مشكلة صديقتي مع زوجها
السلام عليكم
بنقل لكم مشكلة صديقتي
زوجها بأي مشكلة تحدث بينهم أو تكهرب بالجو يقولها روحي لأهلك وخلي أهلك يجون ياخذونك
وكم مره قالها وبكل مره بعد ما تضف عفشها يعتذر ويقولها خلاص ما اعيدها..
صار بينهم إشكال وقال الكلمة هذي .. قامت شالت عفشه وقالت له ودني اهلي طردتني للمره الثالثة ما عدت استحمل.. وهو ما قصر شال الأغراض وركبها السيارة
وآخر كلمة قالها بعد ما نزلها ... أشوفك على خير..
::
المشكلة هي توها متزوجه ماصار لها سنة وتبي تربي زوجها شوي وتخليه يحس على دمه شوي
راحت بيت اهله ولا كلمته ولا كلمها وابوها وامها دارين بالموضوع لأنها يوم دخلت دخلت تعباتة من البكي
::
الآن تمت يوم ولا كلمته ولا كلمها ولا رسالة ولا شيء
::
أهلها متضايقين من تصرفها ليه تجي كان صبرت ووووو
وهي موب طايقه تسمع هالكلام
هي تحبه بس تبي تعوده انه ما يكرر يسمعها نفس الكلام والموال..
وخصوصا وأنهم ما تمو سنة..
::
مشكلتها الآن أهلها وابوها بالأخص
يبونها ترجع او تكلمه عشان ترجع لبيت زوجها
طبعا موب مالين منها مايبغون الموضوع يتفاقم او ان الرجل يكابر ويتركها ببيت اهلها..
::
ماتدري هي ترضي أهلها و ترجع وتنهان مره ثانية برجوعها للبيت زوجها..
او تجلس عند أهلها عشان تحقق جزء من كرامتها كزوجة وعشان مايرخصها
::
ايش الحل..
أتمنى من الأخوات يحاوبون عن إستفسارها الأخير
البنت تبي حل وجزاكم الله خيرا
ملاحظة
البنات اللي يقولون ترجع بيت زوجها يعطونها حل أمثل بدون ما تنجرح كرامتها منه
يعطيكم العافية