[رابطة] أصحاب العمليات الجراحية للتنحيف
متابعة النقاش، صفحة 517
شاركي في النقاش
سجلي الدخول لإضافة تعليق.
التعليقات
7,275مملوحه مرة مرحبا مره ثانيه حبيبتي مها ممكن تقولين لى نوع عمليتك ومتى سويتيها وعندمين وكل التفاصيل اذا مايضااايقك يعني وشكرا جزيلا مقدما
هلا وغلا مملوحة مرة بالعكس يسعدني مرة اتكلم عن عمليتي انا عمليتي هي سليف واللي هي قص تقريبا ثلاث ارباع المعدة ويسمونها تكميم وسويتها بالملك فيصل التخصصي بالرياض عند الدكتور باترك وراح اكمل سنة ان شالله بعد اسبوعين بالنسبة لي أنا كان وزني 115 والآن 76 وطولي 165 يعني بالنسبة للشكل الحمدلله صرت تمام بشكل كبير .... وفعلا ايام السمنة تنذكر وماتنعاد ياااااااااااااااااااااااااااااااااااارب لأني عندي رعب منغص علي من العودة للسمنة .... عموما انا عشت 7 شهور وش اقول لكم انهيار لا يوصف ومرض قاتل هدني الغثيان والترجيع وصار معي نقص كالسيوم وفيتامين د بس الحمدلله مع الفيتامينات بديت اتعدل نوعا ما لكن المشكلة النفسية تعبانة ماعرف ليش والكل يقول لي كانك مافرحت بالنحف مع اني فرحانة لكن مااعرف يمكن هاجس العودة مرعبني ... أنا شخصيا منب أكول بدرجة كبيرة ولا اساسا من مغرمين بالغازيات والحلويات والاكلات اللي من برا بس طبعا اعشق الخبز والفطاير والذي منه ماانكر هالشي طبعا عندي ترهل نوعا ما بس موب مريع لكن ولو محتاجة للرياضة بشكل كبير جدا لو مايجيني الا عشان تتعدل نفسيتي الحين ودي كل شخص سمين يجري العملية ويعيش حياته واذا كنت حابة تعرفين كيف كان وضعي بالضبط ممكن تاخذين ايميلي وتراسليني افضل بس ارجع واقول السعادة اللي اعيشها الحين تخليني اتحسر ليش ماسويت العملية من زمان واستمتعت اكثر بشبابي- هلابك مها والله ياليت نتواصل على الايميل لانى افكر اسوى هالعمليه لي فتره
- بنات ساعدوني حاسة بإرهاق و تعب
حد منكم يأخذ فيتامينات؟؟ أو اي حاجة um_faisal23 بنات ساعدوني حاسة بإرهاق و تعب حد منكم يأخذ فيتامينات؟؟ أو اي حاجة
هلا ام فيصل وشلونك اليوم عموما لا يضيق صدرك حبيبتي أنا للحين اخذ فيتامينات وبكمل سنة مسوية العملية وانا اخذت الفيتمينات من الصيدلية ووريتها دكتورتي وقالت لي كويسة- السلام عليكم ورحمة الله وبركاته
كيفكن خواتي
وكل عام وانتن بخير
طبعا انا عضوه قديمه فالرابطة بس صار لي فترة طوبلة ما دخلت الرابطة
واليوم دخلت علشان تدعوا لي يا اخواتي ان الله يشفيني
واتمنى من اللي تعرف او مره بنفس حالتي انها تنصحني
انا بحكي لكم سالفتي من البداية
انا سويت العملية في تاريخ 14 - 5 -2006
وكان وزني قبل العملية 119 كيلو
والحين وصلت 69 كيلو ولله الحمد والمنة
وكل هالفتره كانت اموري تمام وصحتي ممتازه
وحملت وربيت بولدي الله يحفظه بدون اي مشاكل
بالعكس كنت اكل ولا كاني متحزمه
المهم مشكلتي بدت من ست شهور تقريبا
فاليوم اللي رحت المستشفى علشان اضوق الحلقة
واكتشفت ان دكتوري الالماني ترك البلاد وسافر بلاده
وان ملفي حولوه على دكتور مصري
المهم ضوقت الحلقة وقال لي الدكتور انه بيضوق اقل عن واحد سي سي
لان الحلقة صار لها فترة مفتوحة وما يستوي اسكرها مرة وحده
انا قلت مو مشكله انت ادرى يا دكتور ( حسبالي يفهم )
وروحت البيت وبعدها بيوم جاني الم فظيع فالمعده
نقلوني بسببة فالاسعاف وانا مغيبة الوعي نهائي
ودخلت العناية الفائقة قرابة الساعتين وبعدها قعدت من الساعة وحدة الظهر لحد الساعه عشرة بالليل
وانا اعاني من الم فظيع وما اكتشفوا سبب الالم الا فاليوم الثاني لما سويت منظار
وكان السبب ان الدكتور الله يسامحة ضوق الحلقة كثير مما سبب لي التهاب شديد فالمعده
ومن ست شهور لليوم ولنا اعاني ما اقدر اكل اي اكل وفي اغلب الاحيان لما اقدر اكل على طول يرجع
واحيانا حتى الماي ما يطوف الا بالم فظيع
ست شهور وانا اكل ادوية الالتهاب ومضادات حيوية
وفاخر زيارة قال لي الدكتور اذا ما تحسنت حالتك انا مضطر اشيل الربط
تخيلوا يا اخواتي بعد كل هالتعب وهالوزن اللي نزلته ( 50 ) كيلو تقريبا اشيل الربط
انا محتاره يا اخواتي شو اسوي وما متخيله اني اشيل الربط
لاني من ضعفت حسيت باني وحده ثانيه
والله يا اخواتي من كثر التفكير صايره ابكي وكرهت العالم بكبره
ارجوكن يا اخواتي لا تنسون تدعولي فانا محتاجة دعواتكن الصادقة
مواضيع مشابهة
تابعي تجارب أخرى من هذا القسم.