شاركي في النقاش

سجلي الدخول لإضافة تعليق.

التعليقات

288
  1. @lamar_4

    صاحبة الموضوع
    طيب كيف
    حبيبتي انا تزوجت صغيرة وماجبت شغالة في البداية وماشاء الله حملت على طول وكنت ثالث متوسط لما جبت اول مولود ومع كذا كنت اروح المدرسة واحطة عند عمتي لان امي بعيدة عني انا في مدينة وهي في مدينة المهم واستحملت ماشاء الله تبارك الرحم…
    هلا إختي

    أنا كمان زيك موظفه وحاليا في إجازه بس والله أن إللي شجعني مجموعه من المعلمات ما شاء الله عليهم

    عندهم عيال ومع كذا منظمه وقتها ودايم ماشاء الله شكلها مرتب وكشخه وحركه أحرك منا باين إللي متعود على

    النشاط حتى بناتهم ماشاء الله حيات زيهم وترى معروف الشغالات يعودون على الكسل ..
  2. @lamar_4

    صاحبة الموضوع
    وميض الليل
    لمار الله يسعدك ويجزاك خير شوفي أختي بعيدا عن المثاليات فعلا لابد أن ننظر للأمر بعين الحقيقة وليست العاطفة إذا جبت شغاله راح تفتقدي أشياء وإذا استغنيت عن الشغالة راح تفتقدي أيضا أشياء لكن لازم نسوي موازنة بين الأمور الي بنفقدها في حال …
    هلا والله ..

    لو نتكلم بمساوئ الشغالات و الله ما نخلص !! و ترى كل أللي قلنا و لسى باقي الكثير من مشاكلهن ..

    وترى وحده من أهم مساوئها هي نفسها إللي تطلع في أهل البيت أكلهم و لبسهم و الخير أللي هم فيه

    و عينها عليك أنتي و زوجك وسوالفكم و ضحككم مع بعض و مع عيالكم على بالكم ماهي منتبهه لهالأمور وتقارن !!

    و أنا موضوعي بإختصار أن زيما أحنا عودنا أنفسنا على الشغالات نرجع نعتمد على أنفسنا مره ثانيه و نعطي أولادنا

    جزء من المسوليه معنا و خصوصا البنات إللي طالعات ما يعرفن شي ..

    ويالله أختي نستنى الحلول إللي راح تقدمينها لنا و نستفيد من بعض ..
  3. @fun_time_1

    والله انك صااااااااادقه بكل كلمه قلتيها بس والله ماحدنا عليهم الا المجتمع

    والاخت وردي وموف كفت ووفت

    اللحين كل شي تغيررر بالحياه عشان كذا صرنا محتاجينهم

    زمان الكل ماعندهم شغالات وكل الناس زي بعض لكن اللحين الغااااااااالبيه عندهم وانتي ملززززمه انك تكونين بمستوى اللي عندهم شغاله من جميع النواحي الطبخ والبيت والعيال وكل شي :(
  4. @omyd_allyl

    عدنا :)

    لابد أولا من تحديد أهدافي أعرف أنا وش أبي بالبضبط ؟!
    هل أنا أبي المظاهر أهم شيء ولا عشان أنا محتاجتها فعلا ؟!
    هل الحاجة ضرورية بحيث لو استغنيت عنها راح أتضرر كثير ؟!
    مانوع حاجتي لها بالضبط ؟ هل هو انتباه للأطفال وقت دوامي أو عشان التنظيف وتطبخ لي ولا عشان أرمي مسؤليتي على غيري وأتفرغ لراحتي فقط ؟!

    لاااااااااازم نكون صريحين مع أنفسنا وبعيدين عن إعمال الهوى ووساوس الشيطان وإلا كلنا بنقول احنا محتاجينهم فعلا ..

    نقطة مهمة ( لازم التنازل عن أشياء يكون من الطرفين الزوجة والزوج ) مو الزوجة تتنازل عشان خاطر الزوج مايتغير عليه شيء وتروح تضرر عيالها ونفسها ... لازم نفهم شيعني أتنازل وأضحي .. والشيء لو ماجاء من أول مرة من عشرين مرة .. الزوج لازم يحس بمسؤوليته في البيت بالطيب بالحيلة يفهم يعني يفهم ولازم كل حرمة تدور وش الطريقة الي تفهم فيها زوجها أو مو شرط تفهمه تجعله في وسط المسؤولية عشان يتصرف ويتحرك ..

    << لاتقولون هذي وحدة مقوية وممشية زوجها عدل :) لا والله بس مازلت في محاولاتي ودعواتكم لنا ..
    أنا أقول الصح الي لازم يصير ومو مهم فلانة أخذت فيه أو علانة المهم أنا أسوي الصح وبس ..

    نرجع لموضوعنا بعد مانجاوب عن أسألتنا بكل صراحة سنجد أننا متى نكون محتاجين ؟! ( في حال وجود كبيرة في السن تحتاج لمعاون مع انشغال من حولها ) أو (امرأة مريضة لاتستطيع القيام ببيتها ) غيره ؟!!!!!!!
    هل هي حاجة ضرورية لاااااا إنما حاجة وليست ضرورة ..

