شاركي في النقاش

سجلي الدخول لإضافة تعليق.

التعليقات

122
  1. @doh_alkran_1

    صاحبة الموضوع
    7- عروق البقوليات


    والعروق هذي من تاليفي واخراجي
    بس بجد لذييييييذه :sm275:

    ونبدا بالخطوات المصوره

    اول شي نقعي البقوليات الناشفه مره مثل الفول والحمص
    والفاصوليا في مويه حاره من الصبح



    وبعدين اسلقيها كلها مع بعض واضفت لها العدس الاخضر بعد




    وبعد السلق تبليها بملح وكمون فقط
    وضيفي لها بصل ورق وبقدونس واخلطيها كويس




    وجهزي عجينة العروق اللي هي كاس مويه ونص كاس دقيق
    وملعقه صغيره بكنج بودر وبيضه وشوي ملح وفلفل اسود
    اخلطيهم زين وصبيهم على البقوليات بهالشكل





    وابدي القلي في زيت غزير وحامي بواسطة ملعقه
    واللي تبي خطوات القلي تلقاها في مواضيعي
    عارفه عجازه ماجبت الصور :db1fed6f23:
    المهم هذا شكلها بعد القلي







    وصوره اقرب للتعذيب



    وعلى فكره طعمها كانها فلالفل ومفيده جدا

    وبالف صحه وعافيه على قلوبكم
  2. @doh_alkran_1

    صاحبة الموضوع
    8- عفيسه التمر اللذيذه

    وفيه احد يسميها القشد الاسماء تختلف لاكن الطعم واحد
    وفيه كذا طريقه لها بعد

    المقادير :كيس تمر على مااعتقد كيلو
    وثلاث اصابع زبده
    وكاس وسط طحين براواقل بيكون واضح بالصوره ان شاء الله
    وعلبة قشطه طازجه

    ونبدا بالخطوات المصوره

    اول شي ذوبي الزبده ولما تذوب وتغلي شوي على نار هاديه
    ضيفي لها طحين بر بهالشكل



    ومقدار الطحين اتوقع واضح بالصوره لين تصير زي البشامل
    وقلبيها شوي تقريبا خمس دقايق على نار هاديه
    بعدين ضيفي لها علبة القشطه




    وقلبيها ثلاث دقايق وطبعا تكونين مجهزه التمر
    معبسته يعني او بمعنى اوضح مخليته من الفصم بهالشكل



    ابدي اضيفي التمر شوي شوي مع التقليب المستمر
    على نار هاديه




    وقلبيه زين بعدين غطيه عشر دقايق بس انتبهي له
    لايحترق خلي النار هاديه مررررره
    وهذا شكله النهائي



    وصوره اقرب للتعذيب



    وياسلام مع القهوه وخصوصا قهوة الظهر
    لايفوتكم عسولات بجد لذيذه ومفيده

    وبالف صحه وعافيه على قلوبكم
  3. @doh_alkran_1

    صاحبة الموضوع
    9- قوالب المهلبيه بدريم ويب الفراوله

    الطريقه سهله جدا لكن الطعم خطيييييييير
    ونبدا بالطريقه مباشره

    اول شي جهزي القوالب وشرائح كيك
    ودريم فراوله وهيرشيز فراوله وحبيبات الزينه



    قطعي الكيك وصفيه في القوالب بالطول بهالشكل



    وصلحي مهلبيه بطريقتك وصبيها على الكيك بهالشكل





    بعد كذا جهزي دريم ويب الفراوله وصبيه بالقمع على المهلبيه
    وزينيه بهيرشيز الفراوله وحبيبات الزينه







    نفسي اعرف ليش هيرشيز الفراوله سايل مره
    مايصير خطوط حتى لو احطه بالفريزر

    والف صحه وعافيه على قلوبكم
  4. @doh_alkran_1

    صاحبة الموضوع
    10- دجاج بتتبيله هنديه

    اول شي صلحي التتبيله اللي هي في الخلاط
    بصل وثوم وبقدونس ونعناع وحبحر احمر حار وطماطم
    وبودرة حليب جوز الهند



    واخلطيهم بهالشكل وتبليهم بالملح والفلفل والببريكا
    والكاري والكركم والزنجبيل والهيل وشوي زبادي



    واطبخي الدجاج عادي لين يستوي
    بعدين طلعيه في صينيه



    وغطيه بالتتبيله من الجهتين بهالشكل



    ودخليه الفرن من فوق لين يتشقر من الجهتين
    وهذا شكله النهائي




    وياسلام مع الرز الابيض بالكشنه




    وبالف صحه وعافيه على قلوبكم


    تم بحمد الله ان شاء الله اعجبتكم الاطباق
  5. @om_firas

    ما شاااااااااء الله أطباق روووعه يسلموووو هالادين يا رب ويعطيكي الف عافيه اختي ما قصرتي:cook:

تابعي تجارب أخرى من هذا القسم.