الله يأختي أرى ان زوجـــــــك طيب وبار بأمه...
طيب بصراحــــــــه جاوبني ....
لو كانت أمك ومعاك في البيت وتسئ لك بتردين عليها...!
أو حتى ضربتك مثلاً بتسبينها.......أو حتى تعاملينها بالمثل.....
ام زوجك هي امه ثم امه ثم امه.......
وكونك عشتي مع زوجك ثلاث سنوات .......
فهي عاشت معاه وربته وصرفت عليه يمكن 25 سنه.....
وبالأخير يكافئها انه ما يتحمل عصبيتها.......!
مشكلة الزوجه دائما تحس انها امتكلت زوجها وتنسى ان وراه مسؤليات....
وخلينا نقول اهتمامات .....
وتذكري ممكن بكره يتزوج ولدك وتكونين بدون زوج ....
وتخيلي نفسك زوجته تمل من وجودك.....!
والمي يا اختي ان المراءه كل ماكبرت في السن تحتاج لمزيد من الاهتمام والحنان.....
وصعب جداً شعورها بان فيه انسانه خذت حبيب قلبها وروحا ولدها منها....
وكل ماكبرت المراءه في السن تزيد حساسيتها وعصبيتها ....
فالمدارة المدارة .....
وتخيلي نفسك انتي بدون زوج......!
كيف بذمتك بتكون نفسيتك وشخصيتك ....
دوري على الجوانب الايجابيه ولا تجعلي الجلوس مع زوجك لوحدهم هو يعني .......
سبب المشكله والا سبب سعاده ......
ماشاء الله تبارك الله زوجك طيب ونادر وربي الرجال الي كذا .......
وأنصحك تشوفين مشاكل الأخوات من ضرب واهانه ومسكرات ومنكرات .......
وخيانه وبخل ولسان بذيئ واستغلال ........
ولسان امه الطويل حاولي قبل تطلعين تقدمين كل كلمة سيئه بتقولها وكانك متوقعتها .......
يعني يصير الأمر عندك عادي يعني شوفي نفسك انتي وش تستحقين منها.......
تستحقين الحب والتقدير والاحترام وتستاهلين هالشيء ....
إذن كلامها خليه في عقلك زي عدمه وفسريه بمخك على أساس انه غيره....
ترى الأم تغار والله ومن حقها مثلك بالضبط يوم تغارين على زوجك......
وانتي ماشاء الله من كلامك صبـــــــــوره ....
وصدقيني الصبر مر مرمرمر مثل العلقم بس نهايته رائعه....
أتذكر قصه لقريبه لي كانت تواجه مثلك بالضبط من اخت زوجها....
وماكانت تسوي فيها سب بس لا إيذاء حقيقي ......
وكان الزوج في عالم ثاني يعني لامعين ولا نصار .....
صبرت سنوات والله ثم والله انها الان أحب واحده للأخت هذي.....
وانها تكلم عليها وتقول والله يازوجة اخوي اني ما احب في الدنيا كثرك انتي وعيالك.....
وهي ماسوت غير صبرت.......
الدنيا ياغاليه كذا مافيه مسرة كل يوم ولا سعاده كل دقيقه......
الدنيا كمد وتعب وإلا بذمتك من وين ذنوبنا بنكفرها ؟
ومن وين بنوصل في الجنه لأعلى الدرجات؟
ومن وين بتعلم ؟
المشاكل والمصائب مدرسه يكفي انها تمحص الذنوب تمحيص.....
وكل ما هزأت أم زوجك والا سبتك تخيلي كم وكم وكم من الحسانت بتجيك .....
وانتي بس تتفرجين.........
واعلمي ان قيمتك وقدرك عند زوجك ماراح ترتفع درجه والا ثنتين لا يمكن عشره وعشرين وثلاثين.......
ودائمـــــا وأبدا عشان نعيش سعداء مع الأشخاص الي نحبهم......
نفكر في كل إيجابياتهم ومانحملهم فوق طاقتهم......
وكون زوجك كان سبب في عفافك وصيانتك وسترك ومصدر رزقك وأولادك وعزوتك....
يستاهل تصبرين عشانه وتصبرين وتصبرين.....
ولابأس اسئلي ربي يسر لك طلعه مع زوجك لحالكم .....
الصحابه كانو يسئلون الملح في الطعام....
ألحي على ربي بالدعاء ....
يرزقك بطلعه حلوه ورومانسيه مع زوجك وان شاء الله تتيسر ...
والله تعبت عطوني الحل
متابعة النقاش، صفحة 4