الرد للاخوات الامارتيات .. اشكركن على تفاعلكن النبيل .. ولكن اخطاتن في التنبيه والتعقيب ..
اذا السعوديه فيها ناس تشتغل اشغال اضافيه ماهو عيب؟؟؟ (( وبكل دول العالم حضارة فيها هذا الشيء ))
واحنا من طبعنا الكرم والجود ..نحب نكرم الضيف ونسوي علوم الرجال والتقاليد العريقه من ذبح خرفان وصب العسل والسمن في قدور ماهو صحون .. وعشان كذا الواحد مايكفيه راتبه عشان يبيض الوجه .....
فالواحد الدخل مايكفيه يصرف على الكرم وعلى عائلته فيظطر للعمل الاضافي عشان يرضي ضيوفه ويشرف وجه قدام الناس ويسعد حاله وحال اهله ..وماهو عيب اذا الواحد يشتغل شغلتين والا ثلاث بعد ...
اعرف ناس عندهم ملاييين وعلى كذا تلاقينه يافاتح مكتب عقار والا فاتح بقاله والا فاتح حلاق ويقول عادي واولهم زوجي راتبه ماشاء الله عشرون الف وعلى كذا يعمل في التجاره الحره ( ماهو عيب )...
واذا سالناه ليه ايش يقول .... يقول زهقان ابي اشغل نفسي ..
واللي يشتغلون على السيارات تلاقينهم متقاعدين ويبون زياده عمل اضافي وتلاقين عيالهم ماشاءالله وظائف وبخير ونعمه .....وان وجدتي نماذج معينه من الشعب هكذا ماهو معناه اننا في فقر مدقع ..
انتي تجين للعمره والحج ...... طيب مالفت نظرك وشلون الحرم وشلون التوسعه وشلون كل شيء متوفر والحمدلله الدوله ماقصرت .. مالفت نظرك الطرق مالفت نظرك وشلون المواصلات والعمائر الهائله ناطحات السحاب ..مالفت نظرك كم نحن بخير ولله الحمد ..
يوم جيتي شعرتي بالجوع مالقيتي ماء ولا اكل ولا تمر بالحرم ..يوم جيتي شعرتي بالخوف والا امور اخرى ..
انا ماانكر انه مافي فقر .. لكن ماهو معناه ان الحكومه باخله عليهم والا مقصره.. يروحوا طيب ويطلبوا منهم وش مانعهم..ماراح يقصر ابو متعب وابومحمد ووووالخ
والحمدلله الان مشاريع الاسكانات الخيريه بدات بتوزيعها لذوي الدخل المحدود والمتوسط وللارامل والمطلقات ..
الحمدلله عندنا طرق عجيبه ورهييييييييبه عندما زارنا الوفد الياباني قبل كم سنه ذهلوا من هذه المشاريع العملاقه
والله الحمدلله اغلب السعودين عايشين في نعيم وماشاء الله تعالي شوفي الفلل والعمائر والابنيه تجنن ..ومن هم اصحابها كلهم ناس عاديين وظائف متوسطه ولهم من العائله ماشاء الله ..
نحن يالسعودين نبي الكماليات وليس الاساسيات ...الاساسيات موجوده ولله الحمد ..
لكن نبي الكماليات .. والله اعرف ناس وظائفهم عساكر وجنود يعني رواتيهم على قدهم وعلى كذا يتزوج مره ومرتين
وتدرون ليش ؟؟ لانه عارف انه راح يقدر يصرف عليهم من توفير كل شيء ببلادنا من خير ولله الحمد..
تعالي شوفي المدارس كل شيء مجانا ..الكتب متوفره وباشكال جديده سنويا ومعلومات جميله ..والحمدلله
تعالي شوفي التعليم الداخلي الحمدلله كله فهم وادب ...
والاسواق كل سوق احلى من الثاني ..
تعالي شوفي وشوفي ..
والله اني كاني بدولة اروبيه ولله الحمد ..
اختي راحت العام سوريه ويوم رجعت للسعوديه تقول كاني دخلت امريكا بالنسبه لي وقبلت ارضها شكر وعافيه ..
وانا مره وانا بمطار الرياض راجعه من احدى الدول .. والله سجدت شكرا لله ارضا امام الجميع ...
عندما وصلت ارض بلادي وانا بخير وبصحه وعافيه ..
اقول ايه والا ايه .........
واخيرررررررررررررررررا ..
ومهما تكون الظروف فانا لا اريد الا تراب وطني ..ولا ابايع غير ال سعود حكام لنا وعلينا ..
انا في بلدي اكل من ترابها واتلحف من شتاءها واتنسم من حرها واتعطر من مطرها واتنعم من غيومها واتسلى بمدنها الرائعه ..واتزين من جمالها واكيد فيها العذال من يكرهها ...
فهل انا غير سعيده بعد هذا كله ......... :27:
لا والله والف لا اننا سعيدات طول ماحنا ببلدنا ونعيش فيها الله يديمها من نعمه وخير وسعاده على كل المسلمين ..
ويخلي لكل ناس بلدهم وعزتهم ..وينصر العراق وفلسطين ويرجعون لبلادهم فرحين سعيدين ..
لكم كل الشكر .. وارجوكم ...الا وطني لااحد يحاول تشويه صورة بلدي لاني ماراح اسكت عن حق بلادي ..
مع التحيه .
اشكر الاخت b&d
واذا قيل لهم لاتفسدوا في الارض قالو انما نحن مصلحون , الا انهم هم المفسدون ولكن لايشعرون , واذا قيل لهم ءامنوا كما امن الناس قالوا انؤمن كما ءامن السفهاء الاانهم هم السفهاء ولكن لايعلمون, واذا لقوا اللذين ءامنوا قالوا ءامنا واذا خلوا الى شياطينهم قالوا انا معكم انما نحن مستهزءون , الله يستهزئ بهم ويمدهم في طغيانهم يعمهون , اولئك اللذين اشتروا الضلالة بالهدى فماربحت تجارتهم وماكانوا مهتدين , مثلهم كمثل اللذي استوقد نارا فلما اضاءت ماحوله ذهب الله بنورهم وتركهم في ظلمات لايبصرون ,صم بكم عمي فهم لايرجعون )
حسبي الله ونعم الوكيل
اللهم رد كيده في نحره
إن إحباط مظاهرة الفقيه يبدأ بالجميع حكومة وشعباً فكن مساهماً بعدم خروجك حتى لاتزيد
متابعة النقاش، صفحة 10