تبغي روضه مميزة لطفلك مميزة بشكل مو طبيعي

بعد بحث وتمحيص وفرفرة في النت وسؤال القريب والبعيد وجدت روضة فيها شروطي الي هي:

1 ـ تحفيظ قرآن
2ـ راقية
3ـ مبناها ممتاز

ميزة اخيرة مسبح << ما كانت من شروطي >>
وسجلته وجلست معاه يوم كامل

الحمد لله كل يوم يروح وهو مبسوط

أم الحلوتين و بنت الحنان منورين الموضوع

انا الحمدلله سجلت ولدي في مدرسة مطمنة ومرتاحة ومعروفة سمعتها و باين اصلا لانه ولدي بيجي مررررررة مبسوط و لا يبغى يرجع البيت و غير كده يحب ينام بدري عشان تاني يوم مدرسة حديقة الاطفال في جدة اكيد عارفينها
الفصل فيه 16 طفل والمعلمة مرررة حبوبة و مرة مريحة
المبنى صح مو مرة لانه قديم بس كل شئ تمام و مافيه نقص
الوجبات من المدرسة مقابل رسم شهري 130 ريال و شفت وجباتهم قيمة مو اي يعني مالح و عصير و حلو
المالح (كرواسون-بيتزا -كلوب ساندويتش-مناقيش- ناجيت وبطاطس)الحلو(كاسترد شوكولاته- باسكويت شوكولاته- دونات...) وتجس مغلفة بنايلون ومحطوطة في علبة كرتون ابيض باسم الطالب وفصله
في كل فصل مرافقة تاخد الاطفال على الحمام الله يكرمكم
الباصات الدادا توصلهم لحد باب البيت
المدرسة فيها نظام زي البيان و دار الحنان الطفل مايخرج من المدرسة غير لمايكون مع السائق بطاقة باسم الطفل و الفصل توصل للفصل وتستلمه الدادا وتاخده لحد باب السيارة وتسلمه وتسلم السائق البطاقة تاني
الحمدلله ولدي بيرجع حافظ دروسه والقران
المدرسة فيها قسمين عربي وانجليزي العربي الروضة 7000 والانجليزي 10000
بس الروضة اول بس قسم انجليزي 9000 ريال

بس حافظ جزء عم و هو كي جي ون فين دا؟؟؟
انا ولدي كي جي 2 اخد سورة الفاتحة والناس و الفلق كل اسبوع سورة وله 3 اسابيع بادئين دوام لانه الاسبوع الاول كان تعارف و لعب
اذا تقصدي ممكن مدارس التحفيظ