السلام عليكم ورحمه الله وبركاته
ازيكوا يا بنات وحشتونى يا حبيباتى ... الايام الحلوة بتعدى بسرعه يا خسارة رمضان قرب يودعنا نفسى الايام تقف شويه .. حمدالله على سلامتك يا كوكر انتى كنتى وحشانا اوى وبجد مفاجأه رجوعك لينا بالسرعه دى يارب تكونى اتبسطتى ويارب يكتبهالك تانى ويكتبهالنا كلنا واضم صوتى لصوت نيفو انا فعلا عايزة اعرف التفاصيل كلها عملتى ايه اول ما عرفتى اصلا خبر سفرك وايه كان احساسك هناك وشفتى ايه وعملتى ايه مش هنسيبك هتحكى يعنى هتحكى
ازيك يا سامنتا ويا نيفو ويا سمسمه انتى فينك يا قلبى شكلك ضربتى الست العجوزة دى شكلنا هنجيبلك عيش وحلاوة
وبالنسبه بقه للاعضاء الجدد اهلا بيكى يا مشتاقه و اعملى زى ما قالت لك نيفو بالظبط بس عايزة اقول لنوفى تعمل حسابى فى الشاى معاكوا .. اهلا بيكى مرة تانيه وياريت تفضلى معانا دايما احنا تجمع محدش بيخبط على بابه اللى عايزة يدخل بدون احم ولا دستور
وكمان بيرو اهلا بيكى يا حبيبتى معانا وشكرا ليكى على الكلام ده وبجد التجمع فيه بنات زى الالماظ ما يتاقلش بمال من اول مميزات صاحبه الفضل فى ***** التجمع ده الى اخر عضوة تنضم لينا واللى هى انتى ويارب ما تكون الاخيرة .. كمان انا مبسوطة ان اول مشاركه ليكى تبقى فى تجمعنا اللى كله بشره خير
اشوفكوا على خير ومستنيين كوكر تمتعنا بتجربتها فى العمرة
خبرات متبادلة حول مراكز علاج العقم وأطفال الأنابيب في مصر
متابعة النقاش، صفحة 56