وحشتونى يااحلى رابطة فى الدنيا
انا عملت عملية تحوير بقالى شهرين ولظروف خاصة مقدرتش ادخل احكيلكوا عن كل اللى حصل , بس النهاردة حبيت اشوف كلامكوا لان هو بيصبرنى على حاجات كتير .
انا عملت العملية لانها كانت خلاصى الوحيد من اللى انا فيه انا وزنى قبل العملية كان 140 وبقالى شهرين عاملة تحوير وخسيت عشرين كيلو معرفش دة كتير ولا قليل انتوا بقى قولوا ..
انا بعانى من حاجات كتير وحبيت اسألكوا فيها اولها ان عندى امساك فظيع وعملت كل حاجة ممكن تتعمل ومافيش فايدة ومش عارفة انا بس اللى حصلى كدة ولا انتوا كمان
وكمان اوقات كتير بدوخ ومش بقدر اكمل اليوم غير نوم وبس حتى الرياضة مش بقدر اعملها
كمان طلع ليا بقع غامقة او نمش بنى فى منطقة الصدر بعد اسبوعين من العملية معرفش دة لية دخل بالعملية برضة ولا لأ
وياريت ابقى صديقة ليكوا دايما ..
[رابطة] أصحاب العمليات الجراحية للتنحيف
متابعة النقاش، صفحة 716