السلام عليكم
اهلا يا بنات مبروك علينا الملف الجديد
انا متابعاه من الاول بس كنت تعبانه الفتره اللي فاتت الحمد لله حاليا احسن الحمد لله
انا الاول راءي اننا منعملش موضعين انا قريت لميرو و عطر اننا نتكلم هنا عن الروحانيات و هناك عن اليوميات الدنوينه
و انا باقول اوعواااااااا تعملوا كده
احنا كده بنعمل زي ما كل الناس فاهمه ان الدين حااااااااجه و الدنيا حاجه تانيه خالص
احنا بنقول يوميات و اليوم بيبقي فيه كله اكل و شرب و تجميل و نوم و دين واطفال و زوج و و و
يبقي لازم كده و نعود اولادنا كده ان الدين و الدنيا واحد
نعمل كل حاجه بنيه الاحتساب لوجه الله
اليوميات بتاعتي انا مش باعرف اكتب اوي في اليوميات و يمكن لان كل واحده ظروفها مختلفه هن التانيه او يمكن هو طبع ما اعرفش:)
المهم انا عايزه ارد عن موضعين الاول
اولا سها الملكه الرومانسيه ( و قبل ما انسي سها زوجه مضريه جازاكي الله خيراااا علي اللينكات اللي انتي حطيتها (
لو بصيتي كويس هتلاقي ان معظمنا كان زيك و لله الحمد ربنا من علينا و اكرمنا من فضله
هاقولك جمله اتقالتلي من سنين علي موضوع الصلاه و لحد الاااااااااااان لا يمكن انساها و باعلمها لبناتي
ان الصلاه طبعا كلنا عارفين الكلام العادي اللي هوه انها عماد الدين و اخدناها في الحديث _ بني الاسلام علي خمس_ بس الكلمه اللي هاقولك عليها ان الصلاه دي من الصله
يعني صله بينك و بينك ربنا
يعني انتي العبد الضعيف اللي لا حول له و لا قوه بيعمل صله بينه و بين ربنا كل يوم علشان هو ميقدرش يعييش لوحده في الدنيا لانها صعبه عليه اوي
تخيلي بقي ان انتي ربنا سامحلك اصلا انك تعملي بينه و بينك صله و انتي بترفضيها
يعني معناها اننا مستغنيين عن ربنا استغفر الله العظيم و لا مغتريين بقوتنا او مالنا او علمنا
و اول ما نقع في مشكله نجررررررررررررري علي ربنا و نطلب منه العون
طيب يعني ازاي و انتي اصلا مش عامله الصله دي
انا و الله الكلام ده اتقالي بالحرف الواحد و ربنا يجزيها الخير اللي كانت السبب فيه و مزعلتش منها و اوعي تزعلي مني
بس لان الفرق رهييييييييييييييييييييب بعد ما تصلي و تنتظمي هتيجي تقوليلي الفرق فعلا
و الكلام و الله ليا و لينا كلنا قبل ما يكون ليكي لوحدك
نيجي بقي لحبيبه اوسو
بصي يا قمر لو تفتكري احنا بنتكلم في موضوعك من امتي؟
من الجزء الاول للموضوع صح
و لسه انتي ماخدتييش قرار
و متزعلييش مني احنا مين اللي هناخدلك القرار؟
احنا بنجبك و بنتمنالك الخير بس منعرفش ظروفك
انتي الوحيده اللي تقدر تاخد القرار ده
اقعدي مع جوزك و مع نفسك و مع مامتك لو ساكنه جنبك
ادرسي الموضوع من الناحيه الماليه و راي الزوج و ازاي
هتقدري تنظمي البيت
يعني من اول هاجيب واحده تساعدني في تنظيف البيت و اسمها ايه :)و هتاخد كام لحد هاشتري الخضار منين و اوضبه امتي و اعمل اكل ايه كل اسبوع و و و
الموضوع عايز تخطيط و مش حرب علشان متتخضيش
فاهماني
الانسان مش بياخد كل حاجه
لو فضلتي تاخدي في اراء الناس كل واحد هيقولك علي حسب رايءه
انا مثلا هاقولك كملي لاني متاكده ان انتي منظمتييش وقتك صح من الاول بس
يعني رائي ان الموضوع تنظيم وقت
و انا باقول عن تجربه لاني جربت الماجستير مع النبتشيات مع بيبي و كنت حامل
و حاليا الدكتوراه مع طفلين و لوحدي ( معايا ربنا الحمد لله) و تعبانه فعلااااااااا مش بانكر بس باحاول و لكل مجتهد نصيب يارب
لو اخدتي راءي اختي انا مثلا هي مهندسه و بتشتغل بس لظروف و هتموووووووووووت و تبطل شغل و رايءها ان انا انسانه معقده و غاويه وجع قلب و محدش بيقعد يذاكر طول عمره:)
محدش قال ان الموضوع سهل بالعكس صعب بس انتي تقدري تكمليه و لا لاء انتي الوحيدهه انتي و جوزك اللي تقرري
بس علي شرط تبقي عارفه انك هتيجي علي نفسك يعني لازم الزوج و الاولاد و البيت يكونوا تمام يعني مثلا مش
متعملييش اكل او البيت مش متوضب و تقولي جوزي يستحمل:09:
لاء مش هيستحمل لكن لو انتي نظمتي وقتك و ظبطتي كل الامور دي هتلاقيه بيساعدك لانه شايف انك مجتهده و عارفه ان اولوياتك هما بس طموحك انك تدرسي
و حاجه كمان مين اللي خلاكي توقفي حفظ القران
شفتي ادينا فصلنا الدنيا عن الدين تاني
يا بناااااااااااااااااات لو عايزيين تخفظوا قران في موقع منهج و موقع بطاقه دول عاملين حلقات للستات في البيت عن طريق الياهو و فيها مواعيد من اول 8 الصبح و 9 و 3 العصر و في 10 بالليل
يعني ايه تاني فاضل انا للاسف و لا ميعاد مناسبني علشان فرق التوقيت و باحضر معاهم كل ما تسمح الظروف بس مشتركه في منتدي تاني اسمه طريق الحقيقه
اشتركي معاهم و محدش يقولي العيال و دوشتهم الناس كلها اللي داخله ستات بيوت و عندهم عيال و بنسمع الدوشه و العياط بس عادي
و انا اساسا باحفظ زي السلحفاه سوره مثلا في الاسبوع من السور القصيره بس اهوه باجاول باستماته اني احافظ علي الصله بيني و بين ربنا
تعبت
يارب تكونوا بخير و ميكونش كلامي تقيل لان دي شخصيتي جامده انا عارفه:)
تعالى نظمى حياتك من الأول معانا فى قعدة الستات!!
متابعة النقاش، صفحة 16