شاركي في النقاش

سجلي الدخول لإضافة تعليق.

التعليقات

1,988

  1. @lovely_angel_1

    ROSHANA
    شوفى التوحيد والنور او المحل اللى قصاد المنهل مش فاكرة اسمه كنت سالت فيه السنة اللى فاتت وقالى ناس كتير جت سألت غعليها هانعملهالكم السنة الجاية :) انا لفيت السنة اللى فاتت ومالقيتش وفى الاخر جبت من خان الخليلى بلوزة قطن طويلة مقاس سمول ا…
    تسلم ايدك يا قمر
    بجد فكرة العباية الفراشة دى تحفه
    انا هانزل كمان شوية الف تانى بس شكلى كده هجيب قماش واعمله عباية عجبتنى اوى فكرة الفراشة دى
    هو محل ابرة فتله فين بالظبط وممكن الاقى عنده قماش وللا اجيب منين
    جزاك الله خيرآ

  2. @lovely_angel_1

    فى حد سمع عن شارع اسمه العزيز بالله فى واحده قالتلى ممكن الاقى هناك عبايات
    بس هى مش متأكده وخايفة اروح المشوار وماالاقيش

  4. ربنا يكرمك يا روشانا انا لسه كنت هسال على عبايات الاطفال لاننا كمان عندنا حفلة حج

    شفتي بقى سبحان الله ربنا كريم


    على فكرة يا روشا شيكي على الخاص بعتلك امبارح والنهاردة ومردتيش

  5. @almlk_alromansy

    miro
    ربنا يكرمك يا روشانا انا لسه كنت هسال على عبايات الاطفال لاننا كمان عندنا حفلة حج شفتي بقى سبحان الله ربنا كريم على فكرة يا روشا شيكي على الخاص بعتلك امبارح والنهاردة ومردتيش
    موضوعكم اكتر من رائع
    من الصبح وانا عمالة اقرا واسجل ملاحظات
    واسمحولي أتدخل وافيدكم بخبرتي الفظييييييييعة في كل حاجة
    انا باحس اني مختلفة عن الناس كلها شوية لسببين:
    أولا انا نادرا ما ادور على أحسن حاجة أو أرخص حاجة
    يعني أجرب حاجة لو عجبتني يبقى خلاص هي دي أو ممكن أجرب حاجتين تلاتة بالكتير
    واللي تعجبني فيهم تبقى هي دي
    واسمع من الناس ان فيه حاجات تانية أحلى وأرخص ومعرفش إيه لكن انا مش باعرف ألف كتير ولا ليا في اللف انا وجوزي
    وكمان باتعود على الحاجة اللي انا باجيبها
    ثانيا باحس اني يا إما عندي حول يا إما الناس كلها عندها حول
    لأن معظم الحاجات اللي بتعجبني بالاقي ناس كتير مش عاجباها أو مش عليها إقبال
    يعني تقدروا تقولوا انا بابقى الزبونة الوحيدة
    والحكاية دي اتكررت في حاجات كتير جدا معرفش ليه
    وهاقولكم على شوية أمثلة بسيطة:
    بالنسبة للكوافيرات
    بعد اللف على كوافيرات كتير جدا جوه وبره اكتشفت كوافيره وميكب ارتيست هايلة اسمها زيزي في شارع الطيران فوق مصر للسودان
    هي اللي عملتلي مكياجي في الخطوبة والفرح
    لكن ملهاش زباين وباحس ان مش عليها إقبال
    وناس كتير معجبتهاش حتى صاحبتي اللي راحت معايا يوم الفرح اتغاظت منها معرفش ليه
    مع اني باحس ان إيدها حلوة جدا في المكياج فنانة بجد
    بالنسبة للكباب
    انا لقيتكم بتتكلموا على كبابجية كتير مشفتش حد جاب سيرة محمد الرفاعي بتاع ميدان السيدة
    بالنسبة لي هو ده الكباب وأي حاجة تانية يبقى لعب عيال
    لأ بجد الكباب بتاعه تحفة فعلا ولحم صافي ومضمون وكمان هو عارفنا وبيجبلنا طلب وصاية
    ومع ذلك فيه ناس اعرفهم برضه معجبهمش وناس كتير متعرفوش مع انه مشهور جدا
    وفيه واحدة قالتلي انها بتعمل الكباب في البيت أحلى منه
    بالنسبة للهدوم
    فيه محل تحفة كان في أول شارع البطراوي بتاع جنينة مول اسمه موديلينا
    المحل ده انا مجهزة منه وانا باتجوز واشتريت تلات ارباع حاجتي من هناك
    هدوم خروج - ملابس بيت - ملابس داخلية - لانجيريهات وحتى الطقم بتاع كتب الكتاب وأسعاره كانت حلوة جدا
    لكن المحل ده برضه مكانش له زباين معرفش ليه لدرجة اني لقيته قفل وفتح مكانه بريوني للمحجبات
    ونفس الحكاية بالنسبة للمحل اللي اشتريت منه فستان الفرح (ماي ليدي)
    الفرع اللي اشتريت منه في السراج مول قفل وفتح مكانه حاجة تانية مع انه كان عاجبني جدا
    فيه حاجة كمان عبيطة بس هاقولكم عليها برضه
    بالنسبة للزبادي
    فيه ماركة زبادي حلوة عجبتني اوي نزلت السوق السنة اللي فاتت اسمها زبدبد عبارة عن زبادي بالكريمة بنكهة الفواكه
    هو بس مشكلته اني باتكسف اقول اسمه للبياع في السوبرماركت (واحدة زيي وهتروح تقول للراجل عايزة زبدبد:)
    ومع ذلك الزبادي ده مش بالاقي محلات بتجيبه أصلا وشكل المنتج ده كده فشل واتشال من السوق
    وكل ما اقول لحد عليه يستغربني اوي ويقولي زبدبد إيه الكلام الفاضي ده يع زبادي بالكريمة؟!
    استنوني هاقولكم على بقية عصارة خبرتي بس آخد نفسي شوية

تابعي تجارب أخرى من هذا القسم.