إن إحباط مظاهرة الفقيه يبدأ بالجميع حكومة وشعباً فكن مساهماً بعدم خروجك حتى لاتزيد

متابعة النقاش، صفحة 10

شاركي في النقاش

سجلي الدخول لإضافة تعليق.

التعليقات

59
  1. @ghym2000

    الرد للاخوات الامارتيات .. اشكركن على تفاعلكن النبيل .. ولكن اخطاتن في التنبيه والتعقيب ..

    اذا السعوديه فيها ناس تشتغل اشغال اضافيه ماهو عيب؟؟؟ (( وبكل دول العالم حضارة فيها هذا الشيء ))
    واحنا من طبعنا الكرم والجود ..نحب نكرم الضيف ونسوي علوم الرجال والتقاليد العريقه من ذبح خرفان وصب العسل والسمن في قدور ماهو صحون .. وعشان كذا الواحد مايكفيه راتبه عشان يبيض الوجه .....

    فالواحد الدخل مايكفيه يصرف على الكرم وعلى عائلته فيظطر للعمل الاضافي عشان يرضي ضيوفه ويشرف وجه قدام الناس ويسعد حاله وحال اهله ..وماهو عيب اذا الواحد يشتغل شغلتين والا ثلاث بعد ...

    اعرف ناس عندهم ملاييين وعلى كذا تلاقينه يافاتح مكتب عقار والا فاتح بقاله والا فاتح حلاق ويقول عادي واولهم زوجي راتبه ماشاء الله عشرون الف وعلى كذا يعمل في التجاره الحره ( ماهو عيب )...
    واذا سالناه ليه ايش يقول .... يقول زهقان ابي اشغل نفسي ..

    واللي يشتغلون على السيارات تلاقينهم متقاعدين ويبون زياده عمل اضافي وتلاقين عيالهم ماشاءالله وظائف وبخير ونعمه .....وان وجدتي نماذج معينه من الشعب هكذا ماهو معناه اننا في فقر مدقع ..

    انتي تجين للعمره والحج ...... طيب مالفت نظرك وشلون الحرم وشلون التوسعه وشلون كل شيء متوفر والحمدلله الدوله ماقصرت .. مالفت نظرك الطرق مالفت نظرك وشلون المواصلات والعمائر الهائله ناطحات السحاب ..مالفت نظرك كم نحن بخير ولله الحمد ..
    يوم جيتي شعرتي بالجوع مالقيتي ماء ولا اكل ولا تمر بالحرم ..يوم جيتي شعرتي بالخوف والا امور اخرى ..

    انا ماانكر انه مافي فقر .. لكن ماهو معناه ان الحكومه باخله عليهم والا مقصره.. يروحوا طيب ويطلبوا منهم وش مانعهم..ماراح يقصر ابو متعب وابومحمد ووووالخ

    والحمدلله الان مشاريع الاسكانات الخيريه بدات بتوزيعها لذوي الدخل المحدود والمتوسط وللارامل والمطلقات ..

    الحمدلله عندنا طرق عجيبه ورهييييييييبه عندما زارنا الوفد الياباني قبل كم سنه ذهلوا من هذه المشاريع العملاقه

    والله الحمدلله اغلب السعودين عايشين في نعيم وماشاء الله تعالي شوفي الفلل والعمائر والابنيه تجنن ..ومن هم اصحابها كلهم ناس عاديين وظائف متوسطه ولهم من العائله ماشاء الله ..

    نحن يالسعودين نبي الكماليات وليس الاساسيات ...الاساسيات موجوده ولله الحمد ..
    لكن نبي الكماليات .. والله اعرف ناس وظائفهم عساكر وجنود يعني رواتيهم على قدهم وعلى كذا يتزوج مره ومرتين
    وتدرون ليش ؟؟ لانه عارف انه راح يقدر يصرف عليهم من توفير كل شيء ببلادنا من خير ولله الحمد..

