انا.....واخوات زوجي ...المستقعدااات لي ؟؟

الله يعينك .. البنات ماقصروا واهم شي زوجك وعيالك وامه وابوه والباقي طنشيهم ناس مريضة ولاتفكرين فيهم لأن هالشي بيأثر على علاقتك مع زوجك وهو اولى بخيرك منهم وهو جنتك ونارك لأنك بتكوني متوترة وكئيبة وبيطفش منك زوجك والدنيا ماتصفى لأحد يالغالية واحمدي ربك ان زوجك كويس ماشاء الله لأن انت متزوجته هو وماتزوجتي خواته وش الفايدة لو الخوات كويسات والزوج دمار ..الزمي الاستغفار والدعاء بهدايتهم وتسخيرهم لك ان اهتدوا الحمد لله وان لم يهتدوا فالدنيا دوارة وبيذوقوا اللي ذقتي

نفس الراي

ذكرتيني بنفسي اختي العزيزة والله والله اني شفت اضعاف اضعاف ماشفتي تسع سنوات وانا اعاني ولكن الحمد الله على كل حال نصيحتي لك ولكل اخت تعاني00000 البعد عنهم افضل الحلول حفا ظا على اشياء كثيرة 1-صحتك صحتك اهم 000انا عانيت صحيا كثير بسببهم صدقيني الحاله النفسية المعذبه تولد امراض معذبه 2-زوجك ثم زوجك صدقيني هو الاكثر عذاب منكم جميعا حطي نفسك مكانه واحكمي قمة العذاب لما يكون الاهل على خلاف مع الطرف الاخر سوى زوج او زوجه علاشان كذا بعدك عنهم راحه له اكثر انا كنت مثلك ازورهم طلبا للصله وفي كل مره والله اني اطلع بجرح اكبر من اللي قبله والنتيجه ان تفريغ الزعل يكون في الضعيف زوجي ومشاكل الى ابعد حد وكم من مره طلبت الطلاق بسببهم واقول الحمد الله ان ربي ساتر علي مع عيالي وزوجي للحين متفرقعنامن الضغوط اللي شفناها 3-عيالك حرام يعيشون في توتر علاشان الغير ترى كل مشكله تاثر عليهم حتى لو كانوا صغار انا زمان كان عندي ولد واحد بس وكنت احسب ان مايعرف شي والنتيجه انه تربى وسط جو كله عصبيه وطلت شخصيته عصبيه ومتوتره وتاكدي ان الاول يربي اخونه بمعنى ياخذون شخصيته 4-حياتك حرام تضيعينها علاشان طلب رضا الغير صدقيني مهما حاولتي ماراح يتغيرون هم في بيتهم مرتاحين وانتي معذبه نفسك 5-استقرارك الزوجي 000000انا اخذت من ابوي الله يشغيه نصيحه للحين ترن في اذني وركزي ان النصيحة من رجل قال يابنتي انتبهي ليصير الدرب عليك الرجل اذا انضغط اهله من جهه وانتي من جهه اهله مايقدر يسويلهم شي الاهل مايبدلون لكن المراه مبدله بغيرها 0000والله ومن بعدها وانا ماعاد همي الارضى ربي ثم زوجي وعيالي وربي ناصر المضلوم ولو بعد حين 0000 والله ياحبيبتي اني حاسه بحرقتك لاني مريت باشدمنها ولو عندي وقت كان كتبتها لكن نصيحتي لك الدعاء ثم الدعاء بصلاح نيتك وذريتك ونصرك على من ظلمك 00واسفه طولت عليك ودعوتي لك ان الله يوفقك ويكفيك شر من به شر ورددي دعاء اللهم اكفني بهم بما شئت دائما -----حفضك الله ورعاك

الله يكون بعونك والله يصلح الحال بينكم ياااااااااااااااارب

والله باين انك طيبه والله يعطيك على قد نيتك