شاركي في النقاش

سجلي الدخول لإضافة تعليق.

التعليقات

65
  1. @aayon_thrmdaaa

    اقول افلتي بجلدك الظاهر انها مشغله بالها بالتفكير بحياتك انسحبي منها بهدوء ولاتحس انك متعمده الانسحاب ولاتتكلمين فيها عند زوجك انتبهي هذي ماراح ترتاح لين تحقق اللي في بالها
  2. @shtha_algnan

    هذي بكل أمانة مو صديقة هذي عدوة واحذريها..
    حتى لو كانت متزوجة احذري منها .. يا متزوجات سووا البلاوي..
    هذي حاسدتك على حياتك ..
    صرفيها مثل ما تصرفك .. ولا تردين على اتصالاتها ..
    والافضل لو تقطعين علاقتك فيها بالتدريج..
    بعد لها وجه بتدخل الغرفة:angry2:...هذي شيطان:30:... انتبهي بس لا تسحرك وإلا تبلاك ببلا!!!
  3. @mo0onlights

    عادي قوليلها مثل مانتي ماتحبين تحكيلي عن حياتك
    انا نفس الشي ،، واذا بتزعل عشان حاجات سخيفه
    اسمحيلي هذي مي صداقه ..

  4. يا أختي ليش اللف والدوران هذي بصراحة حرام فيها كلمة صديقة امسكي جوالك ألحين وأرسلي لها رسالة اكتبي فيها ان عندك ظروف تمنعك من التواصل معها وانها تعتبر اللي بينكم انتهى وخلاص ولا عمرك تردي على اتصالاتها ابدا ولا حتى رسايلها ولا تضعفي مهما كان
  5. @dmaa_fy_alhrm

    أولا اللي هذي حركاتها ما تسمى صديقة
    ثانيا اللي يقولون العنوان يناقض الموضوع! أنا ما أشوف أي تناقض لأن نتيجة موضوعها واختصاره انها حست ان البنت ناوية على زوجها
    وعلى فكرة ما أدري ليه صايرين بنات حواء يكذبون أي بنت تكتب كلام ما يدخل عقولهم الكبيرة!
    يعني لو كذبت ذنبها على جنبها واحنا علينا الظاهر
    والله لو وحدة منكم كان عندها مشكلة وكتبتها ولاقت هذي الردود اللي تكذبها والله كان تحسون
    طيب وإذا كذبت؟!
    يمكن فيه وحدة تقرأ وعندها مشكلة تشبه لهذي المشكلة وتستفيد من الحلول المطروحة
    لو كنا في محكمة ونوزع حقوق ولازم نعرف الصادق من الكاذب كان طلبنا شهود حتى لو ما حسينا فيه تناقض بالكلام لكن الآن مهمتنا طرح حلول للمشكلة وما علينا من صاحبتها إن كانت صادقة أو كاذبة والأصل انها صادقة ما دام ما شفنا شي يشهد انها كذابة
    يعني يوم جت وحدة وقالت انها تالف قصص ولاحظتوا الكذب من بعض العضوات الجدد شنيتوا حرب على كل عضوة جديدة واتهمتوها بالكذب!
    الله يصلحكم

    طيب يا نجمة
    مشكلتك حلها بسيط باختصار حاولي تبتعدين عن هذي البنت لكن لو يكون بغموض يكون أفضل لك
    بتقولين كيف؟!
    أول شي يبدو لي ان عينها مو على زوجك نفسه عينها على الفلوس اللي بيده والدليل انك تعزمينها كل أسبوع وتعلق على سفراتكم وعلى ماديتكم
    وغير كذا ما فكرت تعزمك في بيتها
    ما أدري بس أحس انها تحب الفلوس :35:
    وبعضهم إذا صارت المسألة فلوس وطمع ممكن تبيع زوجها وأهله والدنيا كلها مادام انها بتعيش بنعيم مثل ما تظن
    ما أظنها تغليك لأنها لو كانت تغليك دخلتك في بيتها!

    عشان كذا اتصالاتها ماهي طبيعية وما تبغى معلومات قد ما تبغى شي ثاني ومو بعيدة تتوقع زوجك يرد عليها بأي لحظة لأن هذي اول خطوة لو كانت فعلا عينها على زوجك

    وحكاية متزوجة صحيح أول ما كنت أتصور وحدة متزوجة تفكر بغير زوجها لكن الحين تغيرت الأمور صاروا كثير من الرجال يطالعون متزوجات وما يخافون الله فيهن وطبعا ما يمنع ان المتزوجة تحط عينها على متزوج خاصة ان كان زوجها مشغول عنها أو مهملها

    طيب مهمتك تبدا من زيارتها الأسبوعية هذي لو استمرت ممكن تخرب بيتك وهي مرتاحة وبدون مجهود

    قللي منها بدون ما تحس
    اطلعي في يوم زيارتها لأي أحد ولو يكون زوجك معك يكون أفضل أو تأكدي انه خارج البيت عشان تسكرين عليها الأبواب تماما
    لا تكررين هذي الحركة في البداية عشان ما تحس
    يعني أسبوع وأسبوع خليها تزورك وبعدها اطلعي أسبوعين ورا بعض وخليها تزورك اسبوع وبعدها اطلعي اسبوع وخليها تزورك أسبوع وابدأي كثري طلعاتك حتى تطفش منك وتنشغل عنك
    ولااااااااا تعرف وين رايحة وهل زوجك معك ولا لا
    قولي طالعة وبس أشوفك إن شاء الله الأسبوع الجاي

    ومكالمات التلفون طنشي في البداية وان شفتي انها زودتها قولي زوجي متضايق من المكالمات اللي تجي على التلفون ولا تعطينها تفاصيل وممكن تفصلين سلك التلفون فترة طويلة وتعتمدين على الجوال ولو جتك زيارة وفتحت موضوع التلفون صرفيها بأي شي لو تقولين والله ما أحتاجه كثير وأشبكه على النت وما أهتم أرجعه لأني أستقبل المكالمات على الجوال وفعلا اشبكيه على النت عشان ما تكونين كذبتي
    وممكن تختصرين الحكاية وتقولين يا فلانة إذا بغيتيني دقي على الجوال ولا تعطينها مجال للتفاصيل وبعدها افصلي سلك التلفون ولو سألت قولي قلت لك دقي على الجوال!

    المهم اقطعي علاقتك فيها بدون ما يكون بينكم خلاف يعني باختصار انسحبي من حياتها وطلعيها من حياتك بهدووووء


    الله يعينك ويصلح حالك

تابعي تجارب أخرى من هذا القسم.