كيف اسوي قهوة الشعير

هلا


شريت قهوة الشعير ولا عرفت كيف اسويها

وانا بصراحه مااعرفها لكن سمعت فيها وقلت اجربها

مين تعرف الطريقه

اشكركم

6 تعليق 29,948 مشاهدة

شاركي في النقاش

سجلي الدخول لإضافة تعليق.

التعليقات

6
  1. هلا أختي نفوذ


    طريقتها سهله ،، وروووووووووووعه أطعم بكثير من القهوة العادية : ضيفي ملعقتين أكل من قهوة الشعير أو ثلاثه الى ثلاث أكواب ماء مغلي وأتركيها تغلي خمس دقائق وبعدين ضيفي الهيل الخاص بقهوة الشعير تشتريه جاهز من العطار من نفس المكان اللي اشتريت منه قهوة الشعير لأنهم عادة يبيعوا بهاراتها معاها أو سويه في البيت افضل ( زنجبيل + قرنفل + زعفران + هيل + قرفه + نانخة بس الأفضل تطحني النانخة لوحدها وتضيفي للقهوة كمية صغيرة جدا بطرف الملعقة لأن مذاقها بيبين بالقهوة وبيلغي لك كل نكهتها ومو الكل بيحب طعمها والكمية من كل نوع تعتمد على ذوقك كثري الزنجبيل أذا تحبيه أكثر أو الهيل ،المهم فنجان لكل نوع ماعدا القرنفل والقرفه نص فنجان ) ، وبعدين ضيفي من المقادير السابقة بعد طحنها ملعقتين أو أقل شوي للقهوة وأتركيها تغلي من خمس الى عشر دقائق .

    يعني كل مدة غليها ربع ساعه أذا كان الماء مغلي من الأول .. ممكن تزيدي بكمية قهوة الشعير أو كمية بهاراتها أو تنقصي حسب ذوقك لانه بيعتمد على اذا كنت تحبي طعم القهوة مبين أكثر أو بهاراتها وبتعرفيه بعد ماتتذوقيه كذا مرة .

    وبالعافيه


    :) :26: واي سؤال أنا حاضرة .
  2. @nfoth

    صاحبة الموضوع
    هلا وغلا بكتله حنان الغاليه

    كفيتي ووفيتي يالطيبه

    شرح تجازين عليه بالخير ثم الجنه باذن الله


    لكن سؤالي بما انك من الرياض مثلي

    وين ألقى الهيل الخاص بقهوه الشعير عند اي عطار بالضبط لو تعرفين طبعا

    ولكِ مني الف شكر

    وكل عام وانتِ بخير
  3. هلالالا نفوذ وعيدك مبارك


    أنا أخذته من عطارة صغيرة عندنا على الشارع ،، لكن هو موجود بعد عند عطار بن منقاش عطارة كبيرة جدا في البديعة عادة كل شيء أدور عليه القاه عندهم ،، والله ياختي ماعرف أوصف مكانه زين بس هو في البديعه وكان لهم كرت عندي برقمهم بادور لك عليه وأعطيه لك أن شاء الله لكن أمهليني حتى القاه

    واذا كنتِ من البديعه بتعرفيه اكيد
    :26:
  4. @nfoth

    صاحبة الموضوع
    هلا اختي

    انا من العليا لكن مافيه شئ صعب على السياره والسواق :)

    بروح البديعه واسأل

    ااااااااااااااااااااااااالف شكر

    الله يحفظك ويحميك ويسعد قلبك

تابعي تجارب أخرى من هذا القسم.