ابقولكم قصة امي من يوم انولدت للحين !! يمكن ارتاح شوي
متابعة النقاش، صفحة 5
شاركي في النقاش
سجلي الدخول لإضافة تعليق.
التعليقات
114- لا حول ولا قوة الا بالله
- الله اكبر الله اكبر الله اكبر
- الله أكبر ، الله أكبر ، لا إله إلا الله ، والله أكبر ، والله أكبر ، ولله الحمد
- صاحبة الموضوع #25377653عاشت امي بجحيم بمعنى كلمة جحيم وحنا معها كبرنا شوي وبدينا نفهم
ونحس بالظلم والقهر خوالي اخوان امي من الام ما كانوا يحبون امي لانها
مو شقيقه ولا يشوفونها الا اندر من النادر يعني ما كان لنا عزوه ولا سند
لنا عم واحد ولا يحبنا ولا يدافع عننا انفتن بزوجته الصغيره ماصار يشوف بالدنيا
غيرها وغير عيالها مالنا حظ عند جدتي كانت تحب اخواني عيال زوجة ابوي
لانها تحب امهم اختي الكبيره ما نعتبرها اخت واخوي اللي اصغر منها يكرهنا
ويطقنا ويرعبنا يوم كبرنا وصرنا بنات بسن المراهقه عذبنا وحجرنا بالبيت انا
واختي اللي اكبر من واللي اصغر مني يطقنا يمنعنا من الزيارات يمنعنا من
لبس اي شي نبيه متحكم بلبسنا يخلينا ننام متى مايبي ونصحى متى مايبي
منكد عيشتنا وامي منقهره علينا وعلى نفسها بس مالها حيله اقسم بالله الذي
لا اله الا هو ان حياتنا عذاب بعذاب كل شي ممنوع عندنا وياليته على كذا
كل حياتنا خوف ورعب من جبروته ...
كل هالفتره كنا في نفس البيت جدتي وامي وزوجة ابوي تفرقنا يوم كان عمري
عشر سنوات زوجة عمي في بيت وامي وزوجة ابوي في بيت واحد !!!!!!!
الله يسامحك يا يبه صار البيت مشترك بيننا حنا وياها كل وحده لها جزء هي
وعيالها صارت زوجة ابوي كل يوم تطلع اغراضنا من غرفه تخصنا وتحط اغراض
لها مع اننا اكثر منهم عدد ولا احد يحرك ساكن ؟؟؟
اخوي المتسلط علينا سافر ورجع وهو زي المجنون تصرفات غريبه وصار خطر
علينا اكثر من قبل اخذه ابوي لاكثر من شيخ وكلهم يقولون مسحور ؟؟
خلاه ابوي يأس انه يبي يطيب ويرجع زي قبل وللاسف خلاه عندنا يطق
ويصرخ ويرعب ولا احد يحرك ساكن عند بنات وعيال صغار لاحول لهم ولا قوه!!!
يطق على كيفه ولا احد يرده ياخذ ملابسنا ويحطها بكيس زباله ويرميها بالشارع
يشوف غدانا والا عشانا على الفرن وياخذه ويكبه بالزباله ؟؟
منعنا من التلفزيون يفصخ ملابسه ويمشي عندنا بدون ملابس ولاحد شاف له
حل محجورين عنده لانزور احد مع اننا مالنا احد ولا نروح زواجات ولا نسافر
فقط من المدرسه للبيت ومن البيت للمدرسه سنين طويله على هالحال
على عكس اختي من ابوي زيارات وزواجات وكشتات مع امها وخوالها وحنا
محرم علينا هالشي ..
والادهى والامر ان مالنا احد خلاص لا قرايب ولا عم ولا خوال اقسم بالله
كان امي اجنبيه مالها احد ابد ابد ماحد يسأل عنا ولا احد يزورنا ولا ينادينا
محبوسين من يوم كنا بزران لحد ما تزوجنا ...
تعقدنا وبين هالشي بشخصيتي انا وخواتي انطوائيين ساذجين مانعرف نتعامل
مع الناس مانعرف نتكلم ما ناخذ حقنا من احد طلعنا على امي بهالشي ......
تزوجت اختي الكبيره وراحت بيت زوجها واستمرت علاقتها بزوجة ابوي تزورها
وتكلمها ويزورون الناس مع بعض وامي لااااااااااااا مالها فيها اي علاقه بستثناء
الزياره تزورنا يمكن تخاف من كلام الناس و زوجها ...
واخوي اللي اصغر منها مازال مريض ومازال خطر علينا ومخلينه معنا في نفس
البيت على ان الكل يدرون انه خطر علينا كثير يطق امي ويطقنا وكثير رفع علينا
السكاكين واذا علمنا ابوي قال قفلوا عنه المطبخ !!!!!!!!!
وكل قرايبنا منتقدين ابوي ويهاوشونه يقولون وشلون تخليه عند بناتك وهو ولا همه ...
والله العظيم فيه كثير تفاصيل تعور القلب بس خلوها على الله ....
امي بحكم الحياة البائسه اللي مرت فيها كانت تعتقد ان الناس كلهم احسن
مننا وان اي احد بيخطبنا بيكون له فضل علينا انا و خواتي حتى زوجات اخواني
دائما تحس بالنقص بدرجه ماهي طبيعيه مع اننا انا وخواتي الحمدلله الكل يشهد
بجمالنا وهدوئنا وحسن تعاملنا بس الله يهديها مدري ليش تحس بنقص فظيع ...
امي يوم تولد اخر اخ لنا اخر العنقود ماحملت بعدها على انها صغيره وتوها على
انها توقف عن الحمل لكن زوجة ابوي الله يسامحها قالت لامي كلمه للحين ترن
باذني قالت انتي ما تتعبين من الحمل والولاده بعدها امي جاها احتقان بالدوره
وتعبت وعالجت بمستشفى الحمادي بدون فايده واستغربت الدكتوره بطن امي
كل ماله يكبر بشكل غريب ومن هذاك اليوم وامي مريضه ولا نزلت عندها الدوره
ولا مره من بعد هالكلمه وطاحت مريضه على فراشها واهملت نفسها الله يهديها
ولا كان في بالها انها ممكن تكون عين صارت تعالج بالمستشفيات بدون اي فايده
ومره كانت زوجة ابوي مسافره يوم رجعت وجلست يومين وهي ما شافت امي
وصدفه شافتها بالحوش قالت ليش ماجيتي تسلمين علي ؟؟؟
قالت امي الله يعين على هالدنيا قالت لها وش يعين عليه لا عندك شغل ولا
مسك مرض والله العظيم ان امي طاحت وانكسرت رجلها وقعدت ثلاث شهور
بالجبس ؟؟؟ حسبي الله ونعم الوكيل
يتبع.......... - UP
مواضيع مشابهة
تابعي تجارب أخرى من هذا القسم.