كيفية الحصول على جنين القمح بأسهل الطرق

السلام عليكم ورحمة الله وبركاته
لاحظت في المنتدى إنه الكثير من البنات يدوروا على جنين القمح هذه الطريقة لاقيتها في كتاب للدكتور صبري القباني وحبيت أوريكم تطبيقي لها :26:
أول شي تشتري قمح كامل بقشره (بر أو حنطة) من أي مطحنة وسعره رخيص في حدود الخمسة أو العشرة ريال

وما أدري إذا متوفر في السوبرماركت بس أهم شي يكون بقشره زي هذه الصورة



بعد كدا تغسلي حبوب القمح كويس وتنقعيها في الماء لمدة ثلاث ساعات



بعدين تنشري الحبوب في صحن



وتغطيها بقطنة مبلولة أو مناديل ورق مبلولة



وتحطيها في مكان رطب وكل ما حسيتي القطن أو المنديل جف بلليه لمدة يومين أو ثلاثة إلى أن يظهر جنين
القمح (أنا ظهرت معايا النتيجة من يوم واحد بس) وهذه صورته (هو الجزء الأبيض الصغير اللي طلع)
طبعا لما تاكليه حتاكلي الحبة كلها مو حتنزعي الجزء الأبيض بس وتاكليه :D





بعد كدا تغسليها كويس وتحطيها في علبة وتغطيها الأفضل تكون غامقة وتحطيها في مكان مظلم وحتكون كدا جاهزة
للاستعمال وإذا حسيتي بمرارة في الطعم ارجعي اغسليها تاني ولازم لما تاكليها تمضغيها كويس مو تبلعيها بلع وبالتوفيق :26:



سوي بس كمية قليلة ولما تخلص سوي تاني لأن تعرضه للهواء يفقده خواصه

19 تعليق 20,221 مشاهدة

شاركي في النقاش

سجلي الدخول لإضافة تعليق.

التعليقات

19
  1. @osh_thnby_any_hlo

    تصدقين اول مره افهم انه قصدهم بجنين القمح البيبي حق القمح خخخخخخخخخخخخخ

    رايحه فيها


    يسلمو حبيبتي و الله يعطيك العافية
  2. @am_aaod_4

    صاحبة الموضوع
    وش ذنبي اني حلوة
    تصدقين اول مره افهم انه قصدهم بجنين القمح البيبي حق القمح خخخخخخخخخخخخخ رايحه فيها يسلمو حبيبتي و الله يعطيك العافية
    هههههههههههههههههههههههه عجبتني البيبي حق القمح ايوا هو نونوته :hahaha:
    الله يسلمك ومشكورة على تنويرك موضوعي :26:

تابعي تجارب أخرى من هذا القسم.