شاركي في النقاش

سجلي الدخول لإضافة تعليق.

التعليقات

10
  1. مادري وش اقولك حبيبتي بس كانت فيني من حالتك عدم الثقه والحساسية المفرطه والرهاب الاجتماعي هذا كله لاني البنت الوحيده والكبيره والوالده كانت متوفية وتزوجت صغيره وصرت في مواجهه مع مشاكل من كل ناحية المهم كل بني ادم فيه من هالامراض النفسيه بس الواحد يتقوى عليها بالايمان اولا الثقه ثانيا ادري بتقولين من وين اجيب الثقه تعاملي مع نفسك بانك انسانه طبيعيه وانتي فعلا كذا بس فيه ضغوط مرات تاثر على سلوكنا
    اختاري صاحبات اقوياء شخصية عشان تتعلمي منهم الثقه وهذا انا جربته , اوجدي لنفسك بيئه تزيد من ثقتك بنفسك مو تحبطك وتاكدي ان محد كامل بس الكل يبرز ميزاته ويغطي عيوبه ولاتتكلمي عند احد من الناس مهما كان طيب عن عيوبك لانك راح تبرزينها اكثر ويتعامل معاك على اساس انك مريضه واذا لابد من الفضفضه افرشي سجادتك واشكي لربك واذا الوالده موجوده هي خير معين بعد الله فضفضي لها
    وبعدين حبيبتي الارتباك وشوله خليك مركزه على هدفك يعني تطلبين من الشغاله شي خليك مركزه على الشغله الي طلبتيها لا تركزين على نفسك كيف تطلبين وشلون تتكلمين
    وبعدين دايم سمعي لنفسك كلمات فيها ثقه وترفع من معنوياتك واذا على الدفاع عن النفس مو انتي الوحيده الي ماتقدر تاخذ حقها في بعضنا مايقدر لانها مو متعوده او تحط الناس بمكانه فوق مكانتهم وعادي حبيبتي اصلا غريزة الامومه لااراديا بتخليك تدافعين عن عيالك غصب انا مجربتها طبعا ..
    الله يوفقك حبيبتي ويرفع عنك مابك ويخليلك عيالك وزوجك واحتسبي اجر معاناتك واكثري الدعاء

تابعي تجارب أخرى من هذا القسم.