::موضوع مختار:: تعالو نفضفض ونحكي عن موقف محرج تعرضتي له بسبب السمنة

الله يرحم حالنا وينحفنا بالعافيه

بقولكم موقفين ذكرتهم من قبل وبذكرهم الحين


آآآآآآآآآآآآآآآآه وآآآآآآآآآآآآآهين بعد من المواقف الي صارت لي نفس اللي ذكروها البنات


مرة ما انسى موقف صار لي كنت في مصر وتحت باب العمارة اللي ساكنين فيها ولد معه ميزان

قمت تفيصحت وقلت تعال واوقف فوق الميزان الا وتجي ذيك البنيه البزر كبر اصبعي واقوى صوتها

تقول( توزني ايه دي مية الف كيلو نزلها لا يتكسر الميزان)

وانا ودي من القهر اللي فيني لا والقهر انا الرصيف مليان كله خليجيين رجال وحريم

الموقف الثاني ما انساه

كنت توني والده وادرس بالجامعه وجالسه انا ووحده من البنات في سني هي نحيفه ومشالله عندها عيال

وشايفه روحها الله يهديها المهم سالتني عن محاضرات واجي بسوي فيها خير واروح لطالبه عندنا شاطرة باخذ منها المحاضرات الطالبه هذي ماتعرفنا قامت قالتلي




هذي بنتك؟؟؟؟؟؟؟؟؟؟؟؟؟؟؟؟؟؟؟؟؟؟:ico n810:

والله انقهرت دمعت عيوني واللي قهرني انا صديقتي قامت تضحك وفرحانه

ههههههههههههههههههه ضحكني موقفك يارشاقه اسكتي لوتسمعين زوجي وش يقول هونحيف كل ماوقفنا عند كون زون ناضر فيني وقال خففي واذا وقفنا عند كنتاكي ناضر وقال ارحمي نفسك خلاص بس والله ان نص الاكل اللي اكله هم موجوع اقسم بالله العضيم خليها على ربكم مره كنت امشي عند هايبر بنده وكان فيه بزر يناضر فيني ويوم لفيت وصرت قريبه منه قالي بصوت سمعوه كل الناس يادبيه يام ديود ياحرمه دبيه خخخخخخخخ والله من التربيه الزينه

يوووووه فكرتوني والله بمواقف كتيير احس دمعتي بتنزل بس امسك نفسي

بس اكتر موقف فشلني صراحة لما روحنا مطعم وطلبنا الاكل الفليبيني عاد قام يوزع الطالبات علينا
و طبعا هما طبعهم مرح قام يقول ذيس فور ليتل بوي و ذيس فور يانغ بوي و ذيس فور يانغ ليدي و شمل امي و اختي
و جا الين عندي و قال ذيس فور ماما بجد وقتها حسيت موية باردة اتكبت عليا و انا وسط اهلي طبعا رجعت و الوان
التهزيء من امي و انتي لو تحسي لو عندك ذرة مشاعر كان انكسفتي و نحفتي

********

و موقف تاني قريب مع الخياط طبعا انا محرم عليا الجاهز حتى لو في مقاسي تفصيل لازم
عشان الاكمام على قولة امي استري اللحم لا يحسدوكي و حتى لو نفسي البس ما اتكلم عشان لا تسمعني كلام
و لما انتي تبغي تلبسي خلي عندك احساس و عزيمة وانحفي
فالخياط كل شوية يعيد و يزيد هادا مقاس كبير و هادا موديل سوي كدة عشان جسم كبير
و طبعا ماما و الله انتي لو وحدة حتى الخاطين حياكلوكي

********
و اكتر موقف خلاني ابكي بقهر لما سجلت في نادي قريب وصغير جمب بيتنا ما كان نادي
كويس مرة بس احسن من ولا شي وطبعا كنت اتخن وحدة في البنات يعني املى وحدة فيهم
في السبعينات و يوم بدأنا الايروبك كنت اكتر وحدة بيصعب عليا الحركات و مو قادرة اسويها و اتعب بسرعة
و جسمي بشع قدام المراية بجد يومها حسيت قد ايش انا بشعة و ما استاهل اعيش
و رجعت البيت ابكي من قلب و يأس مرة فظييع و انه مافي امل و فات الوقت اول مرة احس اني محروقة من دخلي بها الشكل
يومها الوقت كله قضيته بغرفتي و انا ابكي بس الحمدلله غيرت النادي ورحت واحد مرة كويس
و اهم شي لقيت ناس من وزني وناس كانو بوزني و نحفو حسيت بامل و اني ممكن انحف و حين
تركته فترة لظروف دراسية بس الحمدلله بحاول ما ارجع الوزن الي خسرته تاني الين ما ارجع للنادي

*********

بس احلى موقف بصراحة من كم اسبوع و انا و امي واختي ماشين في السوق
الا و ذاك الشاب يعدي و قاالها بكل اعجاب ياحلو يا دبدوب ههههههههه
و الله اني اكره المعاكسات بس كلمته حسستني بثقة من جد و انه لسه يجي مني
مو مقرفة للدرجة دي و خصوصا انه ما قالها بلؤم او تريقة كان من جد بيعاكس صح
غريبة و انا نفسي مستغربة كيف يعجب ولد في الوقت ده بوحدة سمينة و يعاكسها بس اهي صارت معايا
بس من جد كلمته خلتني نفسي انحف و اصير احلى بعين نفسي

لكن تدرو يا بنات اكتر كلمة وجعتني في قلبي الين اليوم فاكرتها لما امي قالت اصلا كل اخوانك
كويسين و مريحيناني ماحد واكسني اصلا غيرك من جد حسيتها وسط قلبي
و خصوصا انها قالتها بقوة صحيح دايما اسمع تعليقات و كلام جارح و حاسة اني وصمة عار في حياة اهلي
بس هادي الكلمة بجد واجعة قلبي الين اليوم