خبيرات الجريش ...

السلام عليكم ورحمه الله وبركاته
حبيباتي بنات حواء
بعلي العزيز دايم يطلبني جريش ولو على كيفيه يوميا سويته :09:
عاد اليوم صابتني ام القرامه قلت يامره حرام عليتس خليه يستانس اليوم وسوي الجريش
واقوم واشمر عن ساعدي وادخل المطبخ واسويه وبعلي العزيز متصروع من الريحه يقول واخيرا باكل جريش:icon28:

<<<طولتيها تراتس :angry2:

الزبده ياطويلات العمر كل شي تمام الا انه الجريش صاير سايل كيف وشلون مدري :(

وش رايكن يابنات وش اسوي والله متفشله من هالمسكين اللي يتحراه على جمر

هل فيه طريقه اخليه يثقل لو شوي ؟؟؟

والله لدعي للي تجاوبني وبخلي بعلي بعد يدعيلها وش تبي اكثر من تسذا :22:

11 تعليق 1,110 مشاهدة

شاركي في النقاش

سجلي الدخول لإضافة تعليق.

التعليقات

11

تابعي تجارب أخرى من هذا القسم.