احس بيأس وحزن وملل وش رايكم في مشكلتي وش الحل؟

السلام عليكم ورحمه الله وبركاته









اما بعد
انا يابنات اعاني معاناه والله يعلم بحالي واقسم بلله لو الانتحار حلال انتحرت وراح اقولكم قصتي بس ممكن تقولون شدعوى الموضوع مو مستاهل كل هذا الحزن واليأس بس وربي لو تعيشونه زي ما انا عايشته تحسون


من الاول وبوضوح...............
انا وحده كنت عايشه مع اهلي طبعا زي اي بنت انخطبت وتزوجت واصعب قرار اتخذته هو اني وافقت على الزواج من رجل يعيش بمدينه غير المدينه الي انا كنت فيها وفيها اهلي وناسي:(

تخيلو يا بنات تزوجت مرت اول سنه مدري كيف تغيير جذري وكنت متوقعه هذا شي طبيعي ثاني سنه حمل وتعب وطلعت روحي ثالث سنه خلاص بديت أسأم عيشتي مليت اربع وعشرين ساعه بلبيت بمدينه ما اعرف فيها احد ابد ابد وكل ما حاولت اتعرف اعجز لان حريم المدينه لهم عادات وتقاليد ما دري شلون جايه ..!!ولاهم من النوع الي تحس انهم حريصين عليكي كثر ما انا حريصه عليهم مره .. يعني عايشه وحيده من جد زوجي اغلب وقته بلعمل ولا عند اهله يعني جلسته بلبيت قليل واذا اجبرته وجلس لابد نتهاوش على اتفه الاسباب لاني طفشانه حدي احس احيانا اني بزنزانه بس بشكل مرتب ونظيف:mad:
يا ربي ابي ناس ابي اطلع مدري وين اروح مليت حتى الطلاق فكرت فيه قسم بلله راسي موشوش
فكرت اروح لاهل زوجي واستانس وش اسوي على الاقل لو هم يوسعون صدري .. الاقي عندهم العكس انواع الذب الكلام وانواع التهزيئ يعني بلعربي مو طايقيني وربي انا بلعكس خفيفه دم واحب الناس بس حضي بلجزمه تكرمون...:44:

تعرفون حقد الحمايل ماله سبب بس غيره وكلام ماله داعي ومشاكل وانا مو ناقصه اصلا

يعني مدري وش اسوي بدنيتي وش تنصحوني فيه حاليا لاطفشت رحت لسوق ادور انا وبنتي ام سنه ادور بسوق واطلع يا ربي صارت حياتي جحيم بس جالسه اصيح وادعي ولا فيه فايده مدري وش اسوي وين اروح يا ناس تكفون ابي حل ولي يرحم والديكم وربي جلستي بلبيت جابت لي الامراض النفسيه كل شي يجي في بالي كل تفكير شين افكر فيه مليت حتى زوجي كرهته ملل كأبه بس بلبيت اف .. الي ودها تسوي فيني خير تلاقيه يوم القيامه بميازين اعمالها ترد بحل الله يوسع صدوركم بجنان النعيم:44:

40 تعليق 6,945 مشاهدة

شاركي في النقاش

سجلي الدخول لإضافة تعليق.

التعليقات

39
  1. @rym_57

    ختي لازم تتعودين على حياتك ولا تستسلمين لليأس والاكتئاب
    انا تزوجت وانتقلت الى بلد ثاني من سنوات طويلة
    صحيح كأبة وضيق وطفش والله لين هاذي الايام بس احاول اشغل نفسي باي شي مع عيالي احاول اكون صداقات من معارف زوجي
    لكن لا تحاولين تضايقين زوجك لانه ماله ذنب ويمكن بعدين يندم انه تزوج من غير مدينته وتزيد المشاكل
  2. @lylyas999

    الحال من بعضه

    انا نفس الشي ماعرف احد ولا اطلع من البيت وماتاقلمت في جده ذي ابد وناسها غير ناسنا لكن اذا تقدرين تدرسين اي معهد يعني حاسب انقلش انا فكرت اني ادرس لكن حامل وحالتي حاله وزوجي يقول من يوديك ويجيبك خليها على الله وقتي كله يانت يانوم

    مو بروحك ياروحي كثير ميتين من الملل والناس مو مثل اول تجين تسكنين لو تقعدين شهرين ماتطلعين ماحد يسأل ابد

    الله كريم

    وسعي صدرك واستغفري كثير ولا تفكرين في الملل حاولي تتعرفين على جيران شي الله يعينا وياك

    ياليتك بجده كان تصادقنا نونس بعض
    :27:
  3. @dloaah_klmty_msmoaah

    خذ من شبابك لهرمك ومن فراغك لشغلك ومن صحتك لسقمك
    غنتي بنعمه كبيرة نعمة الفراغ ومعاها نعمة الصحة استغلي وقتك بقراءة القرآن والصلاة وادخلي نت وفضفضي لبنات حواء وأي شي تحبينه مثل خياطه رسم سويه وكلها كم سنة وعيالك راح يدخلون مدارس وماراح تلاقين وقت تدرسينهم أو تتفرغين لأبوهم او لنفسك

    إنتي بنعمه كبيرة اشغلي نفسك بشي يكسبك بالآخرة قبل الدنيا
    وإذا لك صديقات كلميهم بالتليفون
    والدنيار راح تمشي كذا أوكذا
    الله ييسر امورك
    من الفراغ الشيطان قاعد يوسوس لك بالإنتحار مع إن حالتك مافيها مايستدعي هالتفكير
    احمدي ربك على العافيه وسلامة بنيتك وزوجك غيرك يبي النعمة إلي إنتي فيها

    إقري كلامي بهدوء وراح تقتنعين فيه بإذن الله
  4. @adhk_odmaaty_baayny

    سجلي باي مركز خيري او مدرسه تحفيظ قرآن

    منها تاخذين اجر ومنها تتعرفين على بنات حبوبات مثلك

    وحاولي تشوفين لنفسك هوايه تشغلين فيها نفسك

تابعي تجارب أخرى من هذا القسم.