تعالى نظمى حياتك من الأول معانا فى قعدة الستات!!
متابعة النقاش، صفحة 61
شاركي في النقاش
سجلي الدخول لإضافة تعليق.
التعليقات
771ام البنات المصرية ماما زوزو كلامك رائع برغم انى عيشة كل كلام سجى لانى جوزى وحيد وامه رحمها ووالدة لم يحملوه اى مسؤلية غير انى اتربيت فى بيت امى متحفظة جدا فية صعبة لم تعلمنى كيف التعامل مع زوجى ورغم انى زوجه من 17 سنة اكتشفت بعد دخولى الموقع بالتقصير 180 در…
ام البنات
انا أمي معلمتنيش أي حاجة في الحياة
وانا للأسف كنت مستسلمة للحالة دي لحد وقت قريب جدا
لكن قررت اني مش هاستسلم ليها أكتر من كده
انا ربنا خلقلي عقل وإرادة وهاتحاسب لوحدي يوم القيامة
يعني لازم أعتمد على نفسي وأبني نفسي بنفسي
وكلنا أول ما دخلنا هنا حسينا بالتقصير ويمكن انا أكتر واحدة فيكم
لكن ده ميمنعش اننا نفضل نتعلم لحد آخر يوم في عمرنا
ربنا يعينك في موضوع الشغل والمواصلات
لكن هي الحياة كده وكلنا ظروفنا صعبة بشكل أو بآخر
وافتكري دايما ان ما لا يدرك كله لا يترك كلهfemal السلام عليكم ورحمة **** وبركاتة مش عارفة اقول اية غير انى اول مرة فى حياتى اكتب فى النت اى مشاركة ومش عارفة بجد هاتوصل ولا لآ ومش عارفة لو اشتركت معاكم فعلا هاتغير ولا هيا هيا انا من زمااااااااان وانا مدمنة عالم حواء من سنة 2003 وكان نفسى …
فيميل
اهدي كده ووحدي الله
احنا أكيد بشر زينا زيك مش عفاريت مثلا
وحكاياتنا بجد مش خيال
لكن أكيد احنا ناس مش مثاليين
لأن ببساطة مفيش حد مثالي
احنا بنيجي هنا نتكلم عن يومياتنا...عن نفسنا وطموحنا وأحلامنا وأهدافنا
وأحيانا عن إحباطاتنا وفشلنا وعيوبنا
يمكن بنركز على الإيجابيات أكتر من السلبيات لأن الهدف هو التشجيع مش الإحباط
ويمكن كل واحد لما بيدخل على النت بيظهر أحلى جوانب شخصيته أو الشخصية اللي نفسه يكونها
لكن ده مش معناه طبعا اننا من غير عيوب
انتي بنفسك هتكتشفي عيوبنا لما تقعدي معانا فترة
وأول عيب عندي اني رغاية جدا :D:D:D
وانتي هتتغيري لما تقرري انك تتغيري
والصحبة الطيبة بتبقى عامل مساعدالملكة الرومانسية ام البنات انا أمي معلمتنيش أي حاجة في الحياة وانا للأسف كنت مستسلمة للحالة دي لحد وقت قريب جدا لكن قررت اني مش هاستسلم ليها أكتر من كده انا ربنا خلقلي عقل وإرادة وهاتحاسب لوحدي يوم القيامة يعني لازم أعتمد على نفسي وأبني نفسي بنفسي وكلنا أو…
femal السلام عليكم ورحمة **** وبركاتة بجد متشكرة قوى على الردود الحلوة وبجد مش مصدقة نفسى ان الرسالة وصلت وكمان رديتو انا فرحانة زى الطفل الصغير لما بيفرح بلبسة الجديد فى العيد وعمالة اقرا الرد كذا مرة مش مصدقة نفسى هااااااااااااااا اعرفكم بنفسى…
واضح ان كلامنا هيطول مع بعض
الغربة أكيد ليها دخل كبير في الموضوع
سواء الإحباط أو التقوقع أو ضعف الإرادة أو ضعف الإيمان أو ضعف العلاقة بالزوج
كلنا محتاجين بطاريتنا تتشحن من وقت لآخر سواء الإيمانية أو الزوجية وكل حاجة في حياتنا
لكن قبل شحن البطارية
لازم يبقى فيه هدف كبير وخطة واضحة لتنفيذ الهدف
على فكرة انا كمان فرحانة بيكي زي الطفل الصغير لما بيفرح بلبسه الجديد :arb:
يعني مش انتي بس اللي فرحانة
واضح انك ما بتتكلميش كتير وكتومة بطبعك
وكون انك قررتي تخرجي من حاجز الصمت وتكتبيلنا وتحكيلنا عن نفسك
ده في حد ذاته مؤشر كويس جدا
استنيني علشان هارجعلك تاني مخصوصســــجى الليل السلام عليكم يا جماعه ... بالنسبه للموضوع اللي اتكلمنا فيه الصبح ... انا بتكلم بشكل عام وعن تجربه ومن واقع قضايا ومشاكل اتعرضت عليا في فتره من فترات عملي ... لمست فيها قد ايه المجتمع ممكن يظلم المرأه ويحملها الخلل في اي بيت ولمست مقدار تحا…
سجى واضح ان فيه سوء فهم حصل امبارح
انا لما اتكلمت عن تدليل الزوج
مكنتش اقصد إطلاقا الموضوعات العجيبة اللي باشوفها في المنتدى ولا خطرت في بالي
انا كنت اقصد الإحسان للزوج لو كنتي عايزة تسميها كده
ماشي يا ستي نمشيها إحسان للزوج
لكن اللي بتقولي عليهم رومانسيين رايقين
دول ناس تانية خالص غيرنا
لاحظي كده الموضوعات اللي بتتكلم عن الليالي الحمراء والخضراء والصفراء المعمولة مخصوص للزوج
عمر ما هتلاقي حد مصري اللي كاتبها
كلهم بيبقوا سعوديين أو خليجيين
ده مش انتقاص من قدرهم أبدا
لكن هم حياتهم وتفكيرهم غيرنا
أولا هم مش مطحونين في الشغل زينا
ثانيا فلوسهم كتير (ما شاء الله علشان الحسد)
ثالثا وقت الفراغ عندهم كبير والشغالة دي شيء عادي جدا واللي معندهاش شغالة هي الاستثناء مش القاعدة
رابعا مهددين في كل وقت بالزوجة التانية ودي ثقافة مش عندنا كمصريين خالص
كل حاجة تحصل تلاقي النصايح اشتغلت
اعمليله كذا وإلا يروح يتجوز عليكي
طيب ولو الزوجة التانية معملتش هيروح يتجوز واحدة تالتة تاني يوم؟
ولو التالتة منفعتش هيروح يتجوز واحدة رابعة؟
سبحان الله كأن الجواز التاني والتالت ده شكة دبوس
ميعرفوش ان ده عبء ومسئولية هيتحاسبوا عليها يوم القيامة
والراجل لما يبقى يدي لمراته الأولى حقوقها الأول يبقى يفكر يتجوز تاني وتالت علشان يعرف يعدل بينهم
انما هيعدل ازاي وهو مش بيدي الأولى حقوقها أصلا؟
انا دخلت في موضوع جانبي وده مش موضوعنا
انما كان لازم أوضح سوء الفهم اللي حصل
مواضيع مشابهة
تابعي تجارب أخرى من هذا القسم.