

اليوم سويت على الغدا ستيك بلولاقون طيب اكيد تسئلو ليش بلولاقون ؟ انا اقلكم
سبب التسميه ,مره من المراريت قبل 15سنه كان عمري وقتها10سنين (تبغى توريكم
ان عمرها25 بس محد بطال في وجهك:angry:)رحنا نتمشى في جده انا وامي وابوي واخواتي (اتذكرت ايام
الصبا:44:) المهم وكان في منتزه اسمو بلولاقون طبعا الحين انقرض ماله اثر وطلبنا المنيو ومن بين الطلبات
كان في اكله اسمها ستيك بلولاقون وكان اغلى طبق من اطباق الاستيك وقلت للوالد ابغى هذا قللي اعوذبالله
المهم تطلب غالي قلت مالي شغل ابي هذا يعني ابي هذا قللي طيب وجبلي الطبق وطلع خياااااااال:p وعشش
في راسي من يومها . وثاني يوم قلت لامي خللي العدا علي انا بسويه قالتلي الله يستر شكلنا ماراح نتغدى :hahaha:
قلتلها افاااا بس ماعليكي احلى ستيك راح تذوقونه وفعلا مره على مره صرت مشهوره فيه حتى زوجي
صارت اكلته المفضله وكل فتره يطلبها طلب :cook:واهلو اخذوا لعدوه من زوجي (قالت قصة حياتها الاخت)
يللا نبدا راح اقول المقادير مع الطريقه بسم الله:
نشتري صدور دجاج انا استعمل رضوى لانها انظف صدور دجاج وطريه
تاخذي كل صدر تقسميه قسمين بالعرض وتدقيه بمطرقة الاستيك (مدري وش اسمها)

وبعدين تصير بهذا الشكل

وبعد كذا تاخذي بيضتين وتحطيها في صحن مع ملعقتين دقيق وملح وبهارات (انا استعملت اجينوموتو-
مطري لحم-بهارات مشكله-ريحان –اوريغانو) وتصير كذا

بليييييييز لحد يرد الين مااخلص