    تعالي شوفي المدارس كل شيء مجانا ..الكتب متوفره وباشكال جديده سنويا ومعلومات جميله ..والحمدلله
    تعالي شوفي التعليم الداخلي الحمدلله كله فهم وادب ...
    والاسواق كل سوق احلى من الثاني ..
    تعالي شوفي وشوفي ..
    والله اني كاني بدولة اروبيه ولله الحمد ..
    اختي راحت العام سوريه ويوم رجعت للسعوديه تقول كاني دخلت امريكا بالنسبه لي وقبلت ارضها شكر وعافيه ..
    وانا مره وانا بمطار الرياض راجعه من احدى الدول .. والله سجدت شكرا لله ارضا امام الجميع ...
    عندما وصلت ارض بلادي وانا بخير وبصحه وعافيه ..

    اقول ايه والا ايه .........


    واخيرررررررررررررررررا ..
    ومهما تكون الظروف فانا لا اريد الا تراب وطني ..ولا ابايع غير ال سعود حكام لنا وعلينا ..

    انا في بلدي اكل من ترابها واتلحف من شتاءها واتنسم من حرها واتعطر من مطرها واتنعم من غيومها واتسلى بمدنها الرائعه ..واتزين من جمالها واكيد فيها العذال من يكرهها ...

    فهل انا غير سعيده بعد هذا كله ......... :27:
    لا والله والف لا اننا سعيدات طول ماحنا ببلدنا ونعيش فيها الله يديمها من نعمه وخير وسعاده على كل المسلمين ..
    ويخلي لكل ناس بلدهم وعزتهم ..وينصر العراق وفلسطين ويرجعون لبلادهم فرحين سعيدين ..

    لكم كل الشكر .. وارجوكم ...الا وطني لااحد يحاول تشويه صورة بلدي لاني ماراح اسكت عن حق بلادي ..

    مع التحيه .





    اشكر الاخت b&d
    واذا قيل لهم لاتفسدوا في الارض قالو انما نحن مصلحون , الا انهم هم المفسدون ولكن لايشعرون , واذا قيل لهم ءامنوا كما امن الناس قالوا انؤمن كما ءامن السفهاء الاانهم هم السفهاء ولكن لايعلمون, واذا لقوا اللذين ءامنوا قالوا ءامنا واذا خلوا الى شياطينهم قالوا انا معكم انما نحن مستهزءون , الله يستهزئ بهم ويمدهم في طغيانهم يعمهون , اولئك اللذين اشتروا الضلالة بالهدى فماربحت تجارتهم وماكانوا مهتدين , مثلهم كمثل اللذي استوقد نارا فلما اضاءت ماحوله ذهب الله بنورهم وتركهم في ظلمات لايبصرون ,صم بكم عمي فهم لايرجعون )

    حسبي الله ونعم الوكيل
    اللهم رد كيده في نحره
  2. @am_alhloh_1

    غيم 2000 يازينك ساكته اذا صارلك ابو مسجون ظلم تعالي تكلمي.....اذا عشتي بيت بينهدم فوق راسك تعالي تكلمي اذا شفتي اخوانك باكتأب من البطاله تعالي تكلمي...هذا والسعوديه اغنى بلد بالبترول؟؟؟؟؟؟
    انتي لما تشوفين الامراء وش يسون بالفلوس بالخارج(بالنقاهه)تعالي دافعي وتكلمي هذا الكلام.........
  3. @rym_albrary

    أنا لا أنكر أن السعودية بلد خير وعطاء لكن فيه ((شغل واسطات ))

    مرة أخوي فتح مشروع وما رضو يفتحونله إلا بشرط أنه يعطي أمير (والأمير صغير مو من الكبار) نسبة من الربح ويكون شراكة بينهم مع أن الأمير ما بيشتغل ولا شي

    لأن اخوي كان جايب فكرة أول مرة تتسوى بالمملكة فما يبونها تكون باسمه .. هل هذا منطق يرضي الله!! هذا شبيه بالنظام الشيوعي

    ومع كذا أنا ما أنكر أن الحكومة والملك والأمير عبد الله في منتهى النزاهة والشرف لكن ساكتين على بعض ذوي السلطة ومعطينهم حرية زايدة عن اللزوم

    غير أن اغلب أصحاب الملايين والبلايين فلوسهم بالخارج وما يدفعون عليها الزكاة وهذا شي معروف لأن فيه شريحة من السعوديين علمانيين ومو مقتنعين بالدين وأولهم واحد من عايلتي للأسف وهو عايش برا وكان غني وربي عاقبه وخسر أغلب فلوسه بس انه ما كان يعطي زكاة وكثير مثله ودايم يتتريق على العبايات ويقول خيام

