لهذا السبب..رفضت العريس, والله يعوضني خير

مع انه كامل الاوصاف.. من ناحية الوظيفة.. من ناحية الاخلاق و الطيبه.. من ناحية اسم العيلة..مركزه الاجتماعي و حالته المادية الممتازة

الا اني ما ارتحت له..و كنت الوحيدة في البيت الي ابكي و اقول ما ابيه و هلي يقولون ما بيجيك احسن منه.. و اهله ناس فيهم خير و الولد دين و خلووق و طموح و ذكي


لكني في يوم من الايام.. و بعد ما صليت الاستخاااارة كثير.. شفت عنده اكاونت على احدى مواقع الصداقات.. و قامت بنت خالتي و تجرأت ضافته.. ولما شفت صوره بالالبوم ماله انصعقت... اول الصور كانت له و لاصدقاءه.. و صور اخوانه الصغار .. و صور كلها براءة و حنيه.. و بعدين فجأة شفت انه حاط عدد من الصور..فيها يحتضن نساء اجنبيات.. بطريقة تبين انه مرتااح و عااادي جدا ان يلملم بنات مو حلال عليه

استغربت؟ .. وين الدين؟.. وين الاخلاق الي يتكلمون عنها؟

هلي وقفوا ضدي.. وقالوا لي انه اكيد هذا شي عادي بحكم انه يدرس بالخارج.. ف عادي يكون عنده صديقات اجنبيات و هذا نمط حياتهم هناك و اكيد هو هنا بيكون غير


طيب؟.. هو مسلم في بلاده و كافر في بلاد الكفر؟...
هل صار حلال الحين انه يلم بنات اجنبيات؟ حتى لو كانت لمّه بريئة؟ لمة صداقة؟

الكل وقف ضدي و قال لي انتي تكبرين الموضوع لكني قرررت اني ارده على طول و قلت انا حفظت نفسي.. ولا لمست شاب في حياتي و ابي ان الله يرزقني باللي مثلي..حفظ نفسه لمرته و بس....

والحين هلي محسسيني بالذنب و انا الله العالم بنيتي
ارجوكم قولوا لي هل انا فعلا كبرت الموضوع :( ولا تشوفون ان هالشاب ما يصلح لي لانه بايين مذهبه وسيييع * مع ان اهله متدينيين استغربت

ابي منكم دعوه خالصة..ان الله يعوضني خير..لاني بالرغم من مواصفاته قلت حق امي انا ابي واحد متدين قبل كل شي.... فالله يرزقني باللي احسن من مواصفاته الحلوة.. عاجلا غير اجلا..

79 تعليق 5,005 مشاهدة

شاركي في النقاش

سجلي الدخول لإضافة تعليق.

التعليقات

74
  1. @mlk_allyl909

    عزيزتي اسأل الله تعالى أن يعوضك خير منه ويبعد عنك الهم والحزن

    ومن رأييء انت ما غلطتي والي سويتيه عين العقل لان الي سواه مو شي هين
    كيف يتحظن امراءة ماتحل له وين الدين حتى لو البلد الي هو فيه عادي عندهم هالشي
    لكن في رداع ديني يمنعه من هالشي
    هو مسلم والاسلام حرم الخلوه بالاجنبيه وكلام اهلك غلط اننا نقول هو ببلد كفار
    وعادي يصير مثلهم

    عزيزتي انت تركتيه من اجل الله والله بيبدلك خير منه
    من ترك شي لله عوضه بخير منه
  2. @ghym2000

    قرااااار ك سليييييييييييييم وانتي حررره بمصيرك ,,

    وربنا يعوضك بخيرا منه ,,, وان شاء الله راح تلاقين الاجر ,,


    لك تحياتي ,,

تابعي تجارب أخرى من هذا القسم.