    طيب الأشياء الي بنفقدها في حال وجود الخادمة نسجلها ثم نكتب الحلول لكل مشكلة :

    مثلا أنا عندي رجل مايقدر ويقعد لي ع الحبة ليش ذا تأخر وذا ليش ماسويته وذا وذا ... لازم نتكلم مع الزوج مرة ومرتين وعشرين مرة لازم يفهم أننا قدرات وكل انسان يعمل حسب قدرته والتقصير لابد أن يأتي وأنه أفضل من وجود غريب في بيتنا .. بعض الرجال غير متفهمين ويعصبون بسرعة لابد من معاودة الحديث معه واشراكه في المسؤولية يعني متابعة الأولاد (أرسلي أولادك له ) أو مثلا العزايم يعزم برى أو قوليله مشغولة وحددي يوم ممكن تستقبلي فيه الناس في الأسبوع أنا أول كنت استحي بعدين صرت أقولهم ماعندي وقت إلا الثلاثاء استقبل فيه وأحيانا الأربعاء غير كذا لا اعتذر آخر الأسبوع أروح لأهلي والجمعة أطلع أنا وعيالي وزوجي أي مكان يعني مخصص لنا وأقولهم بكل صراحة أنا ماعندي شغالة وأنا أذاكر لأولادي فماعندي وقت ولو بسيط ( لازم نكون جديات مع الآخرين ومانجامل على حساب راحتنا ووقتنا وأولادنا وأزواجنا ) ..

    عندي يوم في الأسبوع لازم تجيب غذاء من برى ( رغم إن هذي بالذات ترفع ضغط زوجي مايحب أكل المطاعم ) بس ذاك اليوم يكون عندي حملة تنظيف شاملة للبيت وقايلتله ماأقدر أسوي كل شيء وغداء بعد ؟!! ) <<< هنا يحس الزوج بالعمل الي تسويه أما تسكتين عشان مايهاوشك لاااا هذا حقك ..

    حتى اشراك الأبناء في العمل جيد ولابد من وضع جدول عشان مايكون عملك عشوائي لشغل البيت وللطبخ عشان ماتنحاسين واشراك جميع الأطفال حسب قدرتهم بعمل البيت يخف عنك بعض الأشياء ويعودهم على تحمل المسؤولية ومايطلعهم كسولين اعتماديين حتى الأولاد ..

    اضافة إلى شراء الأجهزة الي تختصر عليك الشغل مثل غسالة المواعين وغسالة أتوماتيك ونشافة هذي أساسية اعتبرها وممكن اضافة كواية وغسالة سيراميك وسجاد إذا استطاعت ..

    لايكون همك حتى ماأصير بنظر الغير ولو كان زوجك حتى ماأصير بنظره فاااشلة لاااااااااا أهم شيء رضاك أنت عن نفسك ولازم تحسسين زوجك بكل عمل تسوينه عشان يقدر لو بطريق غير مباشر عن طريق الكلام مع الأولاد او مع نفسك ..

    أخيرا قد تكون هناك تنازلات أحيانا من ناحية الوقت الخاص ) ليس دائما تجدين هذا الوقت ) وقد يكون هناك تنازل عن الروحات والجيات لكن لو تذكرنا ان هذي مسؤوليتنا العظمى التي خلقنا من أجلها لهاااان كل ذا في أعيننا لو علمنا مقدار الأجر وحاولنا الاحتساب في كل أعمالنا لأكسبنا الله الرضا والسعااااادة الحقيقية ورضا الزوج أيضا


    أخيرا أيضا نصيحة لاتتكلن على جهدكن كلنا ضعااااااف لنتكل على الله وحده ونحاول على قدر جهدنا حتى أبناؤنا لابد من تخصيص دعوة خااااصة لهم في ثلث الليل إن الله يهديهم ويصلحهم ويعيننا على تربيتهم دعوة خاصة لكل طفل باسمه وإن الله يهجد شياطين الحرك منهم :) صدقووووني للدعاء أثر عجييييييييب لكننا نغفل ...


    قرقرت كثييييير وممكن أرجع أقرر ثاني يمكن :) تحملييييني

    وجزاك الله خير على موضوعك

    نسيت فس قصة أثرت فيني كثير وكل ماتذكرتها يزيد حماسي بعدين أقولها بروح أشيك ع العيال :)
  5. @aayny_amy_oaboy

    اخواتي العزيزات
    لازم كلنا نعمل في بيوتنا ونحتسب الاجر
    كلنا نعرف بان عمل المراه في بيتها كا الجهاد في سبيل الله
    اما من ناحية الضيوف لازم الوحده تكون عندها ثقه في نفسها
    وتعلن شعار الجود من الموجوووووووود
    والي يقدرك عليه ربي سويه
    والي زايرتك بتتفرج على نظافة بيتك بدون شغاله
    خليها تتفرج عين الحسود فيها عود
    والله يحسدون كل الحريم الي ما عندهم شغالات لانهم الرابح الاكبر في الراحه النفسيه
    وهذا اهم شي
    ولاننسى وصية الرسول عليه الصلاة والسلام
    قبل النوم التسبيح 33 والتحميد 33 والتكبير 34 وباذن الله كل شي يتيسر
    وكل شي يهون في سبيل سلامت اجسادنا واولادنا من سحر الشغالات وهمهم
    والله انهم اعداء ما هم شغالات
    واسفه على الاطاله

تابعي تجارب أخرى من هذا القسم.