب بلا خرابيط
  5. الحين يطردها وانتم تقولون مافيه كرامه بين المتزوجين

    عموما انا مااقدر انصح بهاالمواقف

    الله يفرجلها من عنده بدون تنازل من طرفها

تابعي تجارب أخرى من هذا القسم.