اهلا بيك ياماريان تفضلي البيت بيتك والميزه في الرابطه دي انك هتشوفي مشاركات كل البنات الي عملوا عمليات وتستفيدي منها معلومات مكنتيش هتعرفيها مهما قرأت كلام الاطباء ..
الدكاترة بيعملوا لك البحر طحينة ويبينوا لك ان العملية عصاية سحرية ويوم مايكون الدكتور صريح شويه يقولك هي سحرية بس محتاجه منك بس ( شويه ) مجهود
الحقيقة يابنتي ان العملية سحرية فعلا وبتنزل الوزن مع شويه مجهود زي ماقالوا يعني عاوزه شويه التزام بس وينزل وزنك بس الي مش بيقولوه الدكاترة او يمكن بيقولوه بس احنا من شده لهفتنا على النحافة مبننتبهش له اوي ان العميلة يلزمها تضحيات جامده جدا ولها اثار جانبية للاسف مش بنحس بيها غير بعد وقت طويل لما يكون وزننا نزل خلاص فمبنبقاش ممتننين وقتها للعملية بنفس امتناننا لها في بدايتاتها
بصي هتعملي العملية هتحرمي نفسك من الاكل وده معناته تعب اعصاب مضاعف لان فوق عن انك جوعانه فانتي مش لاقيه حاجه تسليك
هتحرمي نفسك من كل المناسبات الاجتماعية الي فيها اكل ولا هتحسي باي متعه فيها لو حضرتي
هتبقي ضعيفه وتعبانه وحاسه ان ( حيلك مهدود ) وملكيش رغبة اوا اقبال على الحياة
مهما خسيتي هتبقي حاسه انك طخينة لان تطلعاتك دائما هتروح لبعيد .. يعني دلوقت كل همك تكوني بنت طبيعية والسلام وجسمك نحيف وخلاص لكن بعدين لما نتزلي هيبقى كل تركيزك تبقي هيفاء وهبي .. هتضحكي دلوقت وتقولي لااا انا عاوزه الحد الادني هقولك كان غيرك اشطر كلنا بدأنا بالعملية وقلنا نخس بس ودلوقت الي نزلت وزنها مننا مش بتدور غير على عملية الشد ومنع الترهلات يعني مهما عملت مش هترضي مائة في المائة عن نفسك ..
دي ( بعض ) الجوانب السلبية للعملية اما جانبها الايجابي المضيء الي بيغطي على كل السلبيات فهو ان وزنك لما ينزل هتبقى حياتك حاجه تانية تستحق فعلا تضحي عشانها
هتلبسي حلو وتبقي انسانه طبيعية متثيرش اي نظرات شفقة او استغراب ..
اما عن العملية الي انصحك بيها فيفضل بلاش تحوير اصرفي عنه نظر نهائيا هو نتائجه مضمونه اكتر من غيره لكن اضراره اعلى بكتير .. عامة ابعدي عن اي حاجه فيها قص ورمي .. عن نفسي بنصحك بعمليتي وهي تدبيس المعده حاجه على القد ومفيهاش رمي وممكن التراجع عنها بعد كده بس طبعا بعملية زيها يعني فتح وقفل ..
مش عارفه اقولك استخيري لكن اكيد عندك طريقة تقدري توصلي بيها للقرار الصحيح وربنا معاك يهديك للصواب يارب ..
ه
[رابطة] أصحاب العمليات الجراحية للتنحيف
متابعة النقاش، صفحة 526