شكرا جدا جدا يا ام عتريسه....انا ما تخيلتش حد هيرد عليا
انا بس مشكلتى ان انا عندى 22 سنه و عاءله والدى كلها جسمهم ذيى كده وانا فعلا طالعه لوالدى جدا
غير انى مهدده بالضغط و السكر و الكوليسترول و انا والدى فعلا مريض بكل دول و كمان عمتي اتوفت بارتفاع ضغط مفاجئ :44: :44:
و الاوحش بقى انى مش بخرج ولا بشوف الشارع الا علشان الجامعه و لو كان ينفع ماروحش ما كنتش رحت
غير بقى انى من كتر ما بطلت انزل مع اصحابى اللى من ايام المدرسه نسيونى و بعد ما كان عندى اصحاب كتير مش فاضلى غير صديقتى الانتيم و حتى هى بقت نحيفه و بعد ما كانت 85 بقت 60 و بقيت مكسوفه انزل معاها
و الله انا حياتى مأساه كل اللى اعرفهم نحاف حتى اخوى و امى لدرجه ان كل اللى يشوفنا سوا يقولى مش ممكن دى امك,,انت اللى امها :icon33: :icon33:
انا والله جربت كل الدكاتره و كل الريجيمات و الرياضه و المصيبه انى عمرى ما بخس مع كل ده الا كيلو واحد و برجعه تانى كمان
عملت كل الفحوصات و التحاليل و ما طلع عندى حاجه....و انا والله ما باكل لدرجه انى بقيت (الله يسامحنى) بكره الاكل
و علشان كده خايفه حتى العمليات ما تنزلنى لانى اصلا مش باكل
اسفه طولت عليكى بس ما صدقت فضفضت
انا نفسى بجد اخس لانى مش قدره اعيش كده ... مش هموت نفسى لانى بعرف انه حرام .......بس انا مش هطلع من قوضتى ولا هنزل من البيت و خصوصا لانى مش قدره اسمع التعليقات البايخه من الناس فى الشارع
معلش انا طولت عليكم و كسرت جو المرح و التفاؤل اللى موجود فى الرابطه بس والله تعبت انا حلفت ما انزل الجامعه تانى لأنى نزلت من كام يوم و شويه شباب زفووووونى فى الشارع و احرجونى قدام كل زمايلى
انا مقدرتش احكى الموضع ده لأى حد لأنى بصراحه اتكسفت
فاسمحولى بس انكم تستحملونى افضفض معاكم لانى حاسه انكم حاسين بيا لان مافيش حد حاسس بيا لأن كل الناس دول مايعرفوش يعنى ايه عذاب السمنه لأنهم ما جربوش
اسفه مره تانيه
بحبكم بجد كلكم و بالذات ام عتريسه
[رابطة] أصحاب العمليات الجراحية للتنحيف
متابعة النقاش، صفحة 528