    تعرفين أنتي ان في عهد عمر بن عبد العزيز كانو يحتارون بالزكاة لان مافيه فقر على ان الدولة الاسلامية كانت اكبر ولا في نفط لكن النظام المالي اسلامي ومافي نهب لأموال الدولة وكل شي موزع بين المسلمين والكل له الحق بالعمل ولا فيه ضرايب وأمير المؤمنين يعيش بعمله وكدحه ومو لازم يكون غني
  4. @um_abdul_aziz

    صاحبة الموضوع
    السلام عليكم ورحمة الله وبركاته

    أخواتي في الله ألاحظ تغيير الموضوع من قبل البعض

    جزى الله كل خير من دافع ونافح عن بلادنا بلاد الحرمين من كل سوء

    وحرم لحومهم عن النار

    وهدى الله كل من حاول أن يقلل من بلدنا أو من حكامها


    أخواتي أردت أن أذكركم
    المملكة العربية السعودية
    1- هي البلد (الوحيد) الذي يطبق الشريعة الإسلامية .
    2- بلاد الحرمين هي البلد التي تخلو من الكنائس .
    3- تخلوا من الخمووووووووووور ودور الدعارة .
    4- وقت الصلوات تغلق جميع المحلات وهذه ميزة مهمة بها لاتوجد في العديد من البلاد .
    5- علماءها أجلاء على منهج أهل السنة الجماعة
    6- تمنع قيادة المرأة للسيارة .
    7-لاتوجد بها دور للسينما ولا مسارح مختلطة .
    8-توفر تعليم مجاني بالمدارس والجامعات
    9-خلو جامعاتها عموماً _ بالإضافة لمدارسها _ من الإختلاط كما في غالبية الدول
    10-توفير الوظائف النسائية بعيد عن الإختلاط
    11-وجود هيئة للأمر بالمعروف والنهي عن المنكر للحد من المخالفات الشرعية في البلاد وتمكينها سلطة شرعية وهذا لايوجد في البلاد الأخرى


    الكثير الكثير من المزايا التي لاتسعفني الذاكرة بحصرها
    فهلا حمدتم الله على أنكم موجودين على ترابها
    حفظها الله لنا وحفظ حكامها من كل سوء
    وأدام علينا نعمة الأمن والأمان
  5. اختي غيم والله والله والله اني لما اقرا ردودك تنزل دموعي الف الف الف شكر لك وجزاااااك الله كل خير .. وبخصوص الاخوات اللي اتكلموا عن الفقر في السعوديه احب اعطيهم مثال صغير للعلم الكويت كلها بكبرها قد الرياض بس!!! فا اكيد ماراح يكون كل سكان السعوديه اغنياء طبعا.. وياناااااااااااااااااس لاتنسون نعمة الامن والامان اللي يحسدنا عليها الكثيييييييييييييييييييييييييييييييييير واللي ماراح تحسون بقيمتها الا لما تفقدونها والعياذ بالله..يانااااااس ما بدا يزعيزع امننا الا السفيه والله لا ينوله مراااااااده يااااااااااااااارب... وترا اهل السعوديه قلوبهم طيبه ومن يدرون عن فقرا على طول يتبرعون لهم..وصدقوني اكثر اللي صارو يشحتون ماهم سعودين من جنسيات اخرى مااحب اذكرها عشان ابعد عن التجريح..ولاتنسون بعد ان الامن مو لعبه ولما يسجنون احد فهو حفاظا على امن البلد وسكانها .. وصدقوني زي مافي استغلال من امراء في استغلال من الشعب للامراء ونفس القصه اللي قالتها احدى الاخوات كان في امير ويبي يعمل مشروع ومارظوا يخلصونه له الا بعد تنازله عن 60% منه والله والله والله ان هالقصه حقيقيه وفي كثييييييييييييير من الامراء ما يطبقون لهم اراضي الا بعد التنازل عن جزء منها!!!! يعني لا تتهمون ال سعود بالاستغلال ( لان التعمميم لغة الحمقى) عموما نرجع لموظوعنا الاساسي السفيه مجرد عميل والحمدلله نتائج مظاهراته رجعته للصفر لانه مو اكثر من كذا ابدا مجرد صفر سفيه ومجرد عميل

تابعي تجارب أخرى من هذا القسم.