دندوووووون ربنا يكرمك على المعلومات الجميله اللى بتفيدينا بيها وربنا يجعله فى ميزان حسناتك وكان نفسى اخدمك بس للاسف ما عنديش فكره وان شاء الله ربنا يكرم هيثم ويسهله اموره امين يا رب معليش يا دندون كنت عايزه اسألك هيا العجانه اللى عرضها الفيومى صينى ولا ايه ؟؟ كمان سؤال ياريت تقولينا خبرتك فى الديب فريزر يعنى انتى جربتى ايه ؟؟؟ورأيك ايه فيه وتنصحينا بايه؟؟؟
روشانابجد موضوع البيكربونات ده اختراع رهيب النهارده جربته بس مش فى المطبخ ها قولك كان عندى على سيراميك الحمام على الارضيه بقعة صدا صغيره كانت مجننانى جربت بكافة الطرق ومختلف المنظفات على انها تطلع ابدا هيا مش باينه اوى علشان جنب التواليت مداريه بس كانت بالنسبه ليا مشكله ومشوه منظر السيراميك لغاية ما قريت مشاركتك النهارده بتاعة البيكربونات قلت اما اجرب وصفة روشانا وحطيت بيكربونات وميه سخنه وخل فار شويه وسيبته لمدة نص ساعه ورجعت دعكت البقعه بفرشاه وكانت المفاجأه انها اختفت تمام بجد فرحت اوى واعدت ادعيلك ربنا يكرمك يا رب فعلا يابنات تجربه ممتازه ونتيجه مضمونه ومش مكلفه جدا لا تتعبى نفسك ولا تقعدى تكلفى نفسك وتجيبى منظفات سعرها غالى وعلى الفاضى وقررت كمان المره اللى جايه اجربها فى تنضيف التواليت والارضيه وكل حاجه محتاجه تنضيف فى البيت بجد اختراع هايل وكان البنات كمان قالو انهم بيعملو خلطه كده معرفش لمون على خل على حاجات تانيه وبيحطوها فى ازازة بريل فاضيه لغسل المواعين ياريت يا روشانا لو عرفاها تكتبيها هنا كمان علشان نستفيد منها واجربها وجزاكى الله كل خير اه صحيح حاجه تانيه لو سمحتى فى المشاركه اللى كتبتيها بتاعة الديب فريزر بتاعة شيماء كانت هيا قالت ان الديب فريزر الاحسن نجيب نوعه دى فروست مش نو فروست معليش ياريت توضحيلى اصدها ايه ؟؟وليه بتنصح بكده ؟؟
***ملف فيدى واستفيدى ***
متابعة النقاش، صفحة